Luk 3:2 - Santali Common Language New Testament

² ar Hannas ar Kaeapha do Jihudikoren maraṅ naekekin tahẽkana. Ona oktere Isor do hahaṅkar jaegare Sakariạ hopon Johan ṭhen acʼakʼ kathae sodorkeda.

সান্তালী বাইবেল

² ar Hannas ar Kaeapha do Jihudikoren maraṅ naekekin tahẽkana. Ona oktere Isor do hahaṅkar jaegare Sakariạ hopon Johan ṭhen acʼakʼ kathae sodorkeda.

Luk 3:2 Iomraidhean Croise

Mathae 11:7

Ado Johanren celakoko ruạṛ calakʼkan tahẽkanre, Jisu do gadel hoṛko Johan reaṅ lạiakoe ehopʼena, “Hahaṅkarte do cetʼ ńeńelpe oḍok senlena? Hoete hilạukʼkan chuchi?

Mathae 26:3

Unre maraṅ naekeko ar Jihudikoren murubiko do Kaeaphako metae maraṅ naekeakʼ oṛakʼreko jarwa mitʼena, ar Jisu hape hapete sapʼkate goje reakʼ phundiko aṭaokeda.

Mark 1:2

Jesaea nạbiakʼ puthire noa katha ol akana; Ńelme, ińren goḍet do am lahateń kolekana. Uni do amakʼ hore teara.

Luk 1:80

Ar Johan doe hara idiyente Jiureye daṛe idiyena. Ar Israelko samaṅre ạuriye bahalokʼ hạbicʼ uni do hahaṅkarregeye tahẽyena.

Johan 1:23

Johane menkeda, “Ińge ona hohokạnicʼ reakʼ aṛaṅ do, one okoe reaṅ Jesaea nạbiye menakatʼ, Hahaṅkarre mitʼṭen hohokạnicʼ reakʼ aṛaṅe baḍae ocokʼkana, Probhuakʼ hor sojhekataepe.”

Johan 18:24

Unre Hannas do maraṅ naeke Kaeapha ṭhen tolgeye kolkadea.

Aposkạmi 4:6

Onḍe do maraṅ naeke Hannas hõe tahẽkana. Ona chaḍa Kaeapha, Johan, Aleksander ar maraṅ naekeakʼ gharońjren eṭakʼ hoṛko hõko tahẽkana.