Jakob 3:17 - Santali Common Language New Testament

¹⁷ Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

সান্তালী বাইবেল

¹⁷ Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

Jakob 3:17 Iomraidhean Croise

Mathae 23:28

Onkage, ape hõ bahre do hoṛko ṭhen dhorompe ńel ocokʼkana, menkhan bhitri do bạṛicʼ ar kạite perecʼgetapea.

Mathae 5:8

Okoeakʼ ontor khạṭigetako onkogeko bhạgana, ente onko do Isorko ńelea.

Mathae 5:9

Sulukokʼkogeko bhạgana, ente onko do Isorren hoponko ńumogokʼa.

Luk 21:15

ente iń do nonkan katha ar nonkan akeliń emapea, onape roṛ ruạṛakore aperen bạiriko do cetʼ hõ bako roṛ daṛeakʼa, ar ona hõ bako baṅ daṛeakʼa.

Luk 6:36

Aperen baba cetʼ lekae mãyãwạnicʼkan, onkage ape hõ mãyãwanko hoyokʼpe.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniakʼ oka ṭhonok menakʼ ona do alele ńelakada. Uni do daya ar sạriakʼteye perecʼgea.

Johan 1:47

Jisu do Nathanael acʼ ṭhen hijukʼkane ńelkede khane menkeda, “Hạni ńelepe, mitʼṭen sạri Israel. Uniakʼ monre jãhãn phạsiạratetʼge bạnukʼ anaṅ.”

Aposkạmi 11:24

Barnabas do mitʼṭen bhage hoṛe tahẽkana uni do sonot Jiu ar biswạste hõ perecʼ akane tahẽkana. Unre Probhu do ḍher hoṛge acʼ apnar ṭhene ạguletʼkoa.

Aposkạmi 9:36

Joppa nagrahare Tabitha ńutuman mitʼṭen maejiu celae tahẽkana. Junạni pạrsite noa ńutum reakʼ mane do Dorkas (se Posta). Uni do jaoge eṭakʼkoe bhạlạiyetʼko tahẽkana, ar reṅgecʼ orecʼko hõe goṛoakokan tahẽkana.

Romiko lạgitʼ Pạul Apostolakʼ ciṭhi 12:18

Daṛeakʼ bhor sanam hoṛko sãote sulukte tahenpe.

Romiko lạgitʼ Pạul Apostolakʼ ciṭhi 12:9

Dulạṛre phạsiạra do alo tahenma. Okaṭakʼ bạṛicʼakʼkan ona do hirkhạwakʼpe; ar bhageakʼre jamaṛ akae tahenpe.

Romiko lạgitʼ Pạul Apostolakʼ ciṭhi 15:14

E ińren boehako, iń do noań pạtiạukʼ kana, apeakʼ ontor do bhageakʼte purun akana, ar joto lekan akeltehõpe perecʼgea, ente ape do mimitʼkope sikhạu paṛhao daṛeako kana.

1 Korinthiko 12:8

Adom adom hoṛ do uni sonot Jiu hotete akel reakʼ kathako roṛeda.

2 Korinthiko 10:1

Mạsiakʼ mạ̃hir ar daya reakʼ katha disại tulucʼ iń Pạul do apeń nehõrape kana. Hoṛko mena, ape ṭhen tinreń tahen unre doń nindhạnokʼ kana, menkhan tinre bạń tahen unre do dilanicʼ iń hoyokʼ kana.

2 Korinthiko 6:6

Ona chaḍa aleakʼ khạṭi jion hotete, aleakʼ akelte, sahao daṛete, dayate, sonot Jiu hotete, khạṭi dulạṛte,

2 Korinthiko 7:11

Hudiskate ńelpe, Isor duke ematʼpe tahẽkanre ape do bape pạclena, ar bin dusạnko mente sạbudokʼ lạgitʼ tinạkʼ jid tahẽkantapea, kạipe hirkhạwatʼ tahẽkana, monre botor tahẽkantapea, tinạkʼpe gagojlena, tinạkʼpe hudisokʼkan tahekana ar kại reakʼ sạjại lạgitʼ tinạkʼpe jidlena. Nonkate joto secʼtegepe sạbudleda je, ape dope bin dusạnko kana mente.

2 Korinthiko 9:10

Cacasicʼ lạgitʼ itạ ar jom lạgitʼ piṭhạ okoeye kulạu julạuetʼ, uni do erokʼ lạgitʼ itạ hõe kulạuapea are baḍhao ocoetapea; ar apeakʼ dhorom reakʼ phosole borket ocoetapea.

Ephesiko lạgitʼ Pạul Apostolakʼ ciṭhi 5:9

ente sanam lekan bhạlại ar dhorom ar sạriakʼ kangea marsal reakʼ jo do.

Philipiko lạgitʼ Pạul apostolakʼ ciṭhi 4:8

E boehako, mucạtʼre noageń mena, okaṭakʼ sạriakʼkan, okaṭakʼ do lek anakʼkan, okaṭakʼ do niphuṭ ar khạṭige, okaṭakʼ do mońjge, okaṭakʼ do manot ńam lek kan, metakʼme okaṭakʼ do bhageakʼkan ar sarhao ńamokʼ, onako secʼ moneakʼpe.

Kolossiko lạgitʼ Pạul Apostolakʼ ciṭhi 1:10

Onate boge kạmikote bhage jope jokʼte Isor do arhõ jemon mońjtepe baḍae daṛeae; ar nonkate jotowakʼre Probhupe kusi ocoyete unire lek lekape colon.

1 Thessalonikikko 2:7

menkhan ona bodolte cetʼleka gogo do acʼren gidrạkoe jotonetʼko, onkage ale hõ apeko talare tahen jokhecʼ lạlu bạcule beoharleda.

1Timothi 5:21

Isor ar Jisu Mạsi ar bachao akan serma goḍetko samaṅreń kạjiạ̃uetʼme kana, okoe secʼ hõ baṅkate noako kạmime ar mẽtʼãhã beṅgetʼakʼte cetʼ hõ alom kạmiya.

2Timothi 2:24

Okoe doe Probhuren gutikan, uni do jhogṛakʼ baṅ lektaea, bickom sanamkore daya tahentaema. Uni do eṭakʼko cetʼako reakʼ daṛe ar sahao gun tahen hoyokʼtaea.

Titus lạgitʼ Pạul Apostolakʼ ciṭhi 1:15

Okoeakʼ ontor napaege onko ṭhen do jotowakʼge napaegea, menkhan okoeakʼ ontor bạṛicʼ ar bepạtiạrge onko ṭhen cetʼge napaeakʼ do bạnukʼanaṅ, ente onkoakʼ mon ar bibek do mạilạgetakoa.

Titus lạgitʼ Pạul Apostolakʼ ciṭhi 3:2

Onko do okoeakʼ hõ jemon aloko nindạu se aloko jhogṛakoma, bickom soṛa monanko hoyokʼte sanamko tulucʼ mạ̃hir salakʼ jemonko beohar.

Ibriko 12:11

Ḍanṭao do rạskạ reakʼ mente babon metakʼ kana, bickom duk reakʼ mentege bon bujhạueda; menkhan Isorakʼ ḍanṭao batao reakʼ jo do sulukte perecʼ dhorom jion kana.

Ibriko 12:14

Sanam hoṛko tulucʼ sulukte tahen ar sonot hoyokʼ lạgitʼ ahkaokʼpe. Sonot begor Probhu do okoe hõ bako ńelńamea.

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

Jakob 1:5

Apeko modre jãhãe akel reakʼ okulan menakʼtae khan uni do Isor ṭhene koejoṅma, ar Isor do onae emaea, ente uni do begor ạṛiste mimitʼko asambheṛe dan akoa.

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Jakob 2:4

Enḍekhan apnar talare cetʼ kạṭicʼ ar lạṭu reakʼ bape sirjạueda ar bạṛicʼ monsubạte bape bicạreda?

Jakob 3:15

Nonkan akel serma khon do baṅ pheḍ hijukʼa, bickom ona reakʼ jopoṛao do dhạrti reakʼ bạṛicʼ sana ar bạṛicʼ jiuko sãotege;

Jakob 4:8

Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor khạṭi dohoepe.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onate biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

1 Patras 2:1

Onate eṭakʼkoakʼ lokshantako reakʼ joto lekan monejoṅakʼ, sanam lekan phorphundi, eṛeteakʼ, hiskạ ar sanam lekan nisṛạu kathako apeakʼ ontor khon oḍok giḍikakʼpe.

1 Patras 2:18

Oṛakʼren guti ar kạ̃ṛmĩko, ape do aperen kisạ̃ṛko manotkope ar onko tabere tahenpe. Okoe kisạ̃ṛkoko bhagege arko dayakʼkokan eken onko taberepe tahen ona do baṅ, menkhan okoeko ajhaṭkokan onko tabere hõ tahenpe.

1 Johan 3:18

E gidrạko, abo do eken moca kathate dulạṛ baṅ udukʼkate kạmi hotete sạriakʼ reakʼ dulạṛ bon udugma.

1 Johan 3:3

Okoe Mạsire noa ase dohoe uni do apnare khạṭikʼ kana cetʼleka Mạsiye khạṭige.