Johan 10:16 - Santali Common Language New Testament

¹⁶ Arhõ bhiḍiko menakʼkotińạ one okoe do noa khạṛrenko baṅkan; onko hõ ạguko hoyokʼtińạ. Onko do ińakʼ aṛaṅko ańjoma ar onate mitʼ khạṛ bhiḍiko hoyokʼa ar gupiyicʼ hõ mitʼṭenge.

সান্তালী বাইবেল

¹⁶ Arhõ bhiḍiko menakʼkotińạ one okoe do noa khạṛrenko baṅkan; onko hõ ạguko hoyokʼtińạ. Onko do ińakʼ aṛaṅko ańjoma ar onate mitʼ khạṛ bhiḍiko hoyokʼa ar gupiyicʼ hõ mitʼṭenge.

Johan 10:16 Iomraidhean Croise

Mathae 17:5

Ado Patras kathae roroṛkan tahẽkanrege mitʼṭen jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniakʼ ańjomtaepe.”

Luk 15:8

“Mitʼṭen maejiu do gel goṭecʼ rupạ ṭaka menakʼtaea. Ar onako modre mitʼ goṭene atʼlere uni do cetʼ diuhe jeretʼkate jokʼ jokʼte bae sendraea ạuriye ńam hạbicʼ?

Johan 10:11

“Boge gupiyicʼ do ińge. Boge gupiyicʼ do acʼren bhiḍiko lạgitʼ acʼakʼ jiwiye alaetaea.

Johan 10:2

Menkhan okoe duạr secʼte bhitriteye bolokʼkan unige bhiḍikoren gupiyicʼ do.

Johan 10:27

Ińren bhiḍiko do ińakʼ aṛaṅko ańjomeda. Ar iń doń baḍae oromakatʼkoa ar onko do ińko pańjayediń kana.

Johan 10:3

Bhiḍikoakʼ khạṛ okoeye horhoyetʼkan uni do gupiyicʼge duạre jhicʼaea. Bhiḍiko do uniakʼ aṛaṅko ańjomtaea, ar gupiyicʼ do acʼren bhiḍiko ńutum ńumkateye hohoakote bahreteye oḍok idikoa.

Johan 10:4

Ar acʼren sanam bhiḍikoe oḍokleko tayom onko laha lahateye calakʼa ar bhiḍiko do uniko pańja idiyea ente onko do uniakʼ aṛaṅko oromakatʼtaea.

Johan 10:5

Onko do tis hõ ạnạṛi hoṛ ohoko pańjalea bickom uni khonko ńir pharakokʼa, ente ạnạṛi hoṛakʼ aṛaṅ do bako oromakada.”

Johan 11:52

Ar eken Jihudi jạtko lạgitʼ do baṅ, menkhan Isorren chir chạtur akan gidrạko samṭaoko lạgitʼ hõ uni doe gujukʼa.

Johan 17:20

“Eken onko lạgitʼ iń nehõrokʼ kana ona do baṅ, menkhan okoe nokoakʼ kathate ińreko pạtiạukʼkan onko lạgitʼ hõń nehõrokʼkana, jemon onko sanamko mitʼko hoyokʼ.

Johan 6:37

Baba okoekoe emawạń onko jotoge iń ṭhenko hijukʼa. Okoe iń ṭhene hijukʼ uni do oka lekate hõ ohoń oḍok giḍilea,

Aposkạmi 15:14

Isor do acʼren hoṛko hoyokʼ lạgitʼ boṅgan hoṛ jạtrenko modkhon thoṛa hoṛ bachaokateye udukʼakada je, boṅgan hoṛ jạtrenko lạgitʼ hõ uni doe dạndikʼ kana. Ar noa kathage Simon Patras do aboe lại akatʼ bona.

Aposkạmi 18:10

ente iń do am sãote minạńa. Amre jhãp emkate okoe hõ ohoko hạnlema, ente noa nagrahare ạḍi utạr hoṛ menakʼkotińa.”

Aposkạmi 22:14

“Unre Ananiạse menkeda, ‘aboren hapṛamkoren Isor do ame bachao akatʼmea jemon uniakʼ sanakom baḍae daṛeakʼ ar uni dhoromicʼ hoṛ, metakʼme Jisu Mạsim ńel ńame ar uniakʼ katham ańjomtae.

Romiko lạgitʼ Pạul Apostolakʼ ciṭhi 11:25

E boehako, apnarte jemon budanko alope monejoṅ onate iń do mitʼṭen sạri okowakʼ baḍae ocopeń menjoṅ kana. Ona sạriakʼ do noage, boṅgan hoṛ jạtrenkoakʼ lekha ạuri purạukʼ hạbicʼ ḍher bhag Israelkoakʼ ontor do keṭecʼge tahena.

2 Thessalonikiko 2:13

Probhure dulạṛiạ boehako, ape ńutumte jaoge Isor gun manao joharae lek kantalea, ente kại khon bańcao ńam lạgitʼ Isor do pạhil khongeye bachao doho akatʼpea. Sonot Jiu hotete Isor lạgitʼe begar doho akatʼpete ar bhage sombat reakʼ sạriakʼre apeakʼ biswạs hotete kại khon bańcaope ńamakada.

Ibriko 13:20

Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.

1 Patras 2:10

Mitʼ jokhecʼ Isorren hoṛ do bape tahẽkana, menkhan ńitokʼ dope hoeakana; mitʼ jokhecʼ ape do daya bape ńamakatʼ tahẽkana, menkhan ńitokʼ dope ńamakada.

1 Patras 2:25

Bhiḍiko lekape chingạu adokʼkan tahẽkana, menkhan ńitokʼ do okoe apeakʼ jiwikoe ńeletʼkan uni gupiyicʼ ṭhenpe ạcur ruạṛakana.

1 Patras 5:4

Enḍekhan maraṅ gupiyicʼe ńel ocokʼre ape do jit reakʼ mala lekate uniakʼ ṭhonokren bhạgiạdarkope hoyokʼa, ar ona do tis hõ baṅ mosodokʼtapea.

Johan sodor 3:20

Ńelme, iń do duạrre teṅgokate silpińiń ṭhopʼ ṭhopʼetʼ kana. Jãhãege ińakʼ aṛaṅ ańjomkate silpińe jhicʼạń, enḍekhan bhitrite uni ṭheniń bolokʼa ar uni tulucʼiń jom ńũiya, ar uni hõ iń tulucʼe joma.