Johan sodor 1:18 - Santali Common Language New Testament

¹⁸ ar ińkangeạń jaejug jiwetʼicʼ. Iń doń gocʼlena, ar ńelme, jug cetan jug hạbicʼ jiwetʼ minạńa. Iń ṭhen do moron ar patal puri reakʼ choṛan menakʼa.

সান্তালী বাইবেল

¹⁸ ar ińkangeạń jaejug jiwetʼicʼ. Iń doń gocʼlena, ar ńelme, jug cetan jug hạbicʼ jiwetʼ minạńa. Iń ṭhen do moron ar patal puri reakʼ choṛan menakʼa.

Johan sodor 1:18 Iomraidhean Croise

Mathae 11:23

Ar E am Kaparnạhum! Baṅ do serma hạbicʼem usul ocokokʼ? Tishõ baṅa, am do patal puri hạbicʼem ńurhạ ocokʼa. Okako hahaṛa kạmi amre hoeakan, ona Sodomre hoelen khan enḍekhan teheń hạbicʼ tahẽkokʼa honaṅ.

Mathae 16:19

Iń do serma raj reakʼ kạṭhikoń emama, ar jãhãnakʼge dhạrtirem tol ona do sermare hõ tolge tahena ar jãhãnakʼge dhạrtirem raṛae ona do sermare hõ raṛage tahena.”

Luk 24:5

Onate maejiuko do botorteko ombakʼena. Unkin dokin metatʼkoa, “Jiwetʼicʼ do gocʼko talare cedakʼpe ńam baṛayede kana?

Johan 11:25

Jisu do uniye metadea, “Ińge beretʼ ruạṛokʼtetʼ ar jion do. Okoe ińreye pạtiạukʼ uni doe gocʼlenre hõ jiwetʼe tahena.

Johan 14:19

Ar thoṛa ghạṛicʼ khange dhạrtiren hoṛko do ar bako ńel ńameńa, menkhan ape dope ńeleńgea. Iń do jiwetʼge minạńte ape hõ jiwetʼpe tahena.

Romiko lạgitʼ Pạul Apostolakʼ ciṭhi 6:9

Baḍaegea bon Mạsi do gocʼko khone jiwetʼ beretʼ ocoakante ar tishõ bae gujukʼa, metakʼme uni cetanre moron do ar bae mạlik daṛeakʼa.

2 Korinthiko 13:4

Uni do nijorreye krus ocolena, menkhan Isorakʼ daṛete jiwetʼ menaea. Ale do uni sãote mitʼakantele nijorakana, menkhan ape lạgitʼ Isorakʼ daṛete uni tulucʼ jiwetʼle tahena.

Galathiko lạgitʼ Pạul Apostolakʼ ciṭhi 2:20

Iń do Mạsi tulucʼ iń krus ocoakana. Onate jiwetʼ do bạnuńa, menkhan Mạsige ińre jiwetʼ menaea. Ar okaṭakʼ hoṛmote jioniń khemaokan ona do Isorren Hoponre pạtiạu hotetegeń khemaoeda. Uni do ińe dulạṛkedeńte acʼ apnartetʼe emena.

Kolossiko lạgitʼ Pạul Apostolakʼ ciṭhi 3:3

Ente ape dope gocʼena ar apeakʼ jion do Mạsi tulucʼ Isorre oko menakʼa.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte krusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Ibriko 7:16

Uniakʼ naeke hoyokʼ babotre bõs reaṅ do jãhãn ạnre baṅ ṭẽhaḍokʼ kana, ona do uniakʼ baṅ maraokʼ jion reakʼ daṛe cetanre ṭẽhaḍokʼkana.

Ibriko 7:25

Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

Johan sodor 10:6

Ar jaejug hạbicʼ jiwetʼ menae serma, ot, jalapuri ar onakore menakʼ sanamakʼe sirjạuakatʼ, uniakʼ ńutumte kiriyạkate uni serma goḍet doe menkeda, “Ar baṅ bilomokʼa.

Johan sodor 15:7

Onko ponea jiwiyankoren mitʼṭen do onko eae goṭen serma goḍetko eae goṭecʼ bạṭiye ematʼkoa. Ar Isor, okoe do jug jug khon jaejug hạbicʼ jiwetʼ menae, uniakʼ edrete onako bạṭi do perecʼ akan tahẽkana.

Johan sodor 2:8

‘‘Smurnạ naṅgrha reakʼ manḍerren goḍet ṭhen noa katha olme: ‘‘Okoe doe etohopʼ are mucạtʼicʼkan, ar okoe doe gocʼlen are jiwetʼ beretʼen, uni do noa kathae meneda.

Johan sodor 20:13

Ar okoe gocʼ hoṛko do jalapurireko tahẽkan, onko do jalapuriye idiketʼkoa. Ona chaḍa moron ar patalpurire okoe gocʼakan hoṛko tahẽkan, onko dokin em ruạṛkatʼkoa. Ar mimitʼko do akoakʼ kạmi lekako bicạr ocoyena.

Johan sodor 20:14

Tayomte moron ar patal puri do seṅgel reakʼ doreão rekin khadle ocoyena. Noa seṅgel reakʼ doreãore ńurokʼge hoyokʼ kana dosar gujukʼ do. Ar okoeakʼ ńutum ona jion reakʼ puthire baṅ ńamlen, onko do seṅgel reakʼ doreãoreko khadle ocoyena.

Johan sodor 3:7

“Philạḍelphiạ nagraha reakʼ manḍerren goḍet ṭhen noa katha olme: Okoe do sonot are sạriyicʼkan, ar okoe ṭhen Dạudakʼ choṛan menakʼ, one uniye jhicʼlere okoege bako siń daṛeakʼ are sińlere okoe hõ bako jhicʼ daṛeakʼ,

Johan sodor 4:9

Onko jiwiyanko do siṅghạsonre duṛupʼakanicʼ one uni jug cetan jug jiwetʼe tahenkan ṭhonok ar man ar gun manao joharko emae jokhecʼ,

Johan sodor 5:14

Onko ponea jiwiyankoko menkeda, “Amen.” Ona tayom onko murubiko do ombakʼkateko sewakeda.

Johan sodor 6:8

Unre iń do mitʼṭen polso sasaṅ roṅan sadomiń ńel ńamkedea. Ar okoe uni sadomreye decʼakan tahẽkan uniakʼ ńutum do moron; ar patal puri do uni tayom tayomteye calakʼkan tahẽkana. Dhạrti reakʼ pon hạṭiń reakʼ mitʼ hạṭiń cetanre unkin do ektiạriko ematʼkinạ, jemon unkin do tarwaṛete, akalte, maha mạrite, ar dhạrtiren bir janwarko hotete hoṛkokin gocʼko.

Johan sodor 9:1

Ona tayom mõṛẽyicʼ serma goḍet siṅgại oroṅkeda, ar unre mitʼṭen ipiliń ńel ńamkedea. Uni do serma khon dhạrtiteye ńurhạ akan tahẽkana. Ar uni ipil do athan kunḍ reakʼ choṛane emocoyena.