Mark 1:1 - Santali Common Language New Testament

¹ Isorren Hopon Jisu Mạsiakʼ bisoetege bhage sombat reakʼ etohopʼ do hoeakana.

সান্তালী বাইবেল

¹ Isorren Hopon Jisu Mạsiyakʼ bisoetege bhage sombat reakʼ etohopʼ do hoyakana.

Mark 1:1 Iomraidhean Croise

Mathae 14:33

Ar lạukạre okoeko tahẽkan onko do Jisu sewawadeteko menkeda, “Sạrige am dom Isorren Hopon kana.”

Mathae 17:5

Ado Patras kathae roroṛkan tahẽkanrege mitʼṭen jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniakʼ ańjomtaepe.”

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusiakan.”

Mathae 4:3

Unre Soetan do hecʼkate uniye metadea, “Isorren Hopon kan khanem enḍekhan noako dhiri piṭhạ hoe ocoeme.”

Luk 1:35

Serma goḍete menkeda, “Sonot Jiu do am cetanreye hijukʼa ar maraṅ Isorakʼ daṛegeye umulkama. Noa iạte okoeṭakʼ sonot Hopone janamokʼ uni do Isorren Hopone ńumogokʼa.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniakʼ oka ṭhonok menakʼ ona do alele ńelakada. Uni do daya ar sạriakʼteye perecʼgea.

Johan 1:34

Iń do onań ńelakada ar gohań emetʼkana nui kangeae Isorren Hopon.”

Johan 1:49

Noate Nathanael do Jisui metadea, “E Guru, am do Isorren Hopon kanam ar amge Israelkoren raj do.”

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Johan 3:16

“Isor do manwa nunạkʼe dulạṛketʼkoa acʼren eskar janam Hopongeye emkedea, jemon unire pạtiạukʼ mitʼke mitʼ hoṛ aloko nosṭokʼ bickom jaejug jion tahentako.

Johan 6:69

Alele biswạs akana arle baḍae akada, am do Isorren uni sonoticʼ kanam.”

Aposkạmi 13:24

Jisu hijukʼ lahare sanam Israelko ṭhen Johan do noa menteye porcarleda je, hoṛko do kại khon mon ạcurkate bạptisma hatao lek takoa.

Romiko lạgitʼ Pạul Apostolakʼ ciṭhi 8:3

Manwawakʼ kại gunạkʼte ạnko do nijor akan tahẽkana, ona iạte ạn oka bae daṛeakʼkan tahẽkan, Isor ona do acʼgeye onka akada. Uni do kại meṭao lạgitʼ acʼren bin-dusạn Hopon manwa muṭhạn emkateye kolkedea ar acʼren Hoponakʼ gujukʼ hotete kại reakʼe bicạrketʼte ona reakʼ daṛeye ocokʼkeda.

Romiko lạgitʼ Pạul Apostolakʼ ciṭhi 8:32

Isor do acʼren Hopon hõ bae mãyãwadea bickom abo sanamko lạgitʼ gujukʼ tireye emkedea. Enḍekhan uni do cetʼ Hopon sãote ar sanamakʼko bae danabona?