Johan sodor 3:3 - Santali Common Language New Testament

³ Onate okam ńamakatʼ arem ańjomakatʼ ona disạime ar manaome, ar ona khon mon ạcurtam. Ar jagwar bam tahen khan iń do kombṛo lekań hijukʼa, ar tinreń hijukʼa ona do baḍaege bam baḍae daṛeakʼa.

সান্তালী বাইবেল

³ Onate okam ńamakatʼ arem ańjomakatʼ ona disạime ar manaome, ar ona khon mon ạcurtam. Ar jagwar bam tahen khan iń do kombṛo lekań hijukʼa, ar tinreń hijukʼa ona do baḍaege bam baḍae daṛeakʼa.

Johan sodor 3:3 Iomraidhean Croise

Mathae 25:13

“Onate jagwar akae tahenpe, ente ona din se ona okte reakʼ katha do bape baḍaea.”

Mark 13:33

Ape do sontor akan tahenpe, jagwar tahenpe ar koejoṅpe, ente bape baḍaea oktetetʼ do tiskan coṅ.

Mark 13:36

Uni do ackage hecʼkate jạpitʼ akatʼ jemon bae ńampe.

1Timothi 6:20

E Timothi, oka jogao doho lạgitʼ jimạ akawatʼme ona do bes okocʼte horho doho akae tahenme; ạuṛiakʼ akel reakʼ bebhokti roṛ ar eṛe cecetʼakʼ khon sahaṛ akae tahenme.

2Timothi 1:13

Iń ṭhen khon okam ańjomakatʼ ona sạriakʼ reakʼ sikhnạt do nạmuna lekate sapʼ dohoeme; ar Mạsi Jisu tulucʼ jopoṛao iạte aboakʼ ontorre oka dulạṛ ar biswạs janamakan ona sapʼ dohojoṅme.

Ibriko 2:1

Onate akabon ańjomakatʼ ona manao lạgitʼ arhõ moneakʼ lek tabona, jemon ona khon alo bon pharakokʼ.

2 Patras 1:13

Menkhan ińakʼ hudisre, tinạkʼ din noa kumbạ leka bin ṭikạukʼ hoṛmore jiwetʼiń tahen unạkʼ din noako reaṅiń disạite jagwar dohope do lek kantińạ;

2 Patras 3:1

E dulạṛiạ boehako, ape ṭhen noa do ińakʼ dosar ciṭhi kana. Banar ciṭhirege iń do adomakʼko babotreń disạ ocoyetʼpete apeakʼ soṛa mon udgạu reakʼ iń kurumuṭuyeda.

2 Patras 3:10

Menkhan Probhuakʼ din do kombṛo leka hijukʼa. Ona dinre serma do sãe sãe saḍete parom calakʼa ar siń cando, ńindạ cando, ipilko sanamge atarokʼa arko le cabakʼa. Dhạrti ar onare menakʼ sanamakʼge ḍahao maraokʼa.

Johan sodor 16:15

Jisui meneda, “Ńelme, iń do kombṛo lekań hijukʼa. Bhạgangeae uni hoṛ, one okoe do jagware tahenkan ar acʼakʼ kicricʼkoe jogao dohoyetʼ, jemon laṅgaṭ alaoe dãṛãn ar hoṛko hõ uniakʼ lajaotetʼ aloko ńeltae.”

Johan sodor 2:25

Eken apeakʼ okaṭakʼ menakʼ, ona do iń ạuriń hijukʼ hạbicʼ kajakte sapʼ dohokakʼpe.

Johan sodor 2:5

Hudiskate ńelme, am do tinạkʼ usul khon tinạkʼ latartem pheḍakana. Noa khon mon ạcurtam ar lahate okakom kạmikan tahẽkan onare ruạṛme. Ar mon bam ạcurletam khan enḍekhan am ṭhen hecʼkate amakʼ diuhe dohowakʼ do ona jaega khoniń ocoga.

Johan sodor 22:7

Jisui meneda, “Ńelpe, iń do ạḍi usạrageń hijukʼ kana. Noa puthi reakʼ sanam katha, metakʼme Isorakʼ kathako okoeye manao uni doe bhạgangea.”

Johan sodor 3:11

Iń do ạḍi usạrageń darae kana. Amakʼ oka menakʼtam ona do sapʼ uricʼ akae tahenme, okoe hõ amakʼ jitạukʼ reakʼ kuṛại alo jemonko recʼme.

Johan sodor 3:19

Okoeyiń dulạṛetʼko, onkoge doskoń udukʼakoa ariń ḍanṭaokoa. Onate noa khon mon ạcur lạgitʼ ahkaokʼme.

Johan sodor 3:2

Am do jagwar tahenme ar sarecʼakʼ okako gocʼakan leka menakʼ ona do daṛeanakʼ hoe ocoeme, ente ińren Isor samaṅre amakʼ jãhãn kạmige mucạdokʼ do bạń ńelakada.