Biblia Todo Logo
Bìoball air-loidhne

- Sanasan -




Johan sodor 11:15 - Santali Common Language New Testament

15 Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu ar uniren Mạsiakʼ hoyena.

Faic an caibideil Dèan lethbhreac

সান্তালী বাইবেল

15 Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Faic an caibideil Dèan lethbhreac




Johan sodor 11:15
54 Iomraidhean Croise  

Ar murukte siṅgạ saḍekʼa ar ona são sãote Manwa Hopon do acʼren goḍetkoe kolkoa. Onko do dhạrti reakʼ mitʼ mucạtʼ khon eṭakʼ mucạtʼ hạbicʼ ar ponon secʼ khon acʼren bachao akan hoṛkoko jarwakoa.


ar biḍạute alom aderlea, menkhan bạṛicʼ khon bańcaolem. [Ente raj ar daṛe ar ṭhonok jaejug hạbicʼ amakʼge, Amen.]


Uni do Jakob bõsrenko cetanre jaejug hạbicʼe rajokʼa. Ar uniakʼ raj do tishõ baṅ mucạdokʼtaea.”


Ińiń metapekana, mitʼṭen kại hoṛ mone ạcurle khan Isorren goḍetko talare hõ onkage rạskạ hoyokʼa.”


Ar oṛakʼte calaokate acʼren gateko ar aḍepaseren hoṛko hohoakoteye metakoa, ‘iń sãote rạskạkʼpe, ente atʼlen bhiḍi doń ńam ruạṛakadea.’


Probhu ar uniren Mạsi birudre dhạrtiren rapajko do mitʼsãoteko teṅgoyena, ar cakʼlaoko do mitʼ ṭhenko jarwayena.’


Menkhan Hopontetʼ reaṅ doe meneda, “E Isor, amakʼ siṅghạson do jug cetan jugge; ar amakʼ ḍanṭao do hok reakʼ ḍanṭaokangea.


Menkhan eaeyicʼ serma goḍetakʼ siṅgạ oroṅ dinkore Isorakʼ okoakʼ monsubạko do purạukʼa. Ar Isor do acʼren gutiko ṭhen, metakʼme nạbiko ṭhen okae baḍae ocoletʼ ṭhik onkage hoyokʼa.”


Ona tayom iń do serma khon ãṭ aṛaṅte mitʼ hoṛ roroṛkaniń ańjomkedea, “Ńitokʼ do babańcao, daṛe ar aboren Isorakʼ rajosṭi ar uniren ojokʼicʼakʼ ektiạri hoeakana, ente okoe aboren boehakoe dusiyetʼko tahẽkan uni do serma khone lebda ńur ocoakana. Aboren Isor samaṅre siń ńindạ uni do onkoakʼ doskoe udukʼetʼ tahẽkana.


E Probhu okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”


Ar eaeyicʼ goḍet do acʼakʼ bạṭi reakʼ hoe secʼe dulkeda. Unre mundil reakʼ siṅghạson khon ãṭ aṛaṅte noa katha roṛena, “Oka hoyokʼ reakʼ ona do hoyena.”


Onko do Bheḍa Hopon birudreko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”


Noa tayom iń do sermare ạḍi utạr hoṛkoakʼ sabad lekań ańjomkeda. Onko doko menetʼ tahẽkana, “Halleluyah! Bańcao, ṭhonok ar daṛe, jotoge aboren Isorakʼ kana,


Ona tayom iń do ạḍi utạr hoṛkoakʼ sabad leka, ar had had ạtukʼ dakʼ reakʼ saḍe ar kajak huḍuretʼkan saḍe leka noa kathań ańjomkeda, “Halleluyah! Aboren sanam daṛeyicʼ Probhu Isor do rajokʼe ehopʼakada.


Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.


Inạ tayom ponicʼ serma goḍet hõ acʼakʼ siṅgại oroṅkeda. Onate siń cando reakʼ pe hạṭiń reakʼ mitʼ hạṭiń, ńindạ cando reakʼ pe hạṭiń reakʼ mitʼ hạṭiń ar ipilko reakʼ pe hạṭiń reakʼ mitʼ hạṭiń do ńutena. Ar din reakʼ pe hạṭiń reakʼ mitʼ hạṭiń ar ńindạ reakʼ pe hạṭiń reakʼ mitʼ hạṭiń do jãhãn marsalge baṅ tahẽlena.


Ona tayom mõṛẽyicʼ serma goḍet siṅgại oroṅkeda, ar unre mitʼṭen ipiliń ńel ńamkedea. Uni do serma khon dhạrtiteye ńurhạ akan tahẽkana. Ar uni ipil do athan kunḍ reakʼ choṛane emocoyena.


Ona tayom turuyicʼ serma goḍet do acʼakʼ siṅgại oroṅkeda. Ar Isor samaṅre okaṭakʼ sona reakʼ pinḍ menakʼ ona pinḍ reakʼ ponea dereń khon mitʼṭen hoṛ do katha roroṛiń ańjomkedea. Okoe ṭhen siṅgạ tahẽkan, uni turuyicʼ serma goḍete metadea,


Lean sinn:

Sanasan


Sanasan