Johan 19:13 - Santali Common Language New Testament

¹³ Noa katha ańjomkate Pilạt do Jisu bahreteye ạgukedea ar dhirite tolakʼ mitʼṭen bicạr jaegareye duṛupʼena. Ibrite ona jaega do Gabbathako metakʼkan tahẽkana.

সান্তালী বাইবেল

¹³ Noa katha ańjomkate Pilạt do Jisu bahreteye ạgukedea ar dhirite tolakʼ mitʼṭecʼ bicạr jaegareye duṛupʼena. Ibrite ona jaega do Gabbathako metakʼkan tahẽkana.

Johan 19:13 Iomraidhean Croise

Mathae 27:19

Ado Pilạt tinre bicạr duṛupʼakʼreye duṛupʼ akan tahẽkana unre uniren oṛakʼ hoṛ do kathae roṛgotʼkada, “Uni dhoromicʼ do jãhãnakʼ alom cekaea, ente uni iạte teheń kukmũte ạḍi duk iń ńamakada.”

Luk 12:5

Menkhan ińiń udukʼapea okoeṭakʼpe botoraea mente. Ape gocʼpe tayom okoe do norokre khadlepe reakʼ ektiạri menakʼtae unige botoraepe. Hẽ ińiń metapekana, ape do unige botoraepe.

Johan 19:17

Ar Jisu do acʼakʼ krus gokʼkate khạpriko metakʼ mitʼṭen jaegateye senena. Ona jaega reakʼ ńutum do Ibrite Golgothako metakʼkan tahẽkana.

Johan 19:20

Okare Jisuko kruskede ona jaega do nagraha sorre tahẽkante Jihudiko modren ḍher hoṛge ona olakʼko paṛhaokeda. Ona do Ibri, Romi ar Junạni pạrsite olakan tahẽkana.

Johan 19:8

Pilạt do noa kathae ańjomketʼ khan artetʼgeye botorena.

Johan 5:2

Jerusalemre bhiḍi-phaṭokʼ ṭhen mitʼṭen pukhri menakʼa; onḍe do mõṛẽ goṭen umul akatʼ jaega menakʼa. Ibri pạrsite ona pukhri reakʼ ńutum do Bethsaedako metakʼkana.

Aposkạmi 4:19

Patras ar Johankin roṛ ruạṛkeda, “Apeakʼ hukum liń manaoa se Isorakʼ hukumkoliń senakʼa? Isorakʼ mẽtʼãhã samaṅre okaṭakʼ ṭhika, ona do apege bicạrpe.