Johan 15:25 - Santali Common Language New Testament

²⁵ Noa do hoeakana onkoakʼ ạn-ạrire olakan katha jemon purạukʼ, ‘onko do ạuṛiakʼte ińko kurudạń kana.’

সান্তালী বাইবেল

²⁵ Noa do hoyakana onkoakʼ ạn-ạrire olakan katha jemon purạukʼ, ‘onko do ạuṛiyakʼte ińko kurudạń kana.’

Johan 15:25 Iomraidhean Croise

Mathae 10:8

Ona chaḍa rugiko bogekope, gocʼko jiwetʼkope, murhucʼ jom hoṛ bogekope ar bạṛicʼ jiuko oḍok giḍikope. Ape do begor damtepe ńamakada, begor damtege emakope.

Luk 24:44

Ar ona tayome metatʼkoa, “Iń do ape sãote tahẽkanreń menleda, Mose reakʼ ạnre, nạbikoakʼ olakʼre ar sereńkore iń reakʼ okako katha olakan ona sanamakʼ do purạukʼtehõ purạukʼgea.”

Johan 10:34

Jisui menkeda, “Apeakʼ ạnre cetʼ baṅ olakana, ‘Ińiń menakada, ape do Deb kanape?’

Johan 13:18

Ape sanamkoakʼ katha do bạń meneda. Iń okoeyiń bachao akatʼko onko doń baḍae akatʼkogea. Menkhan sonot sostor reakʼ noa katha do purạukʼtege hoyokʼa, ‘okoe iń tulucʼ piṭhại jojomkan unige iń birudre jaṅgae tulketʼtaea.’

Johan 19:36

Noa do hoyena sonot sostor reakʼ katha jemon purạukʼ, “Uniakʼ do mitʼṭen jaṅ hõ baṅ rạpudokʼtaea.”

Romiko lạgitʼ Pạul Apostolakʼ ciṭhi 3:19

Baḍaegea bon Moseakʼ ạn do onko lạgitʼge one okoe do ona ạn gobolre menakʼko. Onate Jihudi ar boṅgan hoṛ jạtrenko okoe hõ jãhãnakʼ mementeakʼ do bạnukʼtakoa, sanam manwage Isor samaṅreko dusigea.

Romiko lạgitʼ Pạul Apostolakʼ ciṭhi 3:24

Menkhan Jisu Mạsi do manwa kại khon chaḍaoko reakʼe bondobos akada ar ona chaḍao hotete pạtiạukʼko do daya dan lekate dhorom menteye ataṅetʼkoa.

2 Korinthiko 11:7

Isor emakʼ bhage sombat apeko ṭhen begor damteń porcar akatʼte apnariń copotʼ akana jemonpe usul ocokʼ. Noa iạte cetʼ iń doń kại akada?

Galathiko lạgitʼ Pạul Apostolakʼ ciṭhi 2:21

Isorakʼ noa daya do bạń ạuṛiakʼ ocoa, ente ạn-ạri manaote manwa do Isor ṭhen dhorome hoyokʼ khan enḍekhan Mạsi do ạuṛiakʼgeye gocʼlena.”

2 Thessalonikiko 3:8

se begor damte okoeakʼ jomakʼ hõ bale jomleda. Ale do siń ńindạle mehnot akada arle kosṭo akana, jemon aperen bojhako alole hoyokʼ.

Johan sodor 21:6

Uni do arhõe metadińạ, “Hoyena. Ińge Alpha ar Omega, etohopʼ ar mucạtʼ. Okoe tetaṅedekan uni do jiwetʼ dakʼ reakʼ jharna khon begor damteń ńu ocoyea.

Johan sodor 22:17

Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.