Johan 5:5 - Santali Common Language New Testament

⁵ Onḍe do pe gel irạl bochor khon rogteye jạbun akan mitʼṭen hoṛe tahẽkana.

সান্তালী বাইবেল

⁵ Onḍe do pegel irạl bochor khon rogteye jạbun akan mitʼṭen hoṛe tahẽkana.

Johan 5:5 Iomraidhean Croise

Mark 9:21

Jisu do uniren apattetʼe kulikedea, “Tinạkʼ din khone nonka akana?” Uni doe menkeda, “Gidrạ khonge.

Luk 13:16

Menkhan Abraham bõsren nui maejiu do gel irạl bochor hạbicʼ Soetane tol akade tahẽkana, ar jirạukʼ mãhãre ona tonol khone raṛa ocokʼ do cetʼ baṅ ganokʼtaea?”

Luk 8:43

Ar onko modren mitʼṭen maejiue tahẽkana okoe do gelbar bochor khon pordhol rogteye jạbun akan tahekan. Uni do acʼakʼ joto ạsulokʼakʼko raranko tayomreye khorocʼ caba akatʼ tahẽkana, menkhan okoe hõ bako boge daṛeaekan tahẽkana.

Johan 5:14

Ona tayom Jisu do mundilre uni hoṛ ńel ńamkedeteye metadea, “Ńelme, am dom boge akana. Ar alom kạiya, jemon jãhãnakʼ bạṛicʼ alo hoyokʼtam.”

Johan 5:4

Ar mitʼṭen serma goḍet do okte oktere ona pukhrire pheḍkate dakʼe laṛao oṭokakʼkan tahẽkana ar ona tayom pạhilre okoe ona dakʼreye pheḍ maṛaṅokʼ uni do joto lekan rog khone boge utạrokʼ kan tahẽkana. Ar rugiko do dakʼ laṛaokʼ reakʼ koyokʼ horreko tahẽnkan tahẽkana.

Johan 5:6

Ar ḍher din khon onḍe menaea mente Jisui baḍaeketʼ khan uniye kulikedea, “Am do cetʼ bogekʼ sanayetʼmea?”

Johan 9:1

Ado horteye calakʼkan tahẽkan jokhecʼ Jisu do mitʼṭen kãṛã hoṛe ńel ńamkedea. Uni do janam khonge kãṛãgeye tahẽkana.

Johan 9:21

Menkhan cekate ńitokʼ doe ńeńelkana ona do bạliń baḍaea; ar okoe nuiakʼ mẽtʼe beṅgetʼ ocoakatʼtae ona hõ bạliń baḍaea. Uni doe sẽṛãgea, unige kuliyepe. Uni do acʼ reaṅ acʼtegeye lại ocoge.”

Aposkạmi 14:8

Lustrạ nagrahare mitʼṭen leḍha hoṛe duṛupʼkokʼkan tahẽkana. Uni do jonom khonge leḍhae tahẽkana ar tis hõ bae taṛamakatʼ tahẽkana.

Aposkạmi 3:2

Onḍe hoṛko do mundil reakʼ mońjko metakʼ duạr ṭhen dinạmge mitʼṭen hoṛ gokʼ ạgukateko dohokaekan tahẽkana. Uni do janam khonge leḍhageye tahẽkana. Ar mundilte bolokʼkanko ṭhen khon koe ńam lạgitʼ onḍeye doho ocokʼkan tahẽkana.

Aposkạmi 4:22

Ar okoe hoṛe bogeyen uniakʼ umer do pongel bochor khon hõ bạ̃ṛti tahẽkantaea.

Aposkạmi 9:33

Ona atore Aeneas ńutuman mitʼ hoṛe tahẽkana. Uni do mitʼkaṛ gocʼ ruạte irạl bochor khon aṭetʼreye jaṛao akan tahẽkana.