Johan 10:6 - Santali Common Language New Testament

⁶ Onko Phạrusiko cetʼako lạgitʼ Jisu do noa kathae menkeda menkhan cetʼe lạiatʼkoa ona do bako bujhạuleda.

সান্তালী বাইবেল

⁶ Onko Phạrusiko cetʼako lạgitʼ Jisu do noa kathae menkeda menkhan cetʼe lạiyatʼkoa ona do bako bujhạuleda.

Johan 10:6 Iomraidhean Croise

Mathae 13:34

Jisu do golpoko hotete hoṛko noa sikhnạte ematʼkoa. Ar golpo begor okaṭakʼ cecetʼakʼ hõ uni do bae emakokan tahẽkana.

Mathae 13:51

Inạ tayom Jisu do celakoe kuliketʼkoa, “Ape do cetʼ noakope bujhạuetʼkangea?” Metadeako, “Hẽ, bujhạuetʼgeale.”

Mark 4:34

Golpo chaḍa uni do bae cetʼakokan tahẽkana, menkhan tinre celako do acʼ sãote eskarko tahena unre jotowakʼe bhoṅako kan tahẽkana.

Johan 16:25

“Noako sikhạuna katha do phenkoteń galmaraoatʼpea. Ente nonkan okte hijukʼkana one unre iń do phenkote bạń galmaraoa, menkhan pusṭạute Baba reaṅ iń lạiapea.

Johan 16:29

Unre uniren celakoko metadea, “Ńelme ńitokʼ do sodortegem roṛeda, jãhãn phente do bam lạiyeda.

Johan 6:52

Noa katha ańjomkate Jihudi mukhiạko do reṭe peṭekʼko ehopʼena. Onko doko menkeda, “Cekate nui hoṛ do acʼakʼ hoṛmo jom lạgitʼe em daṛekebona?”

Johan 6:60

Ar uniren celako modre ḍherkoge noa katha ańjomkateko menkeda, “Noa do ạḍi keṭecʼ sikhạuna kana. Ar noa do okoeye ańjom daṛekea?”

Johan 7:36

Enteye meneda, ‘ńam baṛańape menkhan bape ńameńa, ar iń okareń tahen onḍe do ohope sen daṛelena,’ noa katha reakʼ mane do cetʼkana?”

Johan 8:27

Onko do bako bujhạleda Jisu do Baba reaṅgeye lạiako kana mente.

Johan 8:43

Cetʼ iạte ińakʼ kathako bape bujhạueda? Ente ape do ińakʼ roṛ bape sahao daṛeakʼ kana.

1 Korinthiko 2:14

Okoe Jiurene baṅkan, uni do Isorren Jiu ṭhen khon oka hijukʼ ona bae aṅgoca; ente uni ṭhen ona do lelhawakʼ kana. Uni do onako bae baḍae daṛeakʼa, ente sonot Jiu bae cetʼae khan onako do ohoe tojbij daṛelea.

2 Patras 2:22

Onko babotre noa katha do sạrige hoeakana, “Seta do acʼakʼ uchlạwakʼ secʼe ạcurokʼa,” ar “Sukri do ạrupʼ saphayere hõ leḍreye jobekʼa.”

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼ bona jemon sạri Isor bon baḍae orom daṛeae. Okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.