Johan 8:38 - Santali Common Language New Testament

³⁸ Iń do ińren Baba ṭhen okań ńelakatʼ onageń roṛeda, ar ape do aperen baba ṭhen khon okape ańjomakatʼ onagepe kạmi kana.”

সান্তালী বাইবেল

³⁸ Iń do ińren Baba ṭhen okań ńelakatʼ onageń roṛeda, ar ape do aperen baba ṭhen khon okape ańjomakatʼ onagepe kạmikana.”

Johan 8:38 Iomraidhean Croise

Mathae 3:7

Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńirjoṅ lạgitʼ bud do okoeye ematʼpea?

Johan 14:10

Am do cetʼ bam pạtiạukʼ kana, iń do Babare minạńa ar Baba do ińre menaea mente? Iń okako kathań lại apekan ona do apnar khonakʼ do bạń roṛeda, menkhan ińre menae Babageye kạmi kana.

Johan 14:24

Okoe bae dulạṛiń uni do ińakʼ katha leka ohoe calaolena. Okaṭakʼ kathape ańjometʼkan ona do ińakʼ katha do baṅkana menkhan okoe ińe kolakadiń uni Babawakʼ katha kangea.

Johan 17:8

Ente okako katha lạiakom metadiń tahẽkan iń do onakoń lại akawatʼkoa. Ar onko do onako ataṅketʼte sạrigeko baḍaekeda, iń do am ṭhen khoniń hecʼakana, arko pạtiạu akana, amge ińem kolakadińa.

Johan 3:32

Uni do okae ńel akatʼ ar okae ańjomakatʼ ona reakʼ gohageye ema, menkhan okoe hõ uniakʼ goha do bako aṅgoctaea.

Johan 5:19

Onate Jisu do onko mukhiyạkoe metatʼkoa, “Sạrigeń metapekana, Hopon do acʼte cetʼge bae ceka daṛeakʼa. Baba okaṭakʼ kạmikane ńelekan eken onageye daṛeakʼa, ente Baba okae cekae Hopon hõ onageye onkayeda.

Johan 5:30

Iń do apnarte cetʼge bạń ceka daṛeakʼa; cetʼlekań ańjoma onkageń bicạra. Iń do hok reakʼgeń bicạra, ente ińakʼ sana leka kạmi do bạń khojkana menkhan okoeye kolakadiń uniakʼ menjoṅ lekageń kạmia.

Johan 8:26

Ape roṛpe reaṅ ar bicạrpe lạgitʼ ạḍi okocʼge menakʼtińạ. Menkhan okoeye kolakadiń unire eṛeteakʼ do bạnukʼa; ar uni ṭhen khon okań ańjomakatʼ onage manwakoń lạiako kana.”

Johan 8:41

Ape do aperen baba okae kạmikan ape hõ onagepe kạmikana.” Onko do Jisuko metadea, “Loṭghuṭire do bale janam akana. Aleren do mitʼ goṭenge baba menae talea, uni do Isorge.”

Johan 8:44

Soetange aperen baba do, ar ape do uniren hoponko kanape; onate uniakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriakʼre bae teṅgo akana, ente unire do sạriakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.