Johan 8:2 - Santali Common Language New Testament

² Dosar hilokʼ Jisu do ạḍi setakʼre arhõ mundilteye hecʼen khan sanam hoṛ uni ṭhenko hecʼena. Unre Jisu do duṛupʼkate onko cetʼakoe ehopʼena.

সান্তালী বাইবেল

² Dosar hilokʼ Jisu do ạḍi setakʼre arhõ mundilteye hecʼen khan sanam hoṛ uni ṭhenko hecʼena. Unre Jisu do duṛupʼkate onko cetʼakoe ehopʼena.

Johan 8:2 Iomraidhean Croise

Mathae 26:55

Uni do gadel hoṛkoe metatʼkoa, “Iń do cetʼ ḍạku kạnạń, onate tarwaṛe ar ṭheṅgawante iń sasapʼpe hecʼakana? Iń ma coṅ jaoge mundilre duṛupʼkateń cetʼakokan tahẽkan, ar unrema bacope sapʼlediń.

Luk 21:37

Onako dinre Jisu do dinạmge mundilreye cetʼakokan tahẽkana, menkhan ńindạ do bahrete senkate Joitun burureye tahenkan tahẽkana.

Luk 21:38

Ar sanam hoṛ uniakʼ katha ańjomtae lạgitʼ setakʼ khonge mundilteko hijukʼkan tahẽkana.

Luk 4:20

Ona tayom uni do puthi guṛhạ ruạṛkate sapʼdapʼicʼ cal ruạṛadeteye duṛupʼena. Ar sunạgogren sanam hoṛkoakʼ nońjor do unire paṛaoena.

Luk 5:3

Unre Jisu do Simonakʼ lạukạreye decʼena ar ḍhip khon thoṛa pharak ńokʼ idiye metadea. Ona tayom uni do lạukạreye duṛupʼena ar gadel hoṛko cetʼakoe dhurạuena.

Johan 4:34

Unre Jisui metatʼkoa, “Okoeye kol akadiń uniakʼ sanaleka senakʼ ar uniakʼ kạmi purạutaege hoyokʼ kana ińakʼ jomakʼ do.

Johan 8:20

Jisu do mundilreye cetʼakokan tahẽkan jokhecʼ dan samaṅokʼ jaegare noa doe metatʼkoa. Menkhan un hạbicʼ uniakʼ okte baṅ hoeakantae tahẽkante okoe hõ bako sapʼledea.

Johan 8:3

Adoe cetʼakokan tahẽkanre sostor baḍaeko ar Phạrusiko do mitʼṭen maejiuko ạgukedea. Uni maejiu do laṭghaṭreye sapʼ ocoakan tahẽkana. Onko do uni maejiu talareko teṅgokedete Jisuko metadea, “E Guru, nui maejiu do laṭghaṭreye sapʼ akana onkae tulucʼge.

Aposkạmi 5:21

Onko do ona katha lekage ạḍi setakʼre mundilteko boloyena ar hoṛko lại cetʼkoko ehopʼena. Ar maraṅ naeke ar acʼ sãoten Sạdukiko do maraṅ bạisiko hohokeda, metakʼme Israelren murubiko dolren jotogeko hoho jarwaketʼkoa. Ona tayom apostolko ạguko lạgitʼ adom kạmiạkoko kolketʼkoa.