Luk 11:4 - Santali Common Language New Testament

⁴ ar aleakʼ kạiko ikạkataleme ente okoe ale birudreko kạiyetʼ ale hõ onkole ikạkatako kana. Ar biḍạute alom aderlea.’ ”

সান্তালী বাইবেল

⁴ ar aleakʼ kạiko ikạkataleme ente okoe ale upạrteko dosetʼkan ale hõ onkole ikạkatako kana. Ar biḍạute alom aderlea.’ ”

Luk 11:4 Iomraidhean Croise

Mathae 18:35

“Onkage, ape mimitʼko aperen boehako apeakʼ ontorte bape ikạleko khan, sermare menae ińren Baba hõ apeye onkawapea.”

Mathae 26:41

Jagwar tahenpe ar koejoṅpe jemon biḍạure alope paṛaokʼ. Jiure sana menakʼgea, menkhan hoṛmo do nijorgea.”

Luk 11:5

Ona tayom Jisu do acʼren celakoe metatʼkoa, “Ape modre mitʼ hoṛ tala ńindạ jokhecʼ acʼren gateakʼ oṛakʼte senkateye metae, ‘E gate, pea piṭhạ pańcate den em hataṛạńme.

Luk 13:4

Siloam reakʼ usul oṛakʼ bhindạṛlenre okoe gel irạl hoṛko gocʼlen, apeakʼ hudisre onko do cetʼ Jerusalemreko khon hõ bạ̃ṛti dusiyan hoṛko tahẽkana?

Luk 8:13

Dhiri hasare ńũren itạte do onko lạgitʼge roṛ akana, okoe do katha ańjomkate rạskạteko ataṅetʼkan, menkhan onkore ona reakʼ rehetʼ do mońjte baṅ bạisạukʼ kana. Onate onko do thoṛa din lạgitʼko pạtiạukʼkana, menkhan biḍạureko paṛaolen khan doko pạcokʼ kana.

Johan 17:15

Noa dhạrti khon idiko lạgitʼ do bạń nehõram kana, bickom nehõrokʼ kạnạń, jemon Soetanakʼ ti khonem bańcaoko.

1 Korinthiko 10:13

Manwa jionre okako biḍạu hoe emanokʼ ona chaḍa ar eṭakʼ jãhãn biḍạu do baṅ paṛao akawatʼpe. Isor doe pạtiạrgete, sahao daṛeakʼ khon bạ̃ṛti do bae biḍạupea, bickom biḍạu são sãote ona khon oḍokokʼ reakʼ hõe horapea, jemonpe sahao daṛeakʼ.

Kolossiko lạgitʼ Pạul Apostolakʼ ciṭhi 3:13

Ape apere sahaokʼpe ar jãhãe birudre apeakʼ jãhãn dos reakʼ menakʼtae khan uni do ikạkaepe. Probhu cetʼlekae ikạ akatʼpe onkage ape hõ eṭakʼko ikạkako lektapea.

2 Thessalonikiko 3:3

Menkhan Probhu doe pạtiạrgea; unige ape doe kajak ocopea ar Soetanakʼ ti khone rukhiyạpea.

2Timothi 4:18

Probhu do sanam bạṛicʼakʼ kạmi khone rukhiyạyińạ ar acʼakʼ serma rajreye idi seṭerińạ. Uniakʼge ṭhonok hoyokʼtaema jug cetan jug. Amen.

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

Johan sodor 3:10

Sobori reakʼ okań hukumatʼme tahẽkan ona dom dohoakada; onate dhạrtire oka duk reakʼ ghuṛi daraekan ona khon iń doń rukhiyạmea. Ar okoe doko noa dhạrtirenkan onko biḍạuko lạgitʼge noa duk reakʼ okte do hijukʼa.