Johan 16:33 - Santali Common Language New Testament

³³ Iń do noakoń lạiatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

সান্তালী বাইবেল

³³ Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Johan 16:33 Iomraidhean Croise

Mathae 9:2

Unre hoṛko do jaṛao akan mitʼṭen mitʼkaṛ gocʼ rog hoṛ do parkomte uni ṭhenko ạgukedea. Jisu do onko hoṛkoakʼ pạtiạu ńelte rugiye metadea, “Diljoṅ me. Amakʼ kại do ikạyen tama.”

Luk 19:38

“Bhorangeae Probhu ńutumte daraekanicʼ raj do; sermare suluk ar coṭ utạrkore ṭhonok.”

Luk 2:14

“Sermare Isorakʼ ṭhonok dhạrtire suluk, manwakore kusi.”

Johan 12:31

Noa dhạrtiren hoṛkoakʼ bicạr reakʼ okte do seṭer akana, ar dhạrtiren rajakʼ ti khon ńitokʼ do recʼ ocokʼa.

Johan 14:1

“Apeakʼ mon do alo khad badaokʼtape ma. Isorre pạtiạukʼpe ar ińre hõ pạtiạu akae tahenpe.

Johan 14:27

“Iń do ape lạgitʼ suluk iń doho oṭokakʼ kana, ińakʼ sulukge apeń emape kana; dhạrti cetʼ lekae emokʼkan onka do bạń emokʼ kana. Apeakʼ ontor do alo khad badaokʼtapema ar monre botor hõ alo tahentape ma.

Johan 16:11

Bicạr reaṅ hõ cehaonae emokʼa, ente dhạrtiren rajakʼ bicạr do hoeakana.

Aposkạmi 23:11

Dosar hilokʼ ńindạ Probhu do Pạul ṭhen teṅgoyenteye metadea, “Dil joṅme, Jerusalemre cetʼleka iń reaṅ goham emakatʼ onkage Romre hõ ińakʼ goha emokʼ hoyokʼtama.”

Aposkạmi 27:22

Menkhan ńitokʼ iń nehõrapekana, monre dil dohojoṅpe, ente ape modren okoe hõ bape gujukʼa; eken noa jahaj chaḍa.

Aposkạmi 27:25

Onate monre dil joṅpe. Isorre noa pạtiạu menakʼtińạ je, uni okae menakawạdiń ona do hoyokʼgea.

Aposkạmi 9:31

Ona oktere Jihudạ, Gạlil ar Samariạ disạm reakʼ manḍerkore suluk tahẽkana, ar ona manḍerko benao rakabokʼkan tahẽkana. Onate Probhu botoraete ar sonot Jiu reakʼ uskurte onko doko saṅge idikʼkan tahẽkana.

2 Korinthiko 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Uni kangeae mãyãwan Baba do; ar sanam jiwi raṛecʼren Isor hõ.

2 Korinthiko 13:11

E boehako, jotowakʼko sudhrạupe ar sạbitokʼpe. Ińakʼ katha luturakʼpe, ar mitʼ monokʼpe, ar sulukte tahenpe. Enḍekhan dulạṛren ar sulukren Isor do ape tulucʼe tahena.

2 Korinthiko 2:14

Isoriń sarhaoede kana, Mạsi tulucʼ bon mitʼ akante ar Isor do acʼakʼ jitạuakʼre jaogeye ạyuretʼbon kana. Mạsi baḍaeye do mitʼṭen mahkaokʼ kan so leka. Isor do acʼakʼ jitạuwakʼre ona jut so ale hotete sanam jaegareye mahkao ocoyeda.

2 Korinthiko 4:7

Menkhan noa dhon do hasa bhajanre dohoakana, ar alege ona hasa reakʼ bhajan do. Hasa reakʼ bhajanre dohoakana jemon hoṛkoko bujhạu daṛeakʼ baṅma, noa asambheṛ daṛe do apnar khonakʼ do baṅ bickom Isor ṭhen khonge hecʼakana.

2 Korinthiko 6:4

Ona khon bickom jotowakʼre Isorren sapʼ dapʼko mente apnarle sạbudokʼ kana. Santaore, muskilre, joṅjalkore,

2 Korinthiko 7:4

Apere ạḍi pạtiạu menakʼtińạ ar ape iạte ạḍitetʼ iń sarhaokʼ kana. Aleakʼ joto duk sasetre ińakʼ rạskạ do sareṛokʼ kana ar ạḍi jiwi raṛecʼ iń ńameda.

Galathiko lạgitʼ Pạul Apostolakʼ ciṭhi 1:4

Aboren Isor Babawakʼ sanaleka Mạsi do aboakʼ kạiko iạte apnarakʼ jiwiye emkeda, jemon noa bạṛicʼ piṛhirenko khone rukhiyạ bon.

Galathiko lạgitʼ Pạul Apostolakʼ ciṭhi 6:14

Probhu Jisu Mạsiakʼ krus chaḍa ar cetʼte hõ jemon aloń sarhaokʼ. Noa krus hotetege dhạrti do iń ṭhen gocʼgea ar iń hõ dhạrti ṭheniń gocʼgea.

Philipiko lạgitʼ Pạul apostolakʼ ciṭhi 4:7

Ona iạte, Isorakʼ okaṭakʼ suluk reakʼ katha manwa do hudiskate hõ bako bujhạu daṛeakʼkan, ona suluk do Mạsi Jisu hotete apeakʼ mon ar ontore rukhiyạitapea.

Kolossiko lạgitʼ Pạul Apostolakʼ ciṭhi 1:20

Ona chaḍa dhạrirege cetʼ ar sermarege cetʼ, Mạsi hotete jotowakʼge acʼ tulucʼ samge ocoye goṭaleda. Mạsi do krusre acʼakʼ mãyãme danketʼte suluke ạguketʼa ar onate Isor tulucʼ manwakoakʼ noa samge do hoeakana.

1 Thessalonikikko 3:4

Duk saset do abore hijukʼgea ona katha do ape tulucʼ tahẽkan jokhecʼre bar barteń lại akatʼpe tahẽkana, arpe baḍaegea, onkage hoeakana.

1 Thessalonikikko 3:7

Onate E boehako, Timothiakʼ moca khon apeakʼ pạtiạu reaṅ katha ańjomkate joto lekan haron ar kosṭorehõ ale do jiwi raṛecʼle ńam akada.

2 Thessalonikiko 3:16

Sulukren Probhu do acʼge sanam okte jotowakʼre suluke dan ape ma. Probhu do ape sanamko tulucʼe tahenma.

2Timothi 3:12

Okoe Mạsi Jisu tulucʼ joṛao mitʼkate Isor bhoktite din khemaoko menjoṅkan onko do jotogeko khed ocokʼa.

Ibriko 11:25

Uni do thoṛa din lạgitʼ kại reakʼ rạskạ bạgikate Isorren hoṛko sãote duk jojomgeye bachaoana.

Ibriko 7:2

ar Abraham do joto jinisko reakʼ gel hĩs reakʼ mitʼ hĩs uniye emade tahẽkana. Melkisedek reakʼ mane do hoyokʼkana dhoromren raj. Melkisedek do Salemren hõ raje tahẽkana, ar ona reakʼ mane do hoyokʼ kana sulukren raj.

1 Patras 5:9

Pạtiạure jamaṛ akae tahente Soetan teṅgo daramepe, entepe baḍaegea, goṭa dhạrtire aperen biswạsi boehako do inạ mitʼ lekan duk sasetgeko jomeda.

1 Johan 2:13

E babako, ape do pạhil khonge okoe menae unipe baḍae akadeteń olapekana. E juạnko, Soetanpe bhagao akade iạteń olape kana.

1 Johan 4:4

Menkhan E gidrạko, ape do Isorren kanape. Ape do onko eṛeko cetanrepe jitạu akana, ente noa dhạrtire okoe menae, uni khon apeakʼ ontorre menayicʼ doe maraṅgea.

1 Johan 5:4

ente Isorren mitʼke mitʼ gidrạ do dhạrtiko bhagaoeda. Dhạrtire okaṭakʼe jitạu akan ona do aboakʼ pạtiạu.

Johan sodor 12:11

Bheḍa Hoponakʼ mãyãm ar apnarakʼ gohate onko do uniko bhagao akadea. Onko do apnar dulạṛ baṅkate akoakʼ jiwi emokʼge rạjiko tahẽkana.

Johan sodor 3:21

“Jitạukʼkate cetʼleka iń do ińren Baba tulucʼ uniakʼ siṅghạsonreń duṛupʼ akan, onkage okoeye jitạukʼa, uni do iń tulucʼ ińakʼ siṅghạsonre duṛupʼ reakʼ ạidạriń emaea.

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.