Johan 15:10 - Santali Common Language New Testament

¹⁰ Cetʼleka iń do Babawakʼ sanam hukumkoń dohoyetʼkante uniakʼ dulạṛre minạńa, onkage ińakʼ hukumkope dohole khan ape hõ ińakʼ dulạṛrepe tahena.

সান্তালী বাইবেল

¹⁰ Cetʼleka iń do Babawakʼ sanam hukumkoń dohoyetʼkante uniyakʼ dulạṛre minạńa, onkage ińakʼ hukumkope dohole khan ape hõ ińakʼ dulạṛrepe tahena.

Johan 15:10 Iomraidhean Croise

Johan 10:18

Okoe hõ ińakʼ jiwi iń khon do bako rejeńa, menkhan iń do ińtegeń alaeyeda. Iń do jiwi alae reakʼ ektiạri menakʼtiń arhõ jiwi hatao ruạṛ reakʼ hõ ektiạri menakʼtińạ. Noa dạyik do ińren Baba ṭhen khoniń ńamakada.”

Johan 12:49

ente iń do apnarte cetʼge bạń roṛakada, menkhan okoeye kolakadiń uni Babageye hukum akawạdińạ cetʼko roroṛ hoyokʼ tińạ mente.

Johan 14:15

“Ińpe dulạṛediń khan ińakʼ sanam hukumkope dohoea.

Johan 14:21

Okoe ińakʼ hukumkoe baḍaekan ar onakoe manaoetʼkan unige iń doe dulạṛedeńa.” Ar okoe ińe dulạṛedeń ińren Baba hõ uniye dulạṛea. Iń hõ uniń dulạṛea ar uni ṭheniń sodorokʼa.

Johan 14:23

Jisu do uniye roṛ ruạṛadea, “Jãhãege ińe dulạṛiń uni do ińakʼ kathae dohoea. Ińren Baba do uniye dulạṛea ar uni ṭhen liń hijukʼte uni soṅgeteliń tahena.

Johan 14:31

Menkhan noa do hoyokʼ kana jemon hoṛkoko baḍae daṛeakʼ je, iń do Babań dulạṛedekana ar Baba cetʼ lekae hukum akadiń onkage jotowakʼ iń kạmikana. Ma beredokʼpe, dela nonḍe khon bon calakʼa.

Johan 17:4

Am do okaṭakʼ kạmim emakawadiń ona sạtkate noa dhạrtireń ṭhonok ocoakatʼmea.

Johan 4:34

Unre Jisui metatʼkoa, “Okoeye kol akadiń uniakʼ sanaleka senakʼ ar uniakʼ kạmi purạutaege hoyokʼ kana ińakʼ jomakʼ do.

Johan 8:29

Okoe ińe kolakadiń unige iń sãote menaea. Uni do eskar bae bạgi akawạdińạ, ente okaṭakʼ kạmiye kusiyakʼkan onage siń sạṭupʼ iń kạmiyeda.”

Johan 8:55

Ape do tis hõ bape baḍae akadea, menkhan iń doń baḍae edekana. Ar bạń baḍae akadea menteń menlekan, ape leka eṛeyicʼgeń hoyokʼa. Menkhan iń doń baḍaeyede kana ar uniakʼ katha lekageń calakʼ kana.

1 Korinthiko 7:19

Khatna ar bin khatna do cetʼ hõ baṅkana, menkhan Isorakʼ hukum dohoge asolakʼ kana.

1 Thessalonikikko 4:1

Ado E boehako arhoń mena, Isor kusi ocoye lạgitʼ cetʼleka colon lek kan ona sikhạuna do ale ṭhen khonpe ńamakatʼgea, ar sạrige ape do onkagepe colonetʼ kana. Enhõ Probhu Jisu secʼte solha arle nehõrape kana jemon arhõ bạ̃ṛti onkalekape colon.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

2 Patras 2:21

Onko do dhorom jion reakʼ horko baḍaekan tahẽkanre hõ okaṭakʼ sonot hukum ematʼko tahẽkan ona doko bebataoleda. Noa dosare onko lạgitʼ ṭhik hor baṅ baḍaege bickom bhage tahẽkana.

1 Johan 2:3

Uniakʼ sanam hukumko leka bon senlen khan, enḍekhan khạṭige bon bujhạua, abo do uni bon baḍae akadea.

1 Johan 2:5

Menkhan okoe uniakʼ kathae manaoetʼkan uni do sạrige Isorakʼ dulạṛreye sạbitʼ akana. Ar jãhãye men acʼ do unire menaea, enḍekhan uni cetʼ lekae colonetʼ tahẽkan onkage acʼ hõ colon lektaea.

1 Johan 2:6

Noa hotetege bon baḍae daṛeakʼa, abo do uni tulucʼ jopoṛao menakʼ bona mente.

1 Johan 5:3

Isorakʼ hukumko dohoege hoyokʼ kana Isor dulạṛ do. Uniakʼ hukum do hamal bojha leka do baṅkana,

Johan sodor 22:14

“Bhạgangeako onko do, one okoe do akoakʼ kicricʼko ạrupʼetʼkan jemon jion dare reakʼ jo jom reakʼ ạidạriko ńam ar duạr secʼte nagrahateko bolo daṛeakʼ.