Johan sodor 3:11 - Santali Common Language New Testament

¹¹ Iń do ạḍi usạrageń darae kana. Amakʼ oka menakʼtam ona do sapʼ uricʼ akae tahenme, okoe hõ amakʼ jitạukʼ reakʼ kuṛại alo jemonko recʼme.

সান্তালী বাইবেল

¹¹ Iń do ạḍi usạrageń daraekana. Amakʼ oka menakʼtam ona do sapʼuricʼ akae tahenme, okoe hõ amakʼ jitạukʼ reakʼ kuṛại do alo jemonko recʼme.

Johan sodor 3:11 Iomraidhean Croise

1 Korinthiko 9:25

Okoe dạṛ enecʼreko seledokʼkan onko do laha khonge mitʼṭen niạm bhitriteko calakʼa. Onko do okaṭakʼ jid ṭupri mosodokʼ ona ńam lạgitʼko onkayeda, menkhan abo do bin mosodokʼ ṭupri ńam lạgitʼge one okaṭakʼ do tisge baṅ nosṭokʼ.

Philipiko lạgitʼ Pạul apostolakʼ ciṭhi 4:5

Apeakʼ mạ̃hirtetʼ do sanamko ṭhen baḍaeokʼma. Probhu do usạrageye daraekana.

2Timothi 2:5

Onkage haparaokʼ enecʼre seletʼkate jãhãege niạm lekate bae enecʼ khan uni do jid ṭupri bae ńama.

2Timothi 4:8

Onate iń lạgitʼ dhorom reakʼ jit ṭupri dohoakana. Bicạr dinre dhorom bicạricʼ Probhu do ona kuṛại lekate jit reakʼ malae danạńạ. Ar eken iń eskargeye danạńạ ona do baṅ, menkhan okoe soborikate uniakʼ ruạṛ hijukʼ reakʼko koyokʼ horakatʼ onko sanamkoe danakoa.

Jakob 1:12

Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.

Jakob 5:9

E boehako, Isor jemon apeakʼ dosko aloe sabtape onate ape apere dos alope lade joṅa. Ńelpe, bicạricʼ do duạr sorreye hecʼakana.

Johan sodor 1:3

Ar Isorakʼ okaṭakʼ katha nonḍe olakan, ar okoe noae paṛhao uni doe bhạgangea ar okoe onako ańjom arko manao onko hõko bhạgangea, ente okte do hecʼ seṭer akana.

Johan sodor 16:15

Jisui meneda, “Ńelme, iń do kombṛo lekań hijukʼa. Bhạgangeae uni hoṛ, one okoe do jagware tahenkan ar acʼakʼ kicricʼkoe jogao dohoyetʼ, jemon laṅgaṭ alaoe dãṛãn ar hoṛko hõ uniakʼ lajaotetʼ aloko ńeltae.”

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

Johan sodor 2:13

Am do okarem tahenkan ona doń baḍaegea; onḍe do Soetanakʼ siṅghạson menakʼa. Enhõ am do ińre pạtiạr menama ar iń cetanre amakʼ pạtiạu do bam baṅ akada. Okare Soetane tahenkan onḍe ińren pạtiạricʼ goha Antipas do ape samaṅreye khũn ocolenre hõ am do amakʼ pạtiạu bam baṅlakʼa.

Johan sodor 2:25

Eken apeakʼ okaṭakʼ menakʼ, ona do iń ạuriń hijukʼ hạbicʼ kajakte sapʼ dohokakʼpe.

Johan sodor 22:12

Jisui meneda, “Ńelme, hako pakogeń hijukʼkana ar mimitʼko akoakʼ kạmiko reakʼ kuṛại do iń soṅgerege menakʼa.

Johan sodor 22:20

Okoe noako reaṅe gohayetʼkan uniye meneda, “Sạrige iń do hako pakogeń hijukʼkana.” Amen. Probhu Jisu, dela hijukʼme.

Johan sodor 22:7

Jisui meneda, “Ńelpe, iń do ạḍi usạrageń hijukʼ kana. Noa puthi reakʼ sanam katha, metakʼme Isorakʼ kathako okoeye manao uni doe bhạgangea.”

Johan sodor 3:3

Onate okam ńamakatʼ arem ańjomakatʼ ona disạime ar manaome, ar ona khon mon ạcurtam. Ar jagwar bam tahen khan iń do kombṛo lekań hijukʼa, ar tinreń hijukʼa ona do baḍaege bam baḍae daṛeakʼa.

Johan sodor 4:10

onko bargel pon murubiko do siṅghạsonren ạidạriyicʼ, metakʼme okoe do jaejug hạbicʼ jiwetʼ menae uni do ombakʼkateko sewawae kana. Noko murubiko do ona siṅghạson samaṅre akoakʼ mukuṭ bocʼ dohokateko meneda,

Johan sodor 4:4

Ona siṅghạson reakʼ beṛhaete arhõ bargel pon siṅghạson tahẽkana, ar ona siṅghạsonkore do bargel pon murubiko duṛupʼakan tahẽkana. Onkoakʼ kicricʼko do ponḍge tahẽkana ar bohokʼre do sona reakʼ mukuṭ tahẽkantakoa.