Johan sodor 21:10 - Santali Common Language New Testament

¹⁰ Tayomte uni serma goḍet do mitʼṭen maraṅ ar usul buruteye idikedeńa. Unre iń do sonot Jiu reakʼ uskurreń tahẽkana. Ar Isorakʼ ṭhonokte jhalkaokʼkan ona sonot nagraha Jerusalem serma khon ar Isor ṭhen khon pheḍ hijukʼkane udukʼạdińa.

সান্তালী বাইবেল

¹⁰ Tayomte uni serma goḍet do mitʼṭecʼ maraṅ ar usul buruteye idikedińa. Unre iń do sonot Jiu reakʼ uskurreń tahẽkana. Ar Isorakʼ ṭhonokte jhalkaokʼkan ona sonot nagraha Jerusalem serma khon ar Isor ṭhen khon pheḍ hijukʼkane udukʼạdińa.

Johan sodor 21:10 Iomraidhean Croise

Aposkạmi 8:39

Ado dakʼ khonkin rakapʼen khan Probhuren Jiu do ackage Philipe idikedea. Ar uni cạkrạ hoṛ do ghuriạ Philip bae ńel ńamledea. Unre uni do rạskạte oṛakʼe calaoena.

Galathiko lạgitʼ Pạul Apostolakʼ ciṭhi 4:26

Menkhan okaṭakʼ Jerusalem do serma reakʼ kan, uni doe sạdhingea; ar unige aboren gogo do.

Johan sodor 1:10

Probhuakʼ dinre iń do Jiureń tahẽkana. Ar un jokhecʼ iń tayomre siṅgạ saḍe leka mitʼ hoṛakʼ aṛaṅiń ańjomkeda.

Johan sodor 11:2

Menkhan mundil bahrere okaṭakʼ raca menakʼ ona do badkakʼme, alom soṅa, ente ona do boṅgan hoṛ jạtrenkoko em ocoakana. Onko do pongel bar cando hạbicʼ sonot nagrahako lebetʼ gańjaoa.

Johan sodor 17:3

Ona tayom uni serma goḍet do hahaṅkar jaegateye idikedeńạ. Unre iń do sonot Jiuakʼ ạyurreń tahẽkana. Onḍe mitʼṭen maejiu do mitʼṭen jeṅgetʼ arakʼ janwarre duṛupʼ akaniń ńelkedea. Ar Isor nindạwae reakʼ ạḍi utạr ńutum uni janwarre ol tahẽkana. Uniakʼ do eae goṭecʼ bohokʼ ar gel goṭecʼ dereń tahẽkantaea.

Johan sodor 21:2

Ar ona sonot nagraha, metakʼme nawa Jerusalem do serma khon ar Isor ṭhen khon pheḍ hijukʼ kaniń ńelkeda. Cetʼleka bạhu do acʼren jãwãe lạgitʼe sajaoakan, onkage noa nagraha hõ sajao ocoakan tahẽkana.

Johan sodor 3:12

Ar okoeye jitạukʼa unige ińren Isorakʼ oṛakʼ reakʼ mitʼṭen khũnṭiń teṅgoyea; uni do tisge bahrete bae calakʼa. Iń do unire ińren Isorakʼ ńutum ar ińren Isorakʼ nagraha reakʼ ńutumiń ola. Ona nagraha do nawa Jerusalemge. Serma khon ińren Isor ṭhen khon noa nagraha do pheḍ hijukʼa. Ar okoeye jitạukʼa, iń do unire ińakʼ ńutumiń ola.

Johan sodor 4:2

Iń do unrege sonot Jiuteń perecʼente sermare mitʼṭen siṅghạsoniń ńel ńamkeda. Ona siṅghạsonre mitʼ hoṛ duṛupʼ akaniń ńelkedea.