Jakob 2:23 - Santali Common Language New Testament

²³ Nonkate sonot sostor reakʼ katha do purạulena, “Abraham do Isorakʼ kathae biswạsada ar onate Isor do dhorom menteye aṅgockedea.” Onate uni do Isorren dulạṛiạ menteye hoho ocolena.

সান্তালী বাইবেল

²³ Nonkate sonot sostor reakʼ katha do purạulena, “Abraham do Isorakʼ kathae biswạsada ar onate Isor do dhorom menteye ataṅkedea.” Onate uni do Isorren dulạṛiạ menteye hoho ocolena.

Jakob 2:23 Iomraidhean Croise

Mark 12:10

Ape do cetʼ sonot sostorre bape paṛhao akada? ‘Raj mistiriko okaṭakʼ dhiriko bad giḍi oṭoletʼ onage konac reakʼ asol dhiri hoyena;

Mark 15:27

Onko do Jisu sãote barea ḍạku hõko krusketʼkina, mitʼṭen do uniakʼ leṅga secʼre ar eṭagicʼ do uniakʼ jojomti secʼre.

Luk 4:21

Unre Jisui metatʼkoa, “Sonot sostor reakʼ katha teheńpe ańjomketʼ são sãote ona do purạuena.”

Aposkạmi 1:16

“E boehako, ḍher din lahare sonot Jiu do Dạud rajakʼ mocate Jihudạ reaṅ oka kathae roṛletʼ, sonot sostor reakʼ ona katha do purạukʼ reakʼ jạruṛ tahẽkana. Ar okoeko Jisuko sapʼlede, onko do uni Jihudạge hore udukʼatʼko tahẽkana.

Romiko lạgitʼ Pạul Apostolakʼ ciṭhi 11:2

Isor do acʼren okoeko hoṛ laha khongeye bachao akatʼko tahẽkan onko do bae dea giḍiletʼkoa. Se bape baḍaea, sonot sostorre Eliạ nạbi reakʼ cetʼe meneda mente? Uni do Isor ṭhen Israel birudreye roṛleda,

Romiko lạgitʼ Pạul Apostolakʼ ciṭhi 9:17

Sonot sostorre Isor do Pharao noa kathae metade tahẽkana, “Amiń raj akatʼmea jemon am hotete ińakʼ daṛeń udug ar goṭa dhạrtire jemon ińakʼ ńutum lại pasnaokʼ.”

Galathiko lạgitʼ Pạul Apostolakʼ ciṭhi 3:22

Menkhan sonot sostor do sanamkoge kại iạte dusi menteye ṭarhao akatʼkoa, jemon Jisu Mạsire pạtiạukʼko do akoakʼ ona biswạs hotete gokʼ akawatʼko reakʼ bhorko ńam daṛeakʼa.

Galathiko lạgitʼ Pạul Apostolakʼ ciṭhi 3:6

Abraham disạyepe. Sonot sostorre olakana, “Abraham do Isorakʼ kathareye pạtiạuena ar Isor do dhorom menteye ataṅkedea.”

2Timothi 3:16

Sonot sostor reakʼ mitʼke mitʼ katha do Isor ṭhen khon hecʼakana ar ona do cecetʼakʼre, udgạure, sudhrạukʼre ar dhoromre etokʼ lạgitʼ jạruṛgea,

Jakob 2:24

Enḍekhanpe ńeleda, eken biswạstege Isor do manwa dhorom menteye aṅgocea ona do baṅ, menkhan biswạs ar kạmi noa banar iạtege Isor do manwa dhorom menteye aṅgocedea.

1 Patras 2:6

Sonot sostorre ol menakʼa, Ńelpe, mitʼṭen damanakʼ dhiriń bachao doho akawana; ona do Sion reakʼ konac dhiri lekateń, bạisạu akada. Ar okoe unireye pạtiạukʼ uni do okalekate hõ bae lajao ocokʼa.