Luk 16:2 - Santali Common Language New Testament

² Unre kisạ̃ṛ do uni hoṛ hohoadeteye kulikedea, ‘am birudre cetʼkoń ańjomeda? Onate kạmi reakʼ hisạb imạńme, ente maraṅ lonbonicʼ do ar bam tahẽdaṛeakʼa.’

সান্তালী বাইবেল

² Unre kisạ̃ṛ do uni hoṛ hohowadeteye kulikedea, ‘am upạrte cetʼkoń ańjomeda? Onate kạmi reakʼ hisạb imạńme, ente maraṅ lonbonicʼ do ar bam tahẽdaṛeakʼa.’

Luk 16:2 Iomraidhean Croise

Mathae 12:36

Menkhan ińiń metapekana, okoe ạuṛi sạuṛi kathako roṛ, onko do bicạr dinre akoakʼ mimitʼ katha reakʼ lekha jokha emokʼ hoyokʼtakoa.

Mathae 20:8

“Ado ạyupʼen khan darkha bagwanren mạlik do acʼren gutiye metadea, ‘kạmiạko hoho ạgukom ar tayomtenko khon ehopʼkate lahatenko hạbicʼ mimitʼ mimitʼte kuṛại emakom.’

Luk 12:20

Menkhan Isor do uniye metadea, ‘E bebuj, teheń ńindạge am dom gujukʼa. Enḍekhan onem doho jarwa akatʼ dhon do okoeakʼ hoyokʼa?’ ”

Luk 12:42

Probhui menkeda, “Uni pạtiạricʼ ar budanicʼ kạmiyạ hoṛ doe okoe kana, one uniren kisạ̃ṛtetʼ do gutiko cetanre sordare dohoyete ṭhik oktere ser sidhạ emako lạgitʼ bhare emaekan?

Luk 16:1

Jisu do acʼren celakoe metatʼkoa, “Mitʼṭen kisạ̃ṛ hoṛren maraṅ lonbonicʼ do noa menteko dusikedea je, uni do acʼren kisạ̃ṛakʼ dhonkoe nosṭoyeda.

Luk 16:3

“Unre guti do mone moneteye menkeda, ‘ńitokʼ do cetʼ iń cekaea? Ińren kisạ̃ṛ ma kạmi khone ocokʼ idiń. Ar hasa makʼ reakʼ daṛe hõ bạnukʼtiń ar kokoe mań lajaokʼkan.

Romiko lạgitʼ Pạul Apostolakʼ ciṭhi 14:12

Enḍekhan ńelokʼ kana, abo mimitʼ hoṛ do apnar reaṅ lekha jokha Isor emae hoyokʼ tabona.

1 Korinthiko 1:11

E ińren boehako, iń do Kloe gharońjrenko hotete ape reaṅ iń baḍaekeda je, apeko talare reṭha reṭhi menakʼa mente.

1 Korinthiko 4:2

Ar okoere bhar emakan onko do udugokʼ hoyokʼtakoa je, pạtiạranko kanako mente.

1 Korinthiko 4:5

Onate Probhu hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

2 Korinthiko 5:10

Ente Mạsiakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛạibon ńama.

1Timothi 4:14

Manḍerren murubiko capokateko koeyatʼme tahẽkanre nạbi lekate katha roroṛ hotete okaṭakʼ dan ematʼme tahẽkan, ona daya dan do alom ḍhilạua.

1Timothi 5:24

Adom adom hoṛakʼ kại do nunạkʼ sodorgea je, ona reakʼ bicạr do laharege hoeakana. Arhõ adom adom hoṛ do kạiye pańja idiyetʼkoa.

1 Patras 4:10

Ar ạḍi lekate sodorokʼkan Isorakʼ daya ńamkate okoe hoṛ do pạtiạr salakʼ kạmire onae lagaoetʼkan, onkan hoṛ lekate ape do Isor ṭhen khon okalekan danpe ńamakatʼ ona baṛe ape apere sapʼ sopohotʼ lạgitʼ beoharpe.

1 Patras 4:5

Menkhan okoe jiwetʼ ar gocʼko bicạrko lạgitʼe sapṛao tearakan, onko do uni ṭhen hisạb emokʼ hoyokʼtakoa.

Johan sodor 20:12

Ona tayom iń do, kạṭicʼ lạṭu joto gocʼ hoṛko ona siṅghạson samaṅre teṅgo akaniń ńelketʼkoa. Inạ tayom do puthiko oṭakʼ ocoyena. Ona tayom ar mitʼṭen puthi oṭakʼ ocoyena. Ona do jion reakʼ puthi tahẽkana. Ar ona puthire noko gocʼ hoṛkoakʼ kạmi reaṅ cetʼleka ol akan tahẽkan ona lekage onkoakʼ bicạr do hoyena.