Johan 13:3 - Santali Common Language New Testament

³ Jisu doe baḍaekan tahẽkana, Isor Baba do acʼakʼ tire jotowakʼe jimạ akada. Ar noa hõe baḍaekan tahẽkana, acʼ do Isor ṭhen khone hecʼakana ar uni ṭhengeye ruạṛ calao lạgidokʼ kana.

সান্তালী বাইবেল

³ Jisu doe baḍaekan tahẽkana, Isor Baba do acʼakʼ tire jotowakʼe jimạ akada. Ar noa hõe baḍaekan tahẽkana, acʼ do Isor ṭhen khone hecʼakana ar uni ṭhengeye ruạṛ calao lạgidokʼ kana.

Johan 13:3 Iomraidhean Croise

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍaeyedea, Hopon okoe ṭhen Baba sodoreye menjoṅkan unige uni doe baḍaeyea.

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri iń ṭhen emakana.

Luk 10:22

‘‘Ińren Baba do ińakʼ tire sanamakʼe jimạ akada. Baba chaḍa okoe hõ bako baḍaea Hopon doe okoe kana, arhõ Hopon chaḍa okoe hõ bako baḍaea Baba doe okoe kana mente. Ona chaḍa Hopon okoe ṭhen Baba sodoreye menetʼkan eken unigeye baḍaea.’’

Johan 1:18

Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

Johan 13:1

Sen-parom porob thoṛa laha reakʼ ghoṭna. Jisu do noa dhạrti bạgikate Baba ṭhen calakʼ reakʼ okte seṭer akana menteye bujhạu daṛeatʼ tahẽkana. Ar dhạrtire okoeko acʼren hoṛko tahẽkan onkoe dulạṛetʼko tahẽkana ar mucạtʼ hạbicʼe dulạṛketʼkoa.

Johan 17:2

Am do sanam manwako cetanre ektiạriyem emakawadea, jemon okoekom emakawade onko sanamko jaejug jione emako.

Johan 3:13

Sermare okoeye tahenkan ar serma khon okoeye hecʼakan uni Manwa Hopon chaḍa ar okoe hõ sermate do bako rakapʼ akana.

Johan 3:35

Baba do Hopone dulạṛede kana ar uniakʼ tirege jotowakʼe emakada.

Johan 7:29

Uni do bape baḍae akadea menkhan iń doń baḍae akadea, ente iń do uni ṭhen khongeń hecʼakana ar unige iń doe kolakadińạ.”

Johan 7:33

Jisui metatʼkoa, “Ape talare ḍher din do bạnuńa. Ona tayom okoeye kolakadiń uni ṭheniń ruạṛ calakʼa.

Johan 8:14

Jisui roṛ ruạṛatʼkoa, “Iń do apnarte gohań emetʼkanre hõ ińakʼ goha do sạrigea, ente oka khoniń hecʼakana ar okateń calakʼkan ona doń baḍaegea. Menkhan ape do bape baḍaea oka khoniń hecʼakana ar okateń calakʼa mente.

Johan 8:42

Jisui metatʼkoa, “Isor do sạrige aperen babae hoelentape khan ińpe dulạṛkińạ, ente iń do Isor khoniń hecʼ akana ar ńitokʼ do ape talare minạńạ. Iń apnarte do bạń hecʼakana, menkhan unigeye kolakadińạ.

Aposkạmi 2:36

“Onate sanam Israel jạtko noa katha khạṭiteko baḍaema je, ape okoepe kruslede Isor do uni Jisuge Probhu hõ ar Mạsi hõe hoeoco akedea.”

1 Korinthiko 15:27

Sostor reakʼ katha leka, “Uni do sanamakʼge acʼakʼ jaṅga latarreye dohokeda.” Ar jotowakʼge gobolre dohoakana mente menle khan pusṭạute bujhạukʼ kana okoe jotowakʼko Mạsiakʼ gobolreye dohoakatʼ uni Isor do acʼtetʼ ona khone chaḍaogea.

Ibriko 1:2

Menkhan sesa sisi dinkore uni do acʼren Hopon hotete abokoe galmaraoatʼ bona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.