Johan 1:12 - Santali Common Language New Testament

¹² Menkhan tinạkʼ do unireko pạtiạuen arko ataṅkede onko mimitʼko do Isorren gidrạ hoyokʼ reakʼ ektiạriye ematʼkoa.

সান্তালী বাইবেল

¹² Menkhan tinạkʼ do unireko pạtiạuen arko ataṅkede onko mimitʼko do Isorren gidrạ hoyokʼ reakʼ ạidạriye ematʼkoa.

Johan 1:12 Iomraidhean Croise

Mathae 10:40

“Okoe apeko ataṅpe onko do ińgeko ataṅediń kana; ar okoe ińe ataṅediń kan uni do kol akadińicʼgeye ataṅede kana.

Mathae 12:21

Ar porjạtrenko do uniakʼ ńutumreko bhorsakʼa.

Mathae 18:5

Ar jãhãege iń ńutumte nonkan kạṭicʼ gidrại ataṅe uni do ińgeye ataṅińạ.

Johan 1:11

Uni do acʼrenko ṭhene hecʼlena, menkhan acʼren hoṛge bako ataṅledea.

Johan 1:7

Uni do marsal reaṅ goha emokʼ lạgitʼe hecʼlena jemon jotoko uniakʼ goha ańjomkateko pạtiạukʼ.

Johan 11:52

Ar eken Jihudi jạtko lạgitʼ do baṅ, menkhan Isorren chir chạtur akan gidrạko samṭaoko lạgitʼ hõ uni doe gujukʼa.

Johan 2:23

Ado sen-parom porobre Jisu Jerusalemre tahẽkate okako hahaṛa kạmiye kạmiketʼ ona ńelte ạḍi utạr hoṛ do unireko pạtiạuena.

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Johan 3:18

Okoe uni Hoponreye pạtiạukʼ uniakʼ do jãhãn bicạr baṅ hoyokʼtaea, menkhan okoe bae pạtiạukʼ uni do dusi kanae mente laharegeye lekha ocoakana, ente uni do Isorren eskar janam Hoponre bae pạtiạu akana.

Aposkạmi 3:16

Nuipe ńelekan arpe baḍaeyede kan hoṛ do, Jisureye pạtiạuente, uniakʼ ńutumte daṛeye ńamkeda. Ar Jisu hotete oka pạtiạu hijukʼkan ona pạtiạuge uni do sanamko samaṅreye bogekedea.

Romiko lạgitʼ Pạul Apostolakʼ ciṭhi 8:14

ente okoe Isorren Jiu hoteteko ạyur ocokʼkan onkoge Isorren hoponko hoyokʼa.

Romiko lạgitʼ Pạul Apostolakʼ ciṭhi 8:16

Sonot Jiu hõ acʼge aboakʼ ontorre noa gohae emetʼkana je, abo do Isorren gidrạko kana bon.

Romiko lạgitʼ Pạul Apostolakʼ ciṭhi 8:19

Isorren hoponko tinre ona ṭhonokteko sodorokʼa ona lạgitʼ sanam sirjon do gagocokʼ tulucʼe ńel horeda.

Galathiko lạgitʼ Pạul Apostolakʼ ciṭhi 3:26

Mạsi Jisure biswạs hotete ape jotoge Isorren hoponkope hoeakana.

Galathiko lạgitʼ Pạul Apostolakʼ ciṭhi 4:6

Ape dope hoponko kante Isor do acʼren Hoponren Jiu aboakʼ ontorreye kolkedea. Ar uni Jiu Isor do Abba, metakʼme Baba menteye hohoae kana.

Kolossiko lạgitʼ Pạul Apostolakʼ ciṭhi 2:6

Ape do cetʼleka Jisu Mạsi Probhu mentepe ataṅakade onkage uni tulucʼ mitʼ tahente jion khemaope.

2 Patras 1:4

Uni do acʼakʼ ṭhonok ar soros gunte abo ṭhen ạḍi damanakʼ ar maraṅakʼe gokʼakada. Noa reakʼ monsubạ do hoyokʼ kana, manwakoakʼ bạṛicʼ sana khạtirte dhạrtire okako bạṛicʼakʼ perecʼ akan ona khonpe ńir pharakokʼte Isorakʼ boge colonren bhạgiạdarpe hoyokʼ.

1 Johan 3:1

Ma ńeltabonpe, Isor Baba do tinạkʼe dulạṛetʼ bon kana, uni do acʼren gidrạko menteye hohowabon kana, ar sạrige bon onka kangea. Onate dhạrti do bae baḍae akatʼ bona, ente dhạrti do Isor hõ bae baḍae akadea.

1 Johan 3:10

Okoe bhage kạmire apnar bako lạgiạ paṛao akan tahen ar boeha bako dulạṛetʼko, onko do Isorren doko baṅkana. Ar noatege sodorokʼ kana okoe doko Isorren Hopon kana ar okoe doko Soetanren hopon kana.

1 Johan 3:2

E dulạṛiạ gidrạko, ńitokʼ do Isorren gidrạko kana bon, menkhan tayomte cetʼ hoyokʼa ona do ńit hõ baṅ sodor akana. Menkhan bon baḍaea, Mạsiye sodorokʼre abo do uni lekage bon hoyokʼa, ente uni doe okalekanicʼ kana, ona muṭhạntege bon ńelea.

1 Johan 3:23

Uniakʼ hukum do naoge, jemon uniren Hopon Jisu Mạsire bon pạtiạukʼ ar abo abore bon dupulạṛ. Ar noa hukumge uni doe emoṭoakatʼ bona.