Johan 2:11 - Santali Common Language New Testament

¹¹ Jisu do Gạlil reakʼ Kana nagrahare noage cinhạ lekate pạhil hahaṛa kạmiye kạmiketʼte acʼakʼ ṭhonoke sodorkeda. Onate celako do unireko pạtiạuena.

সান্তালী বাইবেল

¹¹ Jisu do Gạlil reakʼ Kana nagrahare noage cinhạ lekate pạhil hahaṛa kạmiye kạmiketʼte acʼakʼ ṭhonoke sodorkeda. Onate celako do unireko pạtiạuena.

Johan 2:11 Iomraidhean Croise

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniakʼ oka ṭhonok menakʼ ona do alele ńelakada. Uni do daya ar sạriakʼteye perecʼgea.

Johan 1:17

Mose hotete ạn-ạriko em hoelena, menkhan daya ar sạritetʼ do Jisu Mạsi hotetege hecʼakana.

Johan 1:43

Dosar hilokʼ Jisu do Gạlil Prodeshte calakʼe goṭawana. Un jokhecʼ Philipe ńelkede khan uniye metadea, “Dela pańjayińme ar ińren cela hoyokʼme.”

Johan 1:50

Jisu do uniye metadea, “Loa dare buṭạreń ńelletʼme reakʼ kathań metatʼme iạtem pạtiạukʼ kana? Noa khon arhõ aema daṛeakʼkom ńela.”

Johan 10:41

Ar ḍher hoṛ Jisu ṭhenko hecʼena arko menkeda, “Johan do jãhãn hahaṛa kạmi bae kạmileda, menkhan enhõ nui hoṛ reaṅ cetʼkoe lạiletʼ ona joto do sạrigea.”

Johan 11:15

menkhan apeakʼ katha hudiskate rạskạń bujhạueda, iń do onḍe bạń tahẽkana jemonpe pạtiạukʼ. Ado dela, Lasar ṭhen bon calakʼa.”

Johan 11:47

Unre maraṅ naekeko ar Phạrusiko do maraṅ bạisiren hoṛkoko jarwaketʼkoteko metatʼkoa, “Ńitokʼ do cetʼ bo cekaea? Nui hoṛ do ạḍi utạr hahaṛa kạmikoe kạmi kana.

Johan 12:18

Onate gadel hoṛko do Jisu daram ạguye lạgitʼko oḍok calaolena, enteko ańjomakatʼ tahẽkana Jisuge ona hahaṛawakʼ kạmi doe kạmi akada.

Johan 12:37

Menkhan onko samaṅre cinhạ lekate unạkʼ hahaṛawakʼkoe kạmiketʼre hõ hoṛko unire bako pạtiạulena.

Johan 12:41

Jesaea do Jisuakʼ ṭhonoke ńelletʼte uni reaṅ noa kathae roṛleda.

Johan 14:13

Jãhãnakʼge iń ńutumtepe koe iń do onań onkaea, jemon Babawakʼ ṭhonok Hopon hotete sodorokʼtae.

Johan 16:27

Baba ma coṅ acʼgeye dulạṛetʼpe, ente ape do ińpe dulạṛakadińạ arpe pạtiạu akana, iń do Baba Isor ṭhen khoniń hecʼakana.

Johan 16:30

Nitokʼ dole bujhạu daṛeakʼkana, bin baḍaeakʼ do cetʼge bạnukʼtama, ar jãhãege jãhãnakʼe kulime ona reakʼ jạruṛ hõ bạnukʼtama. Ona iạtegele pạtiạukʼ kana am do Isor ṭhen khonem hecʼakana.”

Johan 2:1

Niạ bar din tayom Gạlil reakʼ Kana nagrahare mitʼṭen bapla hoyena. Ar Jisuren eṅgat hõ onḍeye tahẽkana.

Johan 2:23

Ado sen-parom porobre Jisu Jerusalemre tahẽkate okako hahaṛa kạmiye kạmiketʼ ona ńelte ạḍi utạr hoṛ do unireko pạtiạuena.

Johan 3:2

Uni do mitʼ din ńindạ jokhecʼ Jisu ṭhen hecʼkateye menkeda, “E Guru, alele baḍaea am do mitʼṭen cecetʼicʼ leka Isor ṭhen khonem hecʼakana, ente okako hahaṛawakʼ kom kạmikan, ona do Isor soṅgete bae tahẽlen khan okoe hõ ohoe kạmi daṛelea.”

Johan 4:3

Ado Jisu onae baḍaeketʼ khan Jihudạ Prodeshe bạgiatʼe arhõ Gạlilteye calaoena.

Johan 4:46

Jisu do arhõ Gạlil reakʼ ona Kana atoteye calaoena. Nonḍege uni do dakʼe darkha rasa ocoletʼ tahẽkana. Ar Gạlil reakʼ Kapharnạhum nagrahare mitʼṭen raj kạmiạ hoṛren hopontetʼ doe ruạ kạhil akan tahẽkana.

Johan 4:54

Ar Jihudạ khon Gạlilre hecʼen tayom Jisu do dosar dhao noa hahaṛa kạmiye kạmikeda.

Johan 5:23

Baba cetʼlekako manotede onkage jemon Hopon hõko manote. Hopon okoe bae manotede, uni do kolakadińicʼ Baba hõ bae manotea.

Johan 6:14

Jisuakʼ noa hahaṛa kạmi ńelte gadel hoṛkoko menkeda, “Dhạrtite okoeṭakʼ nạbi hijukʼ reakʼ katha menakʼtae sạrige uni nạbi doe nuikangea.”

Johan 6:2

Ar ạḍi utạr hoṛ do Jisuko pańja idikedea, ente rugiko cetanre cinhạ kạmi lekate okako hahaṛa kạmiye kạmi akatʼ tahẽkan onko do onakoko ńelakatʼ tahẽkana.

Johan 6:26

Jisui roṛ ruạṛatʼkoa, “Sạrigeń metapekana, hahaṛa kạmipe ńelletʼ iạtepe ńam baṛayediń kana ona do baṅ, bickom piṭhạkotepe jom bilen iạtepe ńam baṛayedińa.

Johan 6:30

Unreko kulikedea, “Enḍekhan cetʼlekan hahaṛa kạmim udukʼ alete amrele pạtiạu daṛekokʼa? Ar am do cetʼem kạmiya?

Johan 7:31

Menkhan ḍher hoṛge Jisure pạtiạuenteko menkeda, “Nui do aema hahaṛawakʼkoe kạmi kana. Mạsiye hecʼlenre noako khon hõ bạ̃ṛti hahaṛawakʼko cetʼ bae kạmiya?”

Johan 9:16

Noate Phạrusiko modren adomko doko menkeda, “Uni hoṛ do Isor ṭhen khon bae hecʼakana, ente uni do jirạukʼ mãhã hõ bae manaoeda.” Eṭakʼ Phạrusiko doko menkeda, “Cekate mitʼṭen kại hoṛ do nonkan hahaṛawakʼe kạmi daṛekea?” Nonkate onko talare bhinạ bhini hoyena.

2 Korinthiko 3:18

Onate okoe Mạsi tulucʼ bon mitʼ akan, abo sanamko do bin betʼ mẽtʼãhã ạrsire ńelokʼkan muṭhạn leka Probhuakʼ ṭhonok ńel ńelte apnar hõ ṭhonokte hara rakabokʼte uni lekage bon hoyokʼkana. Probhu, metakʼme sonot Jiu reaṅ daṛetege noa do hoyokʼ kana.

2 Korinthiko 4:17

Ale do ńitokʼ mitʼ ghạṛi lạgitʼ okale dukokʼkan ona khạtirte jaejug ṭhonokle hameṭ joṅa. Noa ṭhonok do nunạkʼge ḍhera je, ona do ohoge soṅlena.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniakʼ mạhima bujhạu lạgitʼ marsal sodorokʼ. Ar noa mạhimage Mạsiakʼ mẽtʼãhãre menakʼa.

1 Johan 5:13

Ape okoeko Isorren Hoponrepe biswạs akan, ape ṭhen iń do noakoń olkeda jemonpe baḍae daṛeakʼ, ape do jaejug jionpe ńam akada mente.