Johan 5:22 - Santali Common Language New Testament

²² Baba do okoe hõ bae bicạrkoa, menkhan joto bicạr reakʼ dạyik do Hopone emakawadea,

সান্তালী বাইবেল

²² Baba do okoe hõ bae bicạrkoa, menkhan joto bicạr reakʼ dạyik do Hopone emakawadea,

Johan 5:22 Iomraidhean Croise

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍaeyedea, Hopon okoe ṭhen Baba sodoreye menjoṅkan unige uni doe baḍaeyea.

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri iń ṭhen emakana.

Johan 17:2

Am do sanam manwako cetanre ektiạriyem emakawadea, jemon okoekom emakawade onko sanamko jaejug jione emako.

Johan 3:35

Baba do Hopone dulạṛede kana ar uniakʼ tirege jotowakʼe emakada.

Johan 5:27

Baba do manwa bicạrko lạgitʼ ektiạri Hopone emakawadea, ente uni doe Manwa Hopon kana.

Johan 9:39

Jisui menkeda, “Iń do dhạrtite bicạr lạgitʼ iń hecʼakana, jemon baṅ ńeńelkoko ńeńel ar okoeko ńeńelkan onko do kãṛãko hoyokʼ.”

Aposkạmi 10:42

Uni doe hukum akawatʼlea jemon Jihudiko ṭhenle porcar ar gohale em baṅma, Isor do unige jiwetʼko ar gocʼko bicạrko lạgitʼe niṭ akadea mente.

Aposkạmi 17:31

ente uni do nonkan mitʼṭen dine nenḍa akada one ona dinre acʼe bahal akade mitʼṭen hoṛ hotete manwako dhoromteye bicạrko. Uni do gocʼko khone jiwetʼ beretʼ akadete sanam manwako ṭhen noae sạbud akada.”

Romiko lạgitʼ Pạul Apostolakʼ ciṭhi 2:16

Oka hilokʼ Isor do Jisu Mạsi hotete manwakoakʼ okoakʼkoe bicạra enhilokʼge ona do sodorokʼa. Ar okaṭakʼ bhage sombatiń porcaretʼkan ona lekage bicạr do hoyokʼa.

2 Korinthiko 5:10

Ente Mạsiakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛạibon ńama.

2Timothi 4:1

Mạsire ruạṛ hijukʼ ar uniakʼ raj reaṅ disạ dohoete Isor samaṅre, okoe do jiwetʼko ar gocʼkoe bicạrko uni Jisu Mạsi samaṅre iń do noań hukumam kana.

1 Patras 4:5

Menkhan okoe jiwetʼ ar gocʼko bicạrko lạgitʼe sapṛao tearakan, onko do uni ṭhen hisạb emokʼ hoyokʼtakoa.