Johan 15:5 - Santali Common Language New Testament

⁵ “Ińge darkha nạ̃ṛĩ ar ape do ḍạrko. Okoe ińreye tahenkan ar iń do unire enḍekhan uniakʼ jionre do ạḍi jo jokʼa, ente iń begor ape do cetʼ hõ bape ceka daṛeakʼa.

সান্তালী বাইবেল

⁵ “Ińge darkha nạ̃ṛĩ ar ape do ḍạrko. Okoe ińreye tahenkan ar iń do unire enḍekhan uniyakʼ jionre do ạḍi joe jokʼa, ente iń begor ape do cetʼ hõ bape ceka daṛeakʼa.

Johan 15:5 Iomraidhean Croise

Mathae 13:21

menkhan onkore mońjte baṅ rehedokʼ kante thoṛa ghuṛi lạgitʼko ṭarhao tahen kana. Ar ona katha khạtirte tinre santao ar khedreko paṛaokʼkana unre onko doko pạcokʼkana.

Johan 12:24

Sạrigeń metaben kana, guhum jaṅ hasare ńurkate baṅ gocʼlen khan ona do eskarge tahena, menkhan gocʼlen khan do ạḍi utạr gele belekʼa.

Johan 15:16

Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

Johan 5:19

Onate Jisu do onko mukhiyạkoe metatʼkoa, “Sạrigeń metapekana, Hopon do acʼte cetʼge bae ceka daṛeakʼa. Baba okaṭakʼ kạmikane ńelekan eken onageye daṛeakʼa, ente Baba okae cekae Hopon hõ onageye onkayeda.

Johan 9:33

Uni do Isor ṭhen khon bae hecʼlen khan honaṅ cetʼge ohoe ceka daṛelea.”

Aposkạmi 4:12

Kại khon bańcao do ar okoe ṭhen khon hõ oho ńamlena, ente serma latarre, manwako talare nonkan okoege bạnukʼkoa one uniakʼ ńutumte kại khon bańcao bon ńam daṛeke.”

Romiko lạgitʼ Pạul Apostolakʼ ciṭhi 12:5

ṭhik onkage abo do lekhare bon ḍhergere hõ Mạsire bon mitʼ akante mitʼ hoṛmoge bon hoeakana. Ar abo mimitʼko do eṭakʼkoakʼ hoṛmo hạṭińko kana bon.

Romiko lạgitʼ Pạul Apostolakʼ ciṭhi 6:22

Menkhan ńitokʼ do kại khonpe sạdhin akante Isorren golampe hoeakana. Onate porho do noage hoeakana, ape dope sonot ocokʼa, ar ona reakʼ mucạtʼ jo do hoyokʼ kana jaejug jion.

Romiko lạgitʼ Pạul Apostolakʼ ciṭhi 7:4

Ṭhik onkage E ińren boehako, Mạsiakʼ hoṛmo secʼte ar Moseakʼ ạn-ạri lekate ape hõpe gocʼena. Onate ape do okoe gocʼko khone jiwetʼ beretʼ ocoakan uni Jisu Mạsiren pe hoeakana, jemon apeakʼ jion do Isor lạgitʼ jo daṛeakʼ.

1 Korinthiko 10:16

Probhu kedokʼ okte gunmanao joharate oka bhoranakʼ bạṭi khon bon ńũi, ona do cetʼ Mạsiakʼ mãyãmre bakhra seledokʼ leka do baṅkana? Ar oka piṭhạ kecakʼ katebon jometʼkan ona hõ cetʼ Mạsiakʼ hoṛmore bakhra seledokʼ leka do baṅkana?

1 Korinthiko 12:12

Mitʼṭen hoṛmore cetʼleka aema hạṭińko tahen ar ona hạṭińko ḍhergere hõ cetʼleka mitʼṭen hoṛmoge hoyokʼ, Mạsi hõ ṭhik onkage.

1 Korinthiko 12:27

Ape do Mạsiakʼ hoṛmo kanape, ar mimitʼ hoṛ do ona hoṛmoren hạṭińkoge.

2 Korinthiko 13:8

Sạriakʼtetʼ birudre jãhãn ektiạri do bạnukʼtalea menkhan sạriakʼtetʼ lạgitʼ do menakʼtalegea.

2 Korinthiko 9:10

Cacasicʼ lạgitʼ itạ ar jom lạgitʼ piṭhạ okoeye kulạu julạuetʼ, uni do erokʼ lạgitʼ itạ hõe kulạuapea are baḍhao ocoetapea; ar apeakʼ dhorom reakʼ phosole borket ocoetapea.

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

Ephesiko lạgitʼ Pạul Apostolakʼ ciṭhi 5:9

ente sanam lekan bhạlại ar dhorom ar sạriakʼ kangea marsal reakʼ jo do.

Philipiko lạgitʼ Pạul apostolakʼ ciṭhi 4:13

Ar okoe daṛeye imạńkan uni hotetege iń do jotowakʼiń kạmi daṛeakʼ kana.

Philipiko lạgitʼ Pạul apostolakʼ ciṭhi 4:17

Jãhãn daniń khojokʼ kana ona do baṅ, menkhan nonkan jotetʼ geń asokʼ kana one oka do ape ńutumte doho jarwa idikʼ.

Kolossiko lạgitʼ Pạul Apostolakʼ ciṭhi 1:10

Onate boge kạmikote bhage jope jokʼte Isor do arhõ jemon mońjtepe baḍae daṛeae; ar nonkate jotowakʼre Probhupe kusi ocoyete unire lek lekape colon.

Kolossiko lạgitʼ Pạul Apostolakʼ ciṭhi 1:6

Noa bhage sombat do goṭa dhạrtire pasnaoente jokʼ kana ar dinke din baḍhao idikʼ kana. Ar oka hilokʼ noa bhage sombatpe ańjomketʼ ar Isorakʼ daya reakʼ katha sạri mentepe baḍaeketʼ enhilokʼ khon ṭhik onkage ona do ape talare hõ kạmikʼ kana.

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

1 Patras 2:4

Nonkan mitʼṭen jiwetʼ dhiri menakʼa one okaṭakʼ do Isore bachao akawan ar okaṭakʼ do uniakʼ mẽtʼre ạḍi damanakʼkan, menkhan hoṛko do uniko neṅghao akadea. Mạsigeye hoyokʼ kana ona dhiri do;

2 Patras 3:18

Ape do aboren Probhu ar babańcaoicʼ Jisu Mạsiakʼ daya ar uni reaṅ akelte hara rakabokʼpe. Ńit ar jaejug hạbicʼ uniakʼge ṭhonok hoyokʼtae ma. Amen.