Johan 13:23 - Santali Common Language New Testament

²³ Onko modren Jisu okoeye dulạṛede tahẽkan uni do Jisuakʼ koṛam pheḍreye ṭenḍar akan tahẽkana.

সান্তালী বাইবেল

²³ Onko modren Jisu okoeye dulạṛede tahẽkan uni do Jisuakʼ koṛam pheḍreye ṭenḍar akan tahẽkana.

Johan 13:23 Iomraidhean Croise

Luk 16:22

“Mitʼ din uni kokoe hoṛ doe gocʼena. Ar serma goḍetko hecʼkate Abraham ṭhenko idikedea. Ona tayom uni kisạ̃ṛ hoṛ hõe gocʼena arko topakadea.

Johan 1:18

Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

Johan 11:3

Onate unkin boeha kuṛi do Jisu ṭhen noa kathakin roṛgotʼkada, “E Probhu, okoeyem dulạṛedekan uni do ruạteye kạhil akana.”

Johan 11:36

Onate Jihudikoko menkeda, “Ma ńelepe, uni do Lasar tinạkʼe dulạṛede tahẽkana.”

Johan 11:5

Jisu do Martha ar uniren bokot kuṛi ar Lasare dulạṛetʼko tahẽkana.

Johan 13:24

Simon Patras do uni isạrawadeteye metadea, “Kuliyeme uni do okoe reaṅe roṛeda.”

Johan 13:25

Unre uni cela do Jisure ṭenḍarenteye menkeda, “Henda Probhu, uni doe okoe kana?”

Johan 19:26

Jisu do acʼren eṅgattetʼ ar uniye dulạṛedekan tahẽkan cela teṅgo akane ńelketʼkin khan eṅgattetʼe metadea, “E go, ńeleme nũkʼũitam hoponme.”

Johan 20:2

Onate uni do Simon Patras ar Jisui dulạṛedekan tahẽkan cela ṭhen ńir senkateye lạiatʼkinạ, “Probhu do topa khonko idiakadea. Ar okareko dohoakadea ona do bale baḍaea.”

Johan 21:20

Patras do tayom secʼe beṅgetʼ ạcurketʼ khan, Jisui dulạṛedekan tahẽkan cela pańjakane ńelkedea. Nui celage, kedokʼ jokhecʼ Jisuakʼ koṛamre ṭenḍarkateye menletʼa, “E Probhu, bạirikoakʼ tireye soprotme, uni doe okoe kana?”

Johan 21:24

Uni celage noako reaṅ gohae emetʼkana ar noakoe oletʼkana. Alele baḍaea uniakʼ goha do sạrigea.

Johan 21:7

Ado Jisu okoeṭakʼ celae dulạṛedekan tahẽkan uni do Patrase metadea, “Uni doe Probhu kana.” Unre Simon Patras do koṭogeye tahẽkana. Onate “Probhu kanae” menteye baḍaeketʼ khan aṅgropte paṭheyente doreão dakʼreye don khadleyena.