Johan sodor 19:10 - Santali Common Language New Testament

¹⁰ Unre iń do uni serma goḍetakʼ jaṅga ṭhen ombakʼenteń sewawadea. Menkhan uni doe metadińạ, “Noa do cetʼem cekayeda? Iń do amren são kạmiyạicʼ kạnạń. Isorge sewawaeme. Amren biswạsi boehako, okoe do Jisuakʼ cecetʼakʼko sapʼ dohoakatʼ, iń do onko modren mitʼ hoṛ kạnạń. Jisuakʼ cecetʼakʼge tahẽkana nạbikoakʼ asol katha do.”

সান্তালী বাইবেল

¹⁰ Unre iń do uni serma goḍetakʼ jaṅga ṭhen ombakʼenteń sewawadea. Menkhan uni doe metadińạ, “Noa do cetʼem cekayeda? Iń do amren são kạmiyạicʼ kạnạń. Isorge sewawaeme. Amren biswạsi boehako, okoe do Jisuakʼ cecetʼakʼko sapʼ dohoakatʼ, iń do onko modren mitʼ hoṛ kạnạń. Jisuakʼ cecetʼakʼge tahẽkana nạbikoakʼ asol katha do.”

Johan sodor 19:10 Iomraidhean Croise

Mathae 4:10

Unre Jisu do uniye metadea, “Men ńir joṅme Soetan. Sonot sostorre ol menakʼa, am do amren Probhu Isorgem sewawaea, ar uni eskargem dewa sewawaea.”

Mark 5:22

Unre Jihudikoakʼ sunạgogren Jaerus ńutuman mitʼṭen mukhiạ hoṛ do onḍeye hecʼena ar Jisui ńelkede khan uniakʼ jaṅgareye giḍiyena.

Mark 7:25

Onḍe mitʼṭen maejiue tahẽkana ar uniren kuṛi do bạṛicʼ jiue capaṛ akawade tahẽkana. Ado Jisu reaṅe ańjomketʼ khan hecʼkate uniakʼ jaṅgareye giḍiyena.

Luk 1:19

Serma goḍete menkeda, “Iń doń Gabriel kana; iń do Isor samaṅre teṅgo akaniń tahenkana. Am saõte galmarao ar noa bhage sombat emam lạgitʼge Isor doe kolakadińạ.

Luk 24:44

Ar ona tayome metatʼkoa, “Iń do ape sãote tahẽkanreń menleda, Mose reakʼ ạnre, nạbikoakʼ olakʼre ar sereńkore iń reakʼ okako katha olakan ona sanamakʼ do purạukʼtehõ purạukʼgea.”

Johan 5:39

Ape do sonot sostorkope ḍunḍhạueda, entepe hudiseda ona hotetege jaejug jionpe ńama. Menkhan ona sostor ma coṅ iń reaṅge gohae emetʼkan;

Aposkạmi 10:43

Ar sanam nạbikoge uni reaṅ noa gohako emetʼkana, unire pạtiạukʼ mitʼke mitʼ hoṛ do uniakʼ ńutumte kại reakʼ ikạko ńama.”

Aposkạmi 13:27

Jerusalemren hoṛko ar onkoren mukhiyạko do Jisu bako oromledea. Noa chaḍa nạbikoakʼ okaṭakʼ katha jirạukʼ mãhãre jaoge paṛhao idikʼkan tahẽkan, ona katha hõ onko do bako bujhạu daṛeada; onate Jisuko dusikedete ona kathako purạukeda.

2 Korinthiko 8:7

Jotowakʼge, metakʼme biswạs, Isorakʼ katha, akel, jid ar alere cetʼ leka apeakʼ asambheṛ dulạṛ menakʼ onkage jemon dan reakʼ gun hõ sareṛokʼ tape.

Ephesiko lạgitʼ Pạul Apostolakʼ ciṭhi 5:15

Ape cetʼlekape calakʼkan ona reaṅ mońjte hudiskate ńelpe. Bebuj hoṛko leka baṅ calaokate akelanko leka calakʼpe.

Ephesiko lạgitʼ Pạul Apostolakʼ ciṭhi 5:33

Menkhan ona katha do tahẽocoakʼge. Ape mimitʼko aperen bạhuko apnarleka dulạṛkope ar bạhu hõ onka leka acʼren jãwãeye manotema.

Philipiko lạgitʼ Pạul apostolakʼ ciṭhi 3:3

Abo kangeabon sạriakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

1 Thessalonikikko 5:15

Ńelpe, okoe hõ bạṛicʼ bodol bạṛicʼ jãhãe aloe halawaema. Ape do jaoge eṭakʼ sanamko lạgitʼ bhạlại reakʼ kurumuṭuipe.

Ibriko 1:14

Serma goḍetko do cetʼ sanamkoge sapʼ sosor Jiuko doko baṅkana? Okoe kại khon bańcaoko ńam onko sapʼ sorako lạgitʼge coṅ onko mako kol ocoakan.

Ibriko 12:25

Men sontorokʼpe, okoe kathae roroṛkan uniakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniakʼ kathako phesṛaoletʼtaea ar rukhiyạ bako ńamleda, unre serma khon okoeye sontorakatʼ bon uniakʼ babon bataole khan cetʼtehõ rukhiyạ oho bon ńamlea.

1 Johan 5:10

Isorren Hopon cetanre okoeye pạtiạukʼkan uniakʼ ontorre ona goha do menakʼa. Ar Isorre okoe bako pạtiạukʼkan onko do eṛeyicʼko benao akadea, ente Isor acʼren Hopon reaṅ oka gohae emakatʼ onare onko do bako pạtiạu akana.

1 Johan 5:21

E bachakotiń, boṅgako tulucʼ apeakʼ do jãhãn jopoṛao alo tahen ma.

Johan sodor 1:1

Noa puthire okako olakan ona do Jisu Mạsigeye sodor akada. Noako reaṅ Isor do Mạsi ṭhene sodorleda, jemon thoṛa ghạṛicʼ khange hoyokʼ lạgidokʼkan ghoṭnako acʼren golamkoe baḍae ocoko. Mạsi do acʼren goḍete kolkedete acʼren golam Johan do noa reaṅakʼkoe baḍae ocoledea.

Johan sodor 1:9

Iń aperen boeha Johan do Jisu tulucʼ iń kolom mitʼ akante ape tulucʼ inạ duk, inạ rajosṭi ar inạ soboriren bhạgiạdariń hoeakana. Iń do Isorakʼ katha ar Jisuakʼ gohań porcarletʼte Patmosko metakʼ dipreń doho ocolena.

Johan sodor 12:11

Bheḍa Hoponakʼ mãyãm ar apnarakʼ gohate onko do uniko bhagao akadea. Onko do apnar dulạṛ baṅkate akoakʼ jiwi emokʼge rạjiko tahẽkana.

Johan sodor 12:17

Unre biń do uni maejiu cetanre ạḍi bạṛicʼe raṅgaoena. Ar uni maejiuakʼ bõsren sarecʼ hoṛko, metakʼme okoe do Isorakʼ hukumko manaoetʼkan ar Jisuakʼ sikhnạtko sapʼ dohoyetʼ onko birudre lạṛhại lạgitʼe oḍok calaoena ar jalapuri aṛereye teṅgo tahẽyena.

Johan sodor 14:7

Uni do ãṭ aṛaṅte noa kathae menetʼ tahẽkana, “Isor botoraepe ar uni sarhaoepe, ente bicạr reakʼ okte do seṭer akana. Okoe dhạrti, serma, jalapuri, doreão ar jharna dakʼkoe sirjạu akatʼ uni sewawaepe.”

Johan sodor 15:4

E Probhu okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”

Johan sodor 19:9

Ona tayom uni serma goḍet doe metadińạ, “Noa katha olme, Bheḍa Hoponakʼ bapla bhojre okoekoko neota ocoakan onko doko bhạgangea.” Uni do noa katha hõe menkeda, “Noako do Isorakʼ katha kana, ar ona do sạrigea.”

Johan sodor 4:10

onko bargel pon murubiko do siṅghạsonren ạidạriyicʼ, metakʼme okoe do jaejug hạbicʼ jiwetʼ menae uni do ombakʼkateko sewawae kana. Noko murubiko do ona siṅghạson samaṅre akoakʼ mukuṭ bocʼ dohokateko meneda,