Johan 16:22 - Santali Common Language New Testament

²² Onkage ape hõ ńitokʼ do haron ar kosṭope ńameda; menkhan arhõ apeko sãoteń ńapamokʼa unre apeakʼ mon do rạskạte perejokʼa ar ona rạskạ do okoe hõ bako recʼ daṛeapea.

সান্তালী বাইবেল

²² Onkage ape hõ ńitokʼ do haron ar kosṭope ńameda; menkhan arhõ apeko sãoteń ńapamokʼa unre apeakʼ mon do rạskạte perejokʼa ar ona rạskạ do okoe hõ bako recʼ daṛeapea.

Johan 16:22 Iomraidhean Croise

Mathae 28:8

Unkin do botor ar rạskạ salakʼ usạrate topa khon oḍokkate Jisuren celako noa khobor lạiako lạgitʼkin ńir calaoena.

Luk 10:42

menkhan mitʼṭenge jạruṛakʼ do menakʼa. Ente Mạriạm do bhage bakhrageye bachao akawana. Ona do uni ṭhen khon baṅ rejogokʼa.”

Luk 16:25

“Menkhan Abrahame menkeda, ‘disạime, am do jiwetʼem tahẽkanre tinạkʼ sukem jomleda ar Lasar do tinạkʼe sasetlena. Menkhan nonḍe uni do jiwi raṛecʼe ńameda ar am dom sasetokʼkana.

Luk 19:26

Raje menkeda, ‘ińiń metapekana, okoeakʼ menakʼtae uni do arhõe em ocokʼa, menkhan okoeakʼ bạnukʼtae uni do oka menakʼtae ona hõe recʼocokʼa.

Luk 24:41

Menkhan nunạkʼko rạskạyena arko hahaṛayena je, onko do pạtiạu hõ bako pạtiạu daṛeakʼkan tahẽkana. Unre Jisui kuliketʼkoa, “Nonḍe jãhãn jomakʼ menakʼtapea?”

Johan 14:1

“Apeakʼ mon do alo khad badaokʼtape ma. Isorre pạtiạukʼpe ar ińre hõ pạtiạu akae tahenpe.

Johan 14:19

Ar thoṛa ghạṛicʼ khange dhạrtiren hoṛko do ar bako ńel ńameńa, menkhan ape dope ńeleńgea. Iń do jiwetʼge minạńte ape hõ jiwetʼpe tahena.

Johan 14:27

“Iń do ape lạgitʼ suluk iń doho oṭokakʼ kana, ińakʼ sulukge apeń emape kana; dhạrti cetʼ lekae emokʼkan onka do bạń emokʼ kana. Apeakʼ ontor do alo khad badaokʼtapema ar monre botor hõ alo tahentape ma.

Johan 16:16

“Thoṛa ghạṛicʼ khange bape ńel ńameńa, arhõ thoṛa ghạṛicʼ khangepe ńeleńa.”

Johan 16:20

Sạrigeń metapekana, ape dope rakʼjoṅa arpe hae haeokʼa menkhan dhạrtiren hoṛ doko rạskạkʼa. Ape do dukpe ńama, menkhan apeakʼ noa duk do baṅ tahena; ona bodolte ape dope rạskạkʼa.

Johan 16:6

Iń do noakoń lại akawatʼpe iạte apeakʼ mon do dukte perecʼ akana.

Johan 21:7

Ado Jisu okoeṭakʼ celae dulạṛedekan tahẽkan uni do Patrase metadea, “Uni doe Probhu kana.” Unre Simon Patras do koṭogeye tahẽkana. Onate “Probhu kanae” menteye baḍaeketʼ khan aṅgropte paṭheyente doreão dakʼreye don khadleyena.

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniakʼ ontorre jaejug jion lạgitʼ bhumbukokʼkan jharna leka hoyokʼa.”

Aposkạmi 13:52

Menkhan onḍenko cela do rạskạ ar sonot Jiuteko perecʼena.

Aposkạmi 16:25

Un jokhecʼ do tala ńindạ okte tahẽkana. Pạul ar Silạs do Isorkin sarhaoedekan tahẽkana arkin koejoṅkan tahẽkana. Ar eṭakʼ kạidiko hõ onako ańjomkan tahẽkana.

Aposkạmi 2:46

Onko do din hilokʼ mundilreko jarwakʼkan tahẽkana ar oṛakʼ oṛakʼ piṭhạ kecag tulucʼ rạskạ salakʼ soṛa monte mitʼteko jom ńũiyetʼ tahẽkana.

Aposkạmi 5:41

Apostolko do Jisu ńutumte bemanot ocokʼ lek kanako menteko bujhạuketʼ khan rạskạte maraṅ bạisi khonko oḍok calaoena.

2 Korinthiko 6:10

Ạḍi dukle ńametʼre hõ aleakʼ ontor do jao ghuṛi rạskạte perecʼgetalea. Ale do apnarle reṅgecʼgere hõ, ḍher hoṛkole kisạ̃ṛ ocoyetʼkoa. Cetʼge bạnukʼtalere hõ, jotowakʼren ạidạriko kanale. Ar nonkatele sodoretʼkana, ale do Isorren sapʼ dapʼko kanale.

2 Thessalonikiko 2:16

Aboren Probhu Jisu Mạsi ar Isor Baba do apeakʼ ontorreye udgạupema ar sanam bhage kạmi ar kathareye kajak ocopema.

Ibriko 10:34

ar okoeko hajot ocoakan tahẽkan onkoakʼ duktepe duklena. Apeakʼ jinisko luṭlenre rạskạ salakʼpe manaoleda, entepe baḍaekan tahẽkana, arhõ bhage ar jaejug dhon menakʼtapea mente.

Ibriko 6:18

Isorakʼ gokʼakʼ ar kiriyạ do tis hõ baṅ bodolokʼa. Okoe secʼ hõ Isor do eṛe bae roṛa, uni do noa gokʼakʼreye kiriyạ akana, jemon abo samaṅre oka as menakʼ ona kajakte sapʼ dohoe lạgitʼ bạ̃ṛti udgạu bon ńam.

1 Patras 1:8

Mạsi bape ńṭoṭhadere hõ enhõ ape do unipe dulạṛede kana; ar ńit bape ńel ńamekanre hõ unirepe pạtiạu akana, ar okaṭakʼ rạskạ lạite baṅ sodorokʼ ar okaṭakʼ do serma reakʼ ṭhonokte perecʼge, ona rạskạtepe rạskạkʼ kana;