Jakob 1:27 - Santali Common Language New Testament

²⁷ Rạnḍi maejiu ar tũạr amarko dukokʼre hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼ kana Isorakʼ mẽtʼre sạri dhorom ar khạṭitetʼ.

সান্তালী বাইবেল

²⁷ Rạnḍi maejiu ar tũạr amarko dukokʼ jokhecʼ hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼkana Isorakʼ mẽtʼre sạri dhorom ar khạṭitetʼ.

Jakob 1:27 Iomraidhean Croise

Mathae 12:32

Manwa Hopon birudre jãhãege jãhãnakʼe roṛ ona do ikạkʼtaea, menkhan sonot Jiu birudre kathae roṛlekhan baṅ ikạkʼtaea, niạ jugre hõ baṅ ar darakan jugre hõ baṅ.

Mathae 5:8

Okoeakʼ ontor khạṭigetako onkogeko bhạgana, ente onko do Isorko ńelea.

Luk 1:6

Isor samaṅre unkin bana hoṛge dhorom kin tahẽkana. Ar Probhuakʼ sanam hukum ar niạmko ṭhik lekakin manaoetʼ tahẽkana.

Romiko lạgitʼ Pạul Apostolakʼ ciṭhi 12:2

Noa bạṛicʼ piṛhirenko leka do alope colona, bickom Isorge apeakʼ mon nawate tear ocowaepe ar purạte nawa arokʼpe, jemon Isorakʼ monejoṅakʼpe baḍae daṛeakʼ. Isorakʼ monejoṅakʼko do bhagegea, ar purạ khạṭigea ar onate Isor doe kusikʼkana.

Romiko lạgitʼ Pạul Apostolakʼ ciṭhi 2:13

Okoe eken ạn reakʼ kathako ańjometʼkan onko do Isor samaṅre dhorom doko baṅkana, menkhan ạn lekate calakʼkankoge Isor do dhorom menteye ataṅkoa.

Galathiko lạgitʼ Pạul Apostolakʼ ciṭhi 1:4

Aboren Isor Babawakʼ sanaleka Mạsi do aboakʼ kạiko iạte apnarakʼ jiwiye emkeda, jemon noa bạṛicʼ piṛhirenko khone rukhiyạ bon.

Galathiko lạgitʼ Pạul Apostolakʼ ciṭhi 3:11

Ona chaḍa noa hõ pusṭạugea je, ạn-ạri manaote Isor do okoe hõ dhorom mente bae ataṅkoa, ente sonot sostor reakʼ katha leka, “Okoe dhorom menteye ataṅ ocoakan uni do biswạs hotetege jione ńama.” Ente pạtiạu tulucʼ ạn-ạri reakʼ jãhãn jopoṛao do bạnukʼ anaṅ.

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsirenkan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

Galathiko lạgitʼ Pạul Apostolakʼ ciṭhi 6:14

Probhu Jisu Mạsiakʼ krus chaḍa ar cetʼte hõ jemon aloń sarhaokʼ. Noa krus hotetege dhạrti do iń ṭhen gocʼgea ar iń hõ dhạrti ṭheniń gocʼgea.

Ephesiko lạgitʼ Pạul Apostolakʼ ciṭhi 2:2

Dhạrti reakʼ cạli leka ape hõ pạhil do bebatao ar kạirepe dãṛãnkan tahẽkana. Ar okoe jiu do hoe reakʼ etkiạriren rajkan uni bạṛicʼ jiuge Isorren bebatao hoṛko talareye kạmikana, ar ape do uni jiugepe pańjayedekan tahẽkana.

1Timothi 1:5

Noa hukum reakʼ monsubạ do hoyokʼ kana dulạṛ udgạu ocoe. Noa dulạṛ do niphuṭ ontor, sapha bibek ar sạri biswạs khon hijukʼ kana.

1Timothi 5:4

Menkhan jãhãe rạnḍi maejiuren gidrạ se goṛom gidrạko tahen khan onko gidrạko se goṛom gidrạkoge pạhilte jemon apan apin gharońjre Isor bhoktiko udugma. Nonkate onko do eṅgat-apat se baba haṛamkoakʼ dulạṛ reakʼ rinko hala ruạṛ daṛeakʼa, ar noatege Isor doe kusikʼa.

Titus lạgitʼ Pạul Apostolakʼ ciṭhi 2:12

Noa dayage aboye cetʼabon kana jemon Isor bebhokti ar dhạrti reakʼ lalockobon baṅakʼte nahakʼ jugre apnar bon sambṛaokʼte Isor bhokti salakʼ dhorom jion bon khemao,

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

Jakob 3:9

Noa alaṅte aboren Probhu, metakʼme Isor Baba bon sarhaoede kana, arhõ noa alaṅte uniakʼ muṭhạnte benao akan hoṛ bon sarapako kana.

Jakob 4:4

E baṅ pạtiạukʼko, ape do cetʼ bape baḍaea, dhạrti tulucʼpe gatekʼ do Isorren bạiripe hoyokʼa mente? Onate jãhãe dhạrtiren gate hoyokʼe menjoṅkan khan uni do apnarte Isorren bạiriye hoyokʼkana.

2 Patras 1:4

Uni do acʼakʼ ṭhonok ar soros gunte abo ṭhen ạḍi damanakʼ ar maraṅakʼe gokʼakada. Noa reakʼ monsubạ do hoyokʼ kana, manwakoakʼ bạṛicʼ sana khạtirte dhạrtire okako bạṛicʼakʼ perecʼ akan ona khonpe ńir pharakokʼte Isorakʼ boge colonren bhạgiạdarpe hoyokʼ.

2 Patras 2:20

Aboren Probhu ar babańcaoicʼ Jisu Mạsi reaṅ baḍae khạtirte dhạrti reakʼ bạṛicʼakʼ khonko ńir pharakokʼkanre hõ onko do inạ bạṛicʼakʼregeko jhạlikʼkante arhõko bhagao ocokʼkana, ar onkoakʼ mucạtʼ dosa do pạhilakʼ khon artetʼ bạṛicʼ hoeakana.

2 Patras 3:14

E dulạṛiạ boehako, ape do ńitokʼ noako lạgitʼpe koyokʼ horetʼkante murukte kurumuṭuipe jemon uni do niphuṭ ar dhoromre sulukte tahẽakane hecʼńampe.

1 Johan 5:18

Baḍaeabon, Isor khon janamicʼ do kạire bae tahena. Ar okoe Isor khone janamakan unige uni doe rukhiạyea, ar Soetan do bae joṭetʼ daṛeaea.