Johan 12:16 - Santali Common Language New Testament

¹⁶ Jisuren celako do pạhilre noako bako bujhạu daṛeada. Ado tinre Jisuakʼ ṭhonok sodorena unre onko doko disạkeda sonot sostor reakʼ ona katha do Jisu reaṅge olakan tahẽkana mente. Onko do arhõ disạ hecʼatʼkoa hoṛko do Jisu lạgitʼgeko onkaleda.

সান্তালী বাইবেল

¹⁶ Jisuren celako do pạhilre noako bako bujhạu daṛeada. Ado tinre Jisuakʼ ṭhonok sodorena unre onko doko disạkeda sonot sostor reakʼ ona katha do Jisu reaṅge olakan tahẽkana mente. Onko do arhõ disạ hecʼatʼkoa hoṛko do Jisu lạgitʼgeko onkaleda.

Johan 12:16 Iomraidhean Croise

Mark 16:19

Ado joto kathae galmaraoatʼko tayom, Probhu Jisu do sermateye rakapʼ ocoyena. Ar uni do onḍe Isorakʼ jojomsa aṛereye duṛupʼena.

Mark 9:32

Menkhan celako do Jisuakʼ katha reakʼ mane bako bujhạu daṛeada ar kuliye hõko botorena.

Luk 18:34

Menkhan celako do noako reaṅ cetʼge bako bujhạu daṛeada. Ente ona katha reakʼ bhed onko khon danaṅre tahẽyente Jisu okae roṛketʼ ona do bako bujhạuleda.

Luk 24:25

Khange Jisu do unkine metatʼkinạ, “Aben do cetʼge baben bujhạu akada. Abenakʼ mon do goṛdho akana, onate nạbikoko roṛakatʼ katha hõ baben pạtiạuakʼ kana.

Luk 24:45

Uni do sonot sostor bujhạu ocoko lạgitʼ celakoakʼ bude jhicʼketʼtakoteye metatʼkoa,

Luk 9:45

Menkhan celako do ona katha bako bujhạuleda. Isor do onko ṭhen khone danaṅ akatʼ tahẽkana jemon onko do ona aloko bujhạu daṛeakʼ. Ar celako hõ noa reakʼ jãhãnakʼ katha kuliyeko botorokʼ kan tahẽkana.

Johan 12:23

Unre Jisu do Andreas ar Philipe metatʼkinạ, “Manwa Hopon do ṭhonok sodorokʼ reakʼ okte seṭer akanataea.

Johan 14:26

Uni sohotʼicʼ sonot Jiu one okoe do Baba iń ńutumteye kolape, unige sanamakʼkoe cetʼapea, ar okakoń lạiakawatʼpe onako joto doe disạ ocopea.

Johan 16:4

Iń do noakoń galmaraowatʼpea jemon ona okte hecʼlenrepe disại, noa kathań metatʼpe tahẽkana. “Pạhil khon noako katha do bạń lại akawatʼpea, ente ape tulucʼ iń tahẽkana.

Johan 17:5

E Baba, dhạrti ạuri sirjạure am sãote oka ṭhonok tahẽkantiń, ona ṭhonok arhõ emạńme baṛe.

Johan 2:22

Onate Jisu gocʼko khone jiwetʼ beretʼenre celakoko disạkeda uni do ona kathageye roṛletʼa mente. Unre celako do sonot sostor reakʼ katha ar Jisu okae roṛletʼ onareko pạtiạuena.

Johan 7:39

Noa do uni Jiu reaṅe roṛkeda, one okoe acʼre pạtiạukʼte sonot Jiuko ńame. Unre sonot Jiu do bae emakan tahẽkana, ente un hạbicʼ Jisu hõ bae ṭhonok ocoakan tahẽkana.

Aposkạmi 2:33

Isorakʼ jojomsa aṛere duṛubokʼ reakʼ ṭhonok do unigeye dan akawadea are gokʼade tahẽkan sonot Jiu do Isor Baba ṭhen khongeye ńam akadea; ar ńitokʼ ape okape ńeletʼkan arpe ańjometʼkan ona do Jisugeye emakana.

Aposkạmi 2:36

“Onate sanam Israel jạtko noa katha khạṭiteko baḍaema je, ape okoepe kruslede Isor do uni Jisuge Probhu hõ ar Mạsi hõe hoeoco akedea.”

Aposkạmi 3:13

Abraham, Isạhak ar Jakobren Isor, metakʼme aboren hapṛamkoren Isorge noa kạmi hotete acʼren golam Jisuakʼ ṭhonoke sodor akada. Ape ma goje lạgitʼ mukhiyạkoakʼ tirepe soprotlede. Pilạt do aṛakʼkaegeye menleda, menkhan Pilạt samaṅre unipe baṅkedea.

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte krusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Ibriko 8:1

Abo oka bon menetʼkan ona reakʼ asol katha do noa kana je, aboren do nonkan mitʼṭen maraṅ naeke menaea one uni do sermare maraṅ Isorakʼ siṅghạson reakʼ jojomsa aṛereye duṛupʼakan.