Johan 17:19 - Santali Common Language New Testament

¹⁹ Onko iạte am lạgitʼ iń doń begar akana jemon sạriakʼ hotete onko hõko begar ocokʼ.

সান্তালী বাইবেল

¹⁹ Onko iạte am lạgitʼ iń doń begar akana jemon sạriyakʼ hotete onko hõko begar ocokʼ.

Johan 17:19 Iomraidhean Croise

Johan 10:36

Enḍekhan Baba okoeye sonot akade ar dhạrtiteye kolkede uni ińge tinreń metapekana ‘Iń doń Isorren Hopon kana,’ unre cekatepe meneda, ‘am do Isor birudre bemanot katham roṛeda?’

Johan 15:13

Jãhãege acʼren gateko lạgitʼ acʼakʼ jiwiye alaetae enḍekhan noa khon maraṅ dulạṛ do ar okoeakʼ hõ bạnukʼa.

Johan 15:3

Okaṭakʼ kathań galmarao akatʼpe onate ape do laharegepe saphagea.

Johan 17:17

“Sạriakʼ hotete am lạgitʼge onko do begar dohokom. Amakʼ katha kangea ona sạriakʼtetʼ do.

Johan 17:20

“Eken onko lạgitʼ iń nehõrokʼ kana ona do baṅ, menkhan okoe nokoakʼ kathate ińreko pạtiạukʼkan onko lạgitʼ hõń nehõrokʼkana, jemon onko sanamko mitʼko hoyokʼ.

2 Korinthiko 4:15

Sanamakʼ do apeakʼ bhạlại lạgitʼge hoeakana, jemon Isorakʼ oka daya ḍher hoṛkore emakan ona daya iạte ḍher hoṛge arhõ bạ̃ṛti Isorko sarhaoedea ar nonkate Isorakʼ ṭhonok hoyokʼ kana.

2 Korinthiko 7:14

Iń doń kusi akana, ente ape iạte uni ṭheniń sarhaolena, ar onate iń do bạń lajao ocolena. Ona bodolte ape ṭheniń lạiletʼ aleakʼ sanamakʼ katha cetʼleka sạri tahẽkan, onkage Titus ṭhen ape iạte aleakʼ sarhaokʼ hõ sạriakʼ mente sạbud akana.

2 Korinthiko 8:9

Ape do aboren Probhu Jisu Mạsiakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniakʼ reṅgejokʼ hotete apepe kisạ̃ṛ daṛeakʼ.

Kolossiko lạgitʼ Pạul Apostolakʼ ciṭhi 1:6

Noa bhage sombat do goṭa dhạrtire pasnaoente jokʼ kana ar dinke din baḍhao idikʼ kana. Ar oka hilokʼ noa bhage sombatpe ańjomketʼ ar Isorakʼ daya reakʼ katha sạri mentepe baḍaeketʼ enhilokʼ khon ṭhik onkage ona do ape talare hõ kạmikʼ kana.

1 Thessalonikikko 4:7

ente Isor do be sapha lekate calakʼ lạgitʼ do baṅ, menkhan sonot lekate senokʼ lạgitʼgeye hohoakatʼ bona.

2Timothi 2:10

Onate Isor okoeye bachao akatʼko onko lạgitʼ jotowakʼ iń sahao akada, jemon onko hõ Jisu Mạsi hotete kại khon bańcaoko ńam ar jaejug ṭhonokko hameṭ joṅ.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạte saphakote eken acʼrengeko hoyokʼte eṭakʼko bhạlại lạgitʼko ahkaokʼ.

Ibriko 10:29

Enḍekhan Isorren Hopon okoeye kurud akawade, oka mãyãmte uniye sapha akan Isorakʼ ona bondobos reakʼ mãyãm okoe be sonotakʼ menteye bujhạuetʼ ar okoe dayae emokʼkan uni sonot Jiu okoeye bemanot akade, enḍekhan hudispe, uni do tinạkʼ artetʼ sạjạyokʼ lek kanae!

Ibriko 2:11

Ente sonot ocoicʼ hõ ar sonot ocokʼko hõ mitʼṭen khon kangeako. Onate Jisu do onko hoṛko boeha mente hohowako do bae lajaokʼ kana.

Ibriko 9:13

Okoeko bhõnḍ akan tahẽkan onko cetanre merom ar ḍaṅgrawakʼ mãyãm se pheṭãṛ rapakʼ akade torocʼko chiṭạu akokan tahẽkana; onate onkoakʼ do eken bahre hoṛmo saphakʼkan tahẽkana.

Ibriko 9:18

Ṭhik onkage pạhilakʼ bondobos hõ mãyãm chaḍakate kạmire oho lagaolena.

Ibriko 9:26

Ar onkage hoyokʼ hoelentae khan enḍekhan dhạrti sirjạu khon ehopʼkate ạḍi dhaoge duk jomkate gujukʼ hoekokʼtaea; menkhan ńitokʼ sanam jugko reakʼ mucạtʼre uni do mitʼ dhaogeye sodorena jemon apnartetʼe dãṛẽkʼte kạikoe ocokʼ giḍikakʼ.

1 Johan 3:18

E gidrạko, abo do eken moca kathate dulạṛ baṅ udukʼkate kạmi hotete sạriakʼ reakʼ dulạṛ bon udugma.

1 Johan 3:3

Okoe Mạsire noa ase dohoe uni do apnare khạṭikʼ kana cetʼleka Mạsiye khạṭige.