Jakob 1:18 - Santali Common Language New Testament

¹⁸ Acʼakʼ nij sanate sạriakʼ katha hotete uni do acʼren gidrạkoe hoe ocoketʼbona, jemon uniakʼ sirjonre pạhil utạrakʼ jo bon hoyokʼ.

সান্তালী বাইবেল

¹⁸ Acʼakʼ nij sanate sạriyakʼ katha hotete uni do acʼren gidrạkoe hoyocoketʼ bona, jemon uniyakʼ sirjonre pạhil utạrakʼ jo bon hoydaṛeakʼ.

Jakob 1:18 Iomraidhean Croise

Johan 1:13

Noko hoṛkoakʼ janam do mãyãm khonakʼ do baṅ hoeakana, ar jel reakʼ sana se herel hoṛakʼ sana khon hõ baṅ, bickom Isor khonge hoeakana.

Romiko lạgitʼ Pạul Apostolakʼ ciṭhi 4:17

Sonot sostorre olakan leka, “Iń do ạḍi utạr jạtkoren babageń hoe ocoakatʼmea,” Ona lekate Isor samaṅre Abraham do abo sanamkoren baba kanae. Okoe gocʼkoe jiwetʼetʼko ar bạnukʼakʼko hõ menakʼakʼko lekae metakʼkan uni Isorrege Abraham doe pạtiạulena.

1 Korinthiko 4:15

Mạsi reaṅ cetʼape lạgitʼ aperen do gel hajar gurukoko tahẽ daṛeakʼa; menkhan aema baba do bạnukʼkotapea; ińge bhage sombat hotete Mạsiakʼ jionre aperen Babań hoeakana.

2 Korinthiko 6:7

sạri porcarte ar Isorakʼ daṛe hotete ale dole sạbutetʼkana je, sapʼ dapʼko kanale mente. Arhõ banar tite sạriakʼ reakʼ khanḍa bhanḍa sapʼkatele sạbudetʼ kana ale do Isorren sapʼ dapʼko kanale.

Ephesiko lạgitʼ Pạul Apostolakʼ ciṭhi 1:12

Okoe laha khon Mạsirele asakan, ale hotetege jemon Isorakʼ mạhima sodorokʼ ona lạgitʼge uni doe bachao akatʼlea.

Ephesiko lạgitʼ Pạul Apostolakʼ ciṭhi 1:13

Ar apekohõ sạriakʼtetʼ reakʼ kathako kanape, metakʼme kại khon bańcao reakʼ bhage sombatpe ańjomketʼte Mạsirepe pạtiạu akana. Ar Mạsi tulucʼpe kolom mitʼakante Isor do acʼren gokʼicʼ sonot Jiu hoteteye mohor chap akatʼpea.

2Timothi 2:15

Okoe cetanre Isor doe dhirpurge, metakʼme, okoeakʼ do lajaokʼ reakʼ jãhãn karonge bạnukʼ onkan kạmiyạ hoṛ lekate ar sạriakʼ reakʼ katha ṭhikteye beoharetʼkan onkan hoṛ leka apnartetʼ Isor samaṅre teṅgokʼ lạgitʼ kurumuṭuime.

Ibriko 12:23

pạhil janam hopon reakʼ ạidạriko ńamakatʼ hoṛ lekate okoekoakʼ ńutum sermare ol akan, onko hotete benaoakʼ manḍer ṭhenpe hecʼakana; okoe doe sanamkoren bicạricʼkan uni Isor ṭhenpe hecʼakana; ar okoekoko sạbit ocoakan onko sanam dhorom hoṛkoakʼ jiu ṭhenpe hecʼakana;

Jakob 1:15

Ona tayom bạṛicʼ sana purạulen khan kạiye janama, ar kại perecʼlen khan gujukʼe janam ocoea.

Jakob 1:21

Onate joto lekan bedhorom ar bạṛicʼakʼko ńit hõ apeakʼ jionre menakʼ khan ona do bạgiyakʼpe. Isorakʼ katha reakʼ itạ one oka do apeakʼ ontorre rohoe akan ona baṛe mạ̃hir salakʼ ataṅpe. Ar kại khon bańcaope reakʼ ektiạri do noa katharege menakʼa.

Jakob 3:14

Menkhan apeakʼ ontor do hiskạte haṛhatʼ ar dola duli menakʼ khan enḍekhan akel reakʼ do alope sarhaokʼa, ar sạriakʼ do alope ạuṛiaga.

1 Patras 1:23

Okaṭakʼ itạ nosṭokʼ, onkan itạ khon nãwãte do bape janamakana, bickom okaṭakʼ itạ tis hõ baṅ maraokʼ ona khongepe janamakana. Ar ona itạge hoyokʼ kana Isorakʼ jiwetʼ ar jaejug hạbicʼ tahẽkan katha do.

1 Patras 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Jisu Mạsi gocʼko khone jiwetʼ beretʼkedete Isor do acʼakʼ maraṅ dayate nawa janame dan akatʼbona. Ona iạte abo do mitʼṭen jiwetʼ as bon ńamakada,

1 Johan 3:9

Isor khon janamicʼ do kạire bae tahena, ente Isorakʼ gun do unire tahenkana. Isor khone janamakante uni do kạire bae jobe tahẽ daṛeakʼa.

Johan sodor 14:4

Noko do onko hoṛ kanako, one okoe do maejiuko tulucʼ bako laṭghaṭ akatʼte saphage menakʼko. Ar jãhã secʼge Bheḍa Hopone calakʼ onko hõ uni tayomteko calakʼa. Isor ar Bheḍa Hopon ṭhen pạhil jo lekate dãṛẽ lạgitʼ hoṛko mod khon onko doko kiriń akan tahẽkana.