Johan sodor 2:1 - Santali Common Language New Testament

¹ “Ephesus nagraha reakʼ manḍerren goḍet ṭhen noa katha do olme: ‘‘Okoe acʼakʼ jojomtire eae goṭen ipil sapʼkate sona reakʼ eae goṭecʼ diuhe dohowakʼ talareye ạcur baṛaekan uni do noae meneda.

সান্তালী বাইবেল

¹ “Ephesus nagraha reakʼ manḍerren goḍet ṭhen noa katha do olme: “Okoe acʼakʼ jojomtire eae goṭecʼ ipil sapʼkate sona reakʼ eae goṭecʼ diuhe dohowakʼ talareye dãṛãbaṛae kan uni do noae meneda.

Johan sodor 2:1 Iomraidhean Croise

Mathae 18:20

ente okare bar se pe hoṛ iń ńutumteko jarwakʼa, onḍege iń do onko talareń tahena.”

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Johan 5:35

Johange ona jolokʼkan diuheye tahẽkana one okaṭakʼ do ḍig ḍigạukʼkan tahẽkan; ar ape do thoṛa okte lạgitʼ uniakʼ ona marsalre hulạsokʼpe kusilena.

Aposkạmi 18:19

Ar Ephesus nagrahae seṭeren khan Priskillạ ar Akuilạ doe bạgiatʼkinạ. Ar sunạgogre bolokate Jihudiko sãote apnarge Jisu reaṅ galmaraoakoe ehopʼena.

Aposkạmi 18:21

Menkhan onḍe khon calakʼ jokhecʼ uni doe metatʼkoa, “Isorakʼ sana hoelen khan iń do arhõń ruạṛ hijukʼa.” Ar ona tayom uni do Ephesus khon jahajteye mohnḍayena.

Aposkạmi 19:1

Apollos Korinthreye tahẽkanre Pạul do Asiạ Prodes talate Ephesusteye hecʼena. Onḍe adom celakoe ńapamketʼkote onkoe kuliketʼkoa, “Probhu Jisurepe pạtiạulenre cetʼ sonot Jiupe ńamledea?” Metadeako, “Sonot Jiu je menae ona reakʼ katha do bale ańjomakada.”

2 Korinthiko 6:16

Isorakʼ mundilre boṅga murtikoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

Johan sodor 1:16

Uni do acʼakʼ jojom tite eae goṭecʼ ipile sapʼakatʼko tahẽkana ar moca khon do banarsa dharanakʼ mitʼṭen laser tarwaṛe oḍokokʼkantae tahẽkana. Uniakʼ mẽtãhã do tạpiste jolokʼkan siń cando leka jhak jhakaokʼkan tahẽkana.

Johan sodor 1:20

Ar oka eae goṭecʼ sona reakʼ diuhe dohowakʼ ar ińakʼ jojomtire eae goṭecʼ ipilem ńelketʼko ona reakʼ bhed do noage, onko eae goṭecʼ ipil do, eae goṭecʼ manḍerren eae goṭen goḍet kanako ar eae goṭecʼ diuhe dohowakʼ do ona eae goṭen manḍer kana.

Johan sodor 12:1

Tayomte sermare mitʼṭen maraṅ cinhạ ńelena; mitʼṭen maejiu, one okoe do siń candoteye oyo akan ar uniakʼ jaṅga latare do ńindạ candoe tahẽkan. Uniakʼ bohokʼre do gelbar goṭecʼ ipilte gathao akatʼ mitʼṭen mukuṭ tahẽkana.

Johan sodor 2:12

“Pergamom nagraha reakʼ manḍerren goḍet ṭhen noa katha olme. Okaṭakʼ laser tarwaṛe banar secʼ dhar menakʼ ona ạidạrige noa kathae meneda:

Johan sodor 2:18

“Thuạtirạ nagraha reakʼ manḍerren goḍet ṭhen noa katha olme, Isorren Hopon, one okoeakʼ mẽtʼ do seṅgel lepʼ leka ar jaṅga do jhak jhakaokʼkan pitạl leka uni do noa kathae meneda:

Johan sodor 2:8

‘‘Smurnạ naṅgrha reakʼ manḍerren goḍet ṭhen noa katha olme: ‘‘Okoe doe etohopʼ are mucạtʼicʼkan, ar okoe doe gocʼlen are jiwetʼ beretʼen, uni do noa kathae meneda.

Johan sodor 3:1

“Sạrdis nagraha reakʼ manḍerren goḍet ṭhen noa katha olme, Isorren eae goṭen Jiu ar eae goṭecʼ ipilko okoeye sapʼ akatʼko uni do noa kathae meneda: iń do amakʼ kạmi reakʼ kathań baḍaegea. Ar jiwetʼ menamte am do ạḍi namḍak menakʼtama, menkhan am dom gocʼgea.

Johan sodor 3:14

‘‘Laodikiạ nagraha reakʼ manḍerren goḍet ṭhen noa ciṭhi do olme, ‘‘Okoe do Amen, ar okoe do pạtiạricʼ are sạri gohakan, ar okoe do Isorakʼ sirjonren etohopʼ, uni do noa kathae meneda: iń do amakʼ kạmiko reakʼ iń baḍaea.

Johan sodor 3:7

“Philạḍelphiạ nagraha reakʼ manḍerren goḍet ṭhen noa katha olme: Okoe do sonot are sạriyicʼkan, ar okoe ṭhen Dạudakʼ choṛan menakʼ, one uniye jhicʼlere okoege bako siń daṛeakʼ are sińlere okoe hõ bako jhicʼ daṛeakʼ,