Johan sodor 21:22 - Santali Common Language New Testament

²² Ona nagrahare jãhãn mundilge bạń ńel ńamleda, ente sanam daṛeanicʼ Probhu Isor ar Bheḍa Hoponge ona nagraharen mundil do.

সান্তালী বাইবেল

²² Ona nagrahare jãhãn mundilge bạń ńel ńamleda, ente sanam daṛeanicʼ Probhu Isor ar Bheḍa Hoponge ona nagraharen mundil do.

Johan sodor 21:22 Iomraidhean Croise

Mathae 24:2

Unre Jisui metatʼkoa, “Ape ma noakope ńeletʼ, menkhan ińiń metapekana, nonḍe do mitʼṭen dhiri hõ eṭakʼ dhiri cetanre baṅ tahena, joto do rạputʼ giḍikʼa”

Johan 10:30

“Iń ar Baba doliń mitʼgea.”

Johan 13:32

Isorakʼ ṭhonok tinre unire sodorokʼa unre Isor hõ Manwa Hoponakʼ ṭhonok acʼreye sodora ar usạrageye ṭhonok ocoyea.

Johan 4:21

Jisu do uniye metadea, “Ańjomme ar ińakʼ kathare pạtiạukʼme, ente nonkan okte hijukʼ kana unre Isor Baba do noa burure hõ baṅ ar Jerusalemre hõ bape sewawaea.

Johan 4:23

Menkhan okte daraekana, ar ńit hõ kangea, one unre sạri sewako do Jiu ar sạriakʼte Babako sewawaea. Ar Baba hõ nonkan sewakogeye ńam baṛayetʼkoa.

Kolossiko lạgitʼ Pạul Apostolakʼ ciṭhi 1:19

Isor doe goṭaletʼa jemon acʼakʼ joto lekanakʼ perecʼtetʼ Mạsire tahen.

Kolossiko lạgitʼ Pạul Apostolakʼ ciṭhi 2:9

Isorakʼ goṭa perecʼtetʼ do Mạsiakʼ hoṛmo rupteye girobasokʼ kana, ar Mạsi tulucʼpe kolom mitʼakante ape hõ ona perecʼtetʼpe ńamakada.

Johan sodor 1:8

Probhu Isore meneda, “Ińge Alpha ar Omega, one okoe do menae, are tahẽkan are hijukʼkan. Ar iń kangeạń sanam daṛeyicʼ do.

Johan sodor 11:17

“Sanam daṛeanicʼ Probhu Isor, am do menama arem tahẽkana. Ale do amle sarhaoetʼme kana, ente am do amakʼ maraṅ ektiạrianakʼ tite rajokʼem ehopʼkeda.

Johan sodor 14:4

Noko do onko hoṛ kanako, one okoe do maejiuko tulucʼ bako laṭghaṭ akatʼte saphage menakʼko. Ar jãhã secʼge Bheḍa Hopone calakʼ onko hõ uni tayomteko calakʼa. Isor ar Bheḍa Hopon ṭhen pạhil jo lekate dãṛẽ lạgitʼ hoṛko mod khon onko doko kiriń akan tahẽkana.

Johan sodor 15:3

Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtren raj, tinạkʼ dhorom ar sạriakʼgea amakʼ horko do!

Johan sodor 16:14

Onko bạṛicʼ jiu do hahaṛa kạmiko kạmikan tahẽkana. Ar sanam daṛean Isorakʼ ona maraṅ dinre lạṛhại lạgitʼ onko do goṭa dhạrtiren rapajko mitʼ ṭhenko jarwaketʼkoa.

Johan sodor 16:7

Iń do pinḍ khon mitʼ hoṛ noa katha roroṛiń ańjomkedea: “Sanam daṛeạnicʼ Probhu Isor, amakʼ sanam bicạrko do sạrigea ar dhoromte perecʼgea.”

Johan sodor 19:15

Sanam jạtko jemone ḍanṭao daṛeako ona lạgitʼ uniakʼ moca khon mitʼṭen laser tarwaṛe oḍokokʼkan tahẽkana. Uni do mẽṛhẽtʼ reakʼ ṭheṅgate sanam jạtkoe ḍanṭaokoa ar darkha jo do lelen kunḍre jaṅgateye lena. Noa darkha lelen kunḍ do hoyokʼ kana sanam daṛeyicʼ Isorakʼ botoranakʼ edre.

Johan sodor 4:8

Noko ponea jiwiyanko do hoṛo hoṛo turui goṭecʼkate phạ̃kṛạ̃kʼ ar sanam jaegakore mẽtʼkote perecʼ tahẽkantakoa. Onko do siń ńindạ mitʼ kathageko menetʼ tahẽkana, “Sanam daṛeanicʼ Probhu Isor, okoe doe tahẽkan, okoe do menaege, okoe doe hijukʼkan uni doe sonot, sonot, sonotgea.”

Johan sodor 5:6

Ponea jiwiyanko ar murubiko talare okaṭakʼ siṅghạson tahẽkan, ona cetanre mitʼṭen Bheḍa Hopon teṅgo akaniń ńelkedea. Ińiń hudisetʼ tahẽkana pasecʼ uni Bheḍa Hopon doe gocʼ ocolen tahẽkana. Uni Bheḍa Hoponakʼ do eae goṭecʼ dereń ar eae goṭecʼ mẽtʼ tahẽkana. Ar Isorren eae goṭen Jiu okoe do dhạrti reakʼ sanam jaegateko kol ocokʼkan ona mẽtʼko do onko eae goṭen Jiu kanako.

Johan sodor 7:15

Onate noko do Isorakʼ siṅghạson samaṅre menakʼkoa ar serma reakʼ mundilre siń ńindạ uniko sewawae kana. Okoe siṅghạsonreye duṛupʼ akan unige noko cetanreye chạunikʼa.

Johan sodor 7:17

ente Bheḍa Hopon okoe do siṅghạsonre menae unige onkoren gupiyicʼe hoyokʼa. Ar jiwetʼ dakʼ reakʼ jharna ṭhene idikoa, ar Isor do onkoakʼ mẽtʼdakʼe jodtakoa.”