Johan sodor 13:1 - Santali Common Language New Testament

¹ Noa tayom iń do mitʼṭen janwar jalapuri khon rakapʼ hijukʼ kaniń ńelkedea. Uniakʼ do gel goṭecʼ dereń ar eae goṭecʼ bohokʼ tahẽkantaea. Ona dereńko cetanre gel goṭecʼ mukuṭ tahẽkana ar bohokʼko cetanre Isor bemanote reakʼ aema ńutum ol tahẽkana.

সান্তালী বাইবেল

¹ Noa tayom iń do mitʼṭen janwar jalapuri khon rakapʼ hijukʼ kaniń ńelkedea. Uniyakʼ do gel goṭecʼ dereń ar eae goṭecʼ bohokʼ tahẽkantaea. Ona dereńko cetanre gel goṭecʼ mukuṭ tahẽkana ar bohokʼko cetanre Isor henostawae reakʼ aema ńutum ol tahẽkana.

Johan sodor 13:1 Iomraidhean Croise

Johan sodor 11:7

Unkinakʼ goha emokʼ sạtlen khan ona athan kunḍ khon mitʼṭen janwar do rakapʼ hecʼkate unkin tulucʼe lạṛhạiya ar unkine bhagaokinteye gocʼkinạ.

Johan sodor 12:3

Ona tayom sermare armitʼṭen cinhạ ńelena; seṅgel leka maraṅ okocʼ mitʼṭen arakʼ bińge. Uniakʼ do eae goṭecʼ bohokʼ ar gel goṭecʼ dereń ar bohokʼre eae goṭecʼ mukuṭ tahẽkana.

Johan sodor 13:11

Noa tayom iń do ot khon ar mitʼṭen janwar rakapʼ hijukʼkaniń ńelkedea. Uniakʼ do bheḍa leka barea dereń tahẽkantaea, menkhan uni do biń leka kathae roṛetʼkan tahẽkana.

Johan sodor 13:14

Ar okako hahaṛa kạmi lạgitʼ ektiạriye emocolen onako kạmikate hoṛko bhul horte idikoe ehopʼkeda. Ar Pạhilicʼ janwar okoe do tarwaṛeteye ghạl ocolenre hõ jiwetʼe tahẽkan, uni dosaricʼ janwar do hoṛkoe metatʼkoa jemon onko do uniakʼ muṭhạnko benaotae.

Johan sodor 13:15

Ar uni do ona muṭhạnre jiwi emokʼ reakʼ daṛe hõe emocoyena, jemon muṭhạn do kathae roṛ daṛeakʼ ar okoe ona muṭhạn bako sewawakʼ onko doko gocʼ ocokʼa.

Johan sodor 15:2

Ona tayom iń do seṅgel mesal akatʼ mitʼṭen kãc reakʼ jalapuri lekań ńelkeda. Okoe uni janwar ar uniakʼ muṭhạn ar uniakʼ ńutum reakʼ lekha cetanreko jitạu akan onko hõń ńelketʼkoa. Isorakʼ peṛesaṅ tire sepeńkate onko do ona kãc reakʼ jalapuri aṛereko teṅgo akan tahẽkana.

Johan sodor 16:13

Unre iń do roṭe lekan pea bạṛicʼ jiu iń ńelketʼkoa. Onko do uni biń, uni janwar ar uni eṛe nạbiakʼ moca khonko oḍok hijukʼkan tahẽkana.

Johan sodor 17:16

Ar oka gel goṭen dereńem ńelketʼ onako ar uni janwar do uni kusmbiko hirkhạwaea. Onko do uniko maraoe giḍiyea arko uluṅea ar uniakʼ jelko joma; ona tayom uni do seṅgelreko rapakʼ giḍikaea.

Johan sodor 17:3

Ona tayom uni serma goḍet do hahaṅkar jaegateye idikedeńạ. Unre iń do sonot Jiuakʼ ạyurreń tahẽkana. Onḍe mitʼṭen maejiu do mitʼṭen jeṅgetʼ arakʼ janwarre duṛupʼ akaniń ńelkedea. Ar Isor nindạwae reakʼ ạḍi utạr ńutum uni janwarre ol tahẽkana. Uniakʼ do eae goṭecʼ bohokʼ ar gel goṭecʼ dereń tahẽkantaea.

Johan sodor 17:5

Uniakʼ moloṅre nonkan ńutum ol tahẽkana one ona reaṅ mitʼṭen okoakʼ menakʼ. Ona ńutum do kana, “Maraṅ Babel, kusmbiko ar dhạrti reakʼ joto hirkhạwakʼkoren eṅgat.”

Johan sodor 19:19

Ona tayomiń ńelkeda, okoe uni sadomreye decʼakan tahẽkan uni ar uniren palṭonko birudre lạṛhại lạgitʼ uni janwar ar dhạrtiren rapajko do akoren palṭonkowante mitʼ ṭhenko jarwayena.