Galathiko lạgitʼ Pạul Apostolakʼ ciṭhi 2:2 - Santali Common Language New Testament

² Isorakʼ monejoṅakʼ sodoren khan iń do onḍeń rakapʼ calaoena. Ar oka bhage sombat boṅgan hoṛ jạtrenko ṭheniń porcaretʼ tahẽkan onań lạiatʼkoa. Manḍerren manotan hoṛko do oko okote ona jotoń lạiatʼkoa, enteń botorokʼkan tahẽkana, hoedaṛeakʼa iń do ạuṛiakʼ iń khaṭao akana.

সান্তালী বাইবেল

² Isorakʼ monejoṅakʼ sodoren khan iń do onḍeń rakapʼ calaoena. Ar oka bhage sombat boṅgan hoṛ jạtrenko ṭheniń porcaretʼ tahẽkan onań lạiyatʼkoa. Manḍerren manotan hoṛko do oko okote ona jotoń lạiyatʼkoa, enteń botorokʼkan tahẽkana, hoedaṛeakʼa iń do ạuṛiyakʼ iń khaṭao akana.

Galathiko lạgitʼ Pạul Apostolakʼ ciṭhi 2:2 Iomraidhean Croise

Mathae 10:16

“Ńelpe, iń do hunḍạrko talare bhiḍiko lekań koletʼpea. Onate biń leka husiạrokʼpe ar parwa leka soṛa hoyokʼpe.

Aposkạmi 15:12

Unre bạisiren sanamko doko thir hapeyena ar Pạul ar Barnabas hotete boṅgan hoṛ jạtrenko talare Isor do okako hahaṛa kạmiye kạmi akatʼ ona unkinakʼ moca khon ańjomko ehopʼena.

Aposkạmi 15:2

Onate Pạul ar Barnabas sãote onko hoṛko doko apṭha ạpṭhiyena. Onko doko goṭakeda je, Pạul ar Barnabas do Antiokiạren thoṛa biswạsiko soṅgekate Jerusalemkin calakʼa ar apostolko ar manḍerren mukhiyạko tulucʼ noa reaṅko galmaraoa.

Aposkạmi 15:4

Pạul ar Barnabas Jerusalemtekin hecʼen khan manḍerren hoṛko, mukhiyạko ar apostolko do ạḍi rạskạ salakʼko ataṅ daramketʼkinạ. Ar unkin hotete Isor okakoe cekaletʼ tahẽkan ona sanamakʼkin lạiatʼkoa.

Aposkạmi 18:9

Mitʼ din ńindạ jokhecʼ Probhu do mitʼṭen dorson hotete Pạul noa kathae metadea, “Alom botorokʼa, katha roroṛtege tahenme, alom thir hapekokʼa;

Aposkạmi 23:11

Dosar hilokʼ ńindạ Probhu do Pạul ṭhen teṅgoyenteye metadea, “Dil joṅme, Jerusalemre cetʼleka iń reaṅ goham emakatʼ onkage Romre hõ ińakʼ goha emokʼ hoyokʼtama.”

Aposkạmi 5:34

menkhan Gamaliel ńutuman Phạrusi dolren mitʼṭen hoṛ do maraṅ bạisi talareye teṅgoyena. Uni do mitʼṭen sostor baḍae hoṛe tahẽkana ar sanamkoge uniko manotedekan tahẽkana. Uni do apostolko thoṛa ghạṛicʼ bahrere dohoko lạgitʼe hukumkeda.

Romiko lạgitʼ Pạul Apostolakʼ ciṭhi 9:16

Enḍekhan noa do okoeakʼ kurumuṭu se sana lekate hõ baṅ hoyokʼkana, eken Isorakʼ daya cetanrege ṭehãḍokʼ kana.

1 Korinthiko 1:23

menkhan ale do kruslen Mạsiakʼ kathale porcareda. Ona katha Jihudiko ṭhen do mitʼṭen tạkicʼakʼ kana ar boṅgan hoṛ jạtrenko ṭhen do lelhawakʼge,

1 Korinthiko 2:2

Ińiń goṭawan tahẽkana, ape ṭhen tahen jokhecʼ Jisu Mạsige metakʼme, kruslediyicʼ Jisu Mạsi baḍaeye chaḍa ar cetʼge bạń baḍaea.

1 Korinthiko 9:24

Ape do cetʼ bape baḍaea ńir enecʼre sanamkogeko seledokʼa, menkhan eken mitʼ hoṛge kuṛại doe ńama? Onate ape hõ nonka dạṛpe jemon kuṛạipe ńam daṛeakʼ.

1 Korinthiko 9:26

Onate ạuṛiakʼ do bạń dạṛeda. Okoe hoeye daletʼkan onka do bạń kuhạueda.

2 Korinthiko 12:1

Iń do arhõ thoṛań sarhaokʼ kana. Ente jãhãn lab bạnukʼtińre hõ okako dorson Probhui ńel ocoakadiń ar okako iń ṭhene sodorakatʼ ona reaṅ iń do ńitokʼiń lạiya.

Galathiko lạgitʼ Pạul Apostolakʼ ciṭhi 1:12

Jãhãe hoṛ ṭhen khon ona do bạń ńamakada se okoe hõ ona do bako cetʼ akawadińa, bickom Jisu Mạsi acʼtetʼge iń ṭhene sodorakada.

Galathiko lạgitʼ Pạul Apostolakʼ ciṭhi 1:16

Jemon boṅgan hoṛ jạtrenko ṭhen Mạsi reaṅ bhage sombatiń porcar, onate Isor do acʼakʼ monejoṅ leka acʼren Hopon iń ṭhene sodorkedere okoe tulucʼ hõ bạń solhawana.

Galathiko lạgitʼ Pạul Apostolakʼ ciṭhi 1:6

Mạsiakʼ dayate okoe do acʼren hoṛ hoyokʼ lạgitʼe hohowatʼpe tahẽkan, uni bạgikate usạra eṭakʼ lekan bhage sombat secʼpe ạwil akan ńelte iń doń hahaṛakʼ kana.

Galathiko lạgitʼ Pạul Apostolakʼ ciṭhi 2:6

Manḍerren manotanko bikạukʼkan hoṛko do bhage sombat reaṅ nawanakʼ cetʼge bako baḍae ocoakadińạ. Menkhan onko do jãhãekangeko onate ińakʼ do cetʼge baṅ cekakʼtińạ. Isor do hoṛakʼ mẽtʼãhã ńelte bae bicạra.

Galathiko lạgitʼ Pạul Apostolakʼ ciṭhi 2:9

Onko manotan hoṛ, metakʼme Jakob, Kephas ar Johan do noako ńelteko bujhạu daṛeatʼ tahẽkana, Isor ṭhen khon dayań ńamakada mente. Onko ar ạliń talare oka helmel menakʼ ona udug lạgitʼ onko do Barnabas ar iń tulucʼ jojomtiko milạukeda. Arko rạjiyena, ạliń do boṅgan hoṛ jạtrenko ṭhenliń calakʼa ar onko do Jihudiko ṭhenge.

Galathiko lạgitʼ Pạul Apostolakʼ ciṭhi 5:7

Ape ma besge coṅpe dạṛetʼ tahẽkan; enḍekhan sạriakʼre gobolokʼ lạgitʼ do okoeye tạkicʼketʼpea?

Philipiko lạgitʼ Pạul apostolakʼ ciṭhi 2:16

Ape do onko hoṛko jion reakʼ kathape neakokante noa dhạrtire ipil lekape jolokʼkana. Onate Mạsiakʼ dinreń sarhao daṛeakʼa je, ińakʼ kurumuṭu ar mehnot do baṅ ạuṛiakʼ akana.

Philipiko lạgitʼ Pạul apostolakʼ ciṭhi 2:29

Ona iạte Probhuren hoṛ lekate ạḍi rạskạ salakʼ ataṅ daramepe, ar nonkan hoṛ do manotkope.

1 Thessalonikikko 3:5

Onate iń do tinre bạń sahao daṛeada unre pạtiạu secʼte oka dosare menakʼpe ona baḍae lạgitʼge Timothiń kolledea. Iń doń botorokʼkan tahẽkana, hoedaṛeakʼa Soetan do laloce udukʼakatʼpea ar aleakʼ sanam mehnot do ạuṛiakʼ akantalea.

2Timothi 4:7

Bhage lạṛhại iń lạṛhại kana, iń lạgitʼ ṭhik akatʼ horre mucạtʼ hạbicʼ iń ńir calao akana ar Mạsiakʼ dhorom biswạsiń sapʼ dohoakada.

Ibriko 12:1

Enḍekhan ńelokʼ kana, Isorre biswạs reakʼ goha lekate aema hoṛ do abo beṛhaeteko ṭhạurạ akana. Onate dela bon, mitʼke mitʼ tạkicʼakʼ ar oka kại abore laṭkao akan ona do sạṅgiń secʼ bon ṭhelao giḍikakʼte sombhuri salakʼ laha secʼ bon ńir calakʼma.