Johan sodor 3:4 - Santali Common Language New Testament

⁴ Menkhan Sạrdisre thoṛa nonkan hoṛ menakʼkotama one okoe do akoakʼ kicʼricʼ khạnḍwạkʼ, metakʼme cạl-colon bako mạilạ akatʼtako. Onko doko lekman hoṛ kante ponḍ kicʼricʼ horokʼkate iń sãoteko dãṛãbaṛaea.

সান্তালী বাইবেল

⁴ Menkhan Sạrdisre thoṛa nonkan hoṛ menakʼkotama one okoe do akoakʼ kicricʼ khạnḍwạkʼ, metakʼme cạl-colon bako mạilạ akatʼtako. Onko doko lekman hoṛ kante ponḍ kicricʼ horokʼkate iń sãoteko dãṛãbaṛaea.

Johan sodor 3:4 Iomraidhean Croise

Mathae 10:11

“Jãhãṭakʼ nagraha se atotepe bolokʼre onḍenicʼ mitʼṭen mukhiạ hoṛ ńamepe ar eṭakʼte ạuripe oḍokʼ calakʼ hạbicʼ uniakʼ oṛakʼrege tahenpe.

Mark 16:5

Ado topa bhitriteko boloyen khan jojomsa aṛere ponḍ kicricʼ horokʼ akatʼ mitʼṭen juạn hoṛ duṛupʼ akanko ńelkedea, ar onate ạḍitetʼko tharbasaoena.

Luk 20:35

Menkhan gocʼko khon beretʼkate darakan jugre parom calakʼ lạgitʼ lek kanako menteko lekhakʼte onko do bạhu hõ bako bạhu joṅa ar jãwãe hõ bako jãwãyokʼa.

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Aposkạmi 1:15

Onako dinre Patras do Mạsire pạtiạu akan mitʼ sae bargel hoṛko talare teṅgoyente menkeda,

2 Thessalonikiko 1:5

Ar noakoge Isorakʼ dhorom bicạr reakʼ mitʼṭen porman kana. Noa reakʼ monsubạ do hoyokʼ kana, jemon Isorakʼ rajosṭire lekmanko mentepe lekhakʼ. Ar ona iạtege ape do nunạkʼ dukpe sahao akada.

Jihudạwakʼ ciṭhi 1:23

Ar adomko do seṅgel khon ạtkir oḍokkate bańcaokope. Jel reakʼ sanate okoeakʼ jion mạilạ akan onkoakʼ besapha kicricʼko hõ hirkhạwakʼpe ar apnar sontor akae tahente onko mãyãwakope.

Johan sodor 1:11

Uni doe metadińạ, “Okaṭakʼem ńel ona do mitʼṭen puthire olme, ar Ephesus, Smurnạ, Pergamom, Thuạtirạ, Sạrdis, Philạdelphiạ, ar Laodhar, noa eae goṭen nagraha reakʼ eae goṭen manḍer ṭhen kolme.”

Johan sodor 11:13

Unre ạḍi botor dhạrti laṛaoena ar ona nagraha reakʼ gel hạṭiń reakʼ mitʼ hạṭiń do rạputʼ ńurena. Ar ona dhạrti laṛaore eae hajar hoṛko gocʼena. Onate sarecʼko sanamge botor caṛhaoatʼkote sermaren Isorko sarhaokedea.

Johan sodor 14:4

Noko do onko hoṛ kanako, one okoe do maejiuko tulucʼ bako laṭghaṭ akatʼte saphage menakʼko. Ar jãhã secʼge Bheḍa Hopone calakʼ onko hõ uni tayomteko calakʼa. Isor ar Bheḍa Hopon ṭhen pạhil jo lekate dãṛẽ lạgitʼ hoṛko mod khon onko doko kiriń akan tahẽkana.

Johan sodor 19:14

Sermaren palṭonko do ponḍ sapha musnạ kicricʼ horokʼkate ar ponḍ sadomre decʼkate uni tayom tayomteko calakʼkan tahẽkana.

Johan sodor 19:8

Uni do jhalkaokʼkan, sapha ar mĩhĩ musnạ kicricʼ bandekʼ lạgitʼ emakawadea. Ona kicricʼ do Isorren hoṛkoakʼ dhorom kạmiko kana.”

Johan sodor 3:18

Onate noa solhań emam kana, am do iń ṭhen khon seṅgelre rapakʼakʼ khạṭi sona kirińjoṅme, jemonem kisạ̃ṛ daṛeakʼ. Iń ṭhen khon ponḍ kicricʼ kirińkate horogme jemon onem uluṅ akan reakʼ lajaotetʼ alo ńelokʼtam. Iń ṭhen khon mẽtʼre lagao lạgitʼ aenom kirińjoṅme, jemonem ńeńel.

Johan sodor 3:5

Okoeye jitạukʼa uni do nonkan ponḍ kicricʼe horoga. Ar iń do jion reakʼ puthi khon uniakʼ ńutum tishõ bạń meṭaotaea, bickom ińren Baba ar uniren goḍetko samaṅreń aṅgocea.

Johan sodor 4:4

Ona siṅghạson reakʼ beṛhaete arhõ bargel pon siṅghạson tahẽkana, ar ona siṅghạsonkore do bargel pon murubiko duṛupʼakan tahẽkana. Onkoakʼ kicricʼko do ponḍge tahẽkana ar bohokʼre do sona reakʼ mukuṭ tahẽkantakoa.

Johan sodor 6:11

Unre onko mimitʼ hoṛ mitʼṭenkate ponḍ oyon kicricʼko ematʼkoa arko metatʼkoa, onkoren são gutiko ar boehako, okoe do ako lekako gocʼ ocokʼ onkoakʼ lekha ạuri purạukʼ hạbicʼ jemon arhõ thoṛa ghạṛicʼko ńel hor.

Johan sodor 7:9

Inạ tayom sanam jạtko, bõsko, disạm ar pạrsiren modko khon nunạkʼ gadel hoṛkoń ńelketʼkoa je, onko do okoege bako lekha daṛeatʼkoa. Onko do ponḍ kicricʼ horokʼkate ona siṅghạson ar Bheḍa Hopon samaṅre khijur sakam sapʼkateko teṅgo akan tahẽkana.