Johan 8:12 - Santali Common Language New Testament

¹² Jisu do arhõ hoṛkoe metatʼkoa, “Ińge dhạrti reakʼ marsal. Okoe ińakʼ horteye calakʼ uni do tis hõ ńutre bae taṛama, bickom jion reakʼ marsale ńama.”

সান্তালী বাইবেল

¹² Jisu do arhõ hoṛkoe metatʼkoa, “Ińge dhạrti reakʼ marsal do. Okoe ińakʼ horteye calakʼ uni do tis hõ ńutre bae taṛama, bickom jion reakʼ marsale ńama.”

Johan 8:12 Iomraidhean Croise

Mathae 5:14

“Ape do dhạrti reakʼ marsal kanape. Buru coṭ reakʼ nagraha do oho danaṅ daṛelena.

Luk 2:32

Eṭakʼ jạtko ṭhen noa do hor udukʼako reakʼ marsal kana, ar amren Israel jạtko ṭhen noa do ṭhonokanakʼ kangea.”

Johan 12:35

Jisui metatʼkoa, ar thoṛa dinge ape talare marsaltetʼ menakʼa. Ape ṭhen marsal menakʼrege dãṛãnpe, jemon apere ńut do aloe jitạu daṛeakʼ.

Johan 12:36

Marsal ape ṭhen tahenrege marsalre pạtiạukʼpe jemon ona marsalren hoṛpe hoedaṛeakʼ.” Noako kathae lạiatʼko khan Jisu do onko khon apnartetʼe danaṅenteye calaoena.

Johan 12:46

Iń do noa dhạrtire marsal lekań hecʼakana, jemon ińre okoeye pạtiạukʼ uni do ńutre aloe tahen.

Johan 14:6

Jisu do Thomae metadea, “Ińge hortetʼ, sạriakʼtetʼ ar jion. Iń hotete baṅkhan okoe hõ Baba ṭhen ohoko calao daṛelena.

Johan 3:19

Uni do dusi menteye lekha ocoakana ente dhạrtire marsal hecʼ akana, menkhan manwakoakʼ kạmiko bạṛicʼgete manwa do marsal khon ńutge bạ̃ṛtiko dulạṛetʼkana.

Johan 7:17

Jãhãe uniakʼ sanaleka senokʼe menjoṅ khan enḍekhane bujhạu daṛeakʼa noa cecetʼakʼ do Isor secʼ khonakʼ kana se iń nij khoniń roṛeda.

Johan 9:5

Dhạrtire tinạkʼ din minạń iń do dhạrti reakʼ marsal kạnạń.”

Aposkạmi 13:47

Ente Probhu do noa kathae men akada, ‘boṅgan hoṛko ṭhen iń do mitʼṭen marsal lekań dohoakatʼmea, jemon am hotete goṭa dhạrtiren hoṛko kại khon bańcaoko ńam.’ ”

Aposkạmi 26:23

Ar ona katha do hoyokʼkana, Mạsi do duk jojom hoyokʼtaea ar unige pạhilre gocʼko khone jewetʼ beredokʼte acʼ jạtrenko ar boṅgan hoṛ jạtrenko ṭhen marsalakʼ rajosṭi reaṅ lại jạhir hoyokʼtaea.”

2 Patras 2:17

Noko hoṛ do rohoṛokʼkan jharna ar hoete oṭanokʼkan kuṛhạ lekanako. Noko lạgitʼ do kaṛaṅ kucạṅ ńut dohoakana.

2 Patras 2:4

Serma goḍetkoko kạiletʼre Isor do onko bae aṛakʼ giḍiletʼkoa, bickom norok reakʼ ńut ghaḍlakʼreye giḍiletʼkote bicạrko lạgitʼe dohoakatʼkoa.

1 Johan 1:6

Isor ar abo talare helmel menakʼa mentebo menetʼ khan ar ńutre bon taṛametʼ khan enḍekhan eṛe katha bon roṛeda, ar sạriakʼ horte do babon taṛameda.

Jihudạwakʼ ciṭhi 1:13

Noko do birbão talare jalapuri reakʼ ḍheoko leka kanako; ar jalapuri reakʼ photo leka nokoakʼ lajao paṛao kạmiko do capekʼ kana. Noko do ạcur baṛaekan ipil lekanako; jaejug lạgitʼ kaṛaṅ kucạṅ ńutge noko lạgitʼ do jogao dohoakana.

Jihudạwakʼ ciṭhi 1:6

Ona chaḍa okoe serma goḍetko do akoakʼ ạidạri rukhiyạ baṅkate apnarakʼ jaega bạgikateko calaolen onkoakʼ katha disạipe. Ona maraṅ din reakʼ bicạr lạgitʼ Isor do onko jaejug ńutreye tol doho akatʼkoa.

Johan sodor 21:24

sanam jạtrenko ona marsalreko dãṛãna. Dhạrtiren rapajko do akoakʼ ṭhonokante ona nagrahateko hijukʼa.