Ephesiko lạgitʼ Pạul Apostolakʼ ciṭhi 5:2 - Santali Common Language New Testament

² Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

সান্তালী বাইবেল

² Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Ephesiko lạgitʼ Pạul Apostolakʼ ciṭhi 5:2 Iomraidhean Croise

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi uṭạr hoṛko bodolte chaḍao reakʼ dam menkate acʼakʼ jiwi emokʼgeye hecʼakana.”

Johan 13:34

Mitʼṭen nawa hukumiń emape kana dupulạṛpe. Cetʼleka iń do apeń dulạṛakatʼpe onkage ape hõ dupulạṛpe.

Johan 6:51

Ińge ona jiwetʼ reakʼ piṭhạ oka do serma khon pheḍ hecʼakan. Ar okoe noa piṭhại jom uni do jaejug hạbicʼ jione ńama. Ińakʼ hoṛmoge ona piṭhạ do. Manwa jemon jionko ńam ona lạgitʼ iń do ińakʼ hoṛmoń emokʼa.”

Romiko lạgitʼ Pạul Apostolakʼ ciṭhi 15:16

Sonot Jiu hotete okoe Jihudikoko bachao doho ocoakan, onko do Isor ṭhen jemon samaṅokʼakʼko hoedaṛeakʼ ona iạte uniakʼ bhage sombat lại pasnaore naeke kạmiyiń kạmi kana.

Romiko lạgitʼ Pạul Apostolakʼ ciṭhi 4:25

Aboakʼ kạiko iạte Jisu do gujukʼ tireye soprotʼlena ar dhorom mente ataṅ bon lạgitʼ uni do gocʼko khone jiwetʼ beretʼ ocoyena.

Romiko lạgitʼ Pạul Apostolakʼ ciṭhi 8:3

Manwawakʼ kại gunạkʼte ạnko do nijor akan tahẽkana, ona iạte ạn oka bae daṛeakʼkan tahẽkan, Isor ona do acʼgeye onka akada. Uni do kại meṭao lạgitʼ acʼren bin-dusạn Hopon manwa muṭhạn emkateye kolkedea ar acʼren Hoponakʼ gujukʼ hotete kại reakʼe bicạrketʼte ona reakʼ daṛeye ocokʼkeda.

Romiko lạgitʼ Pạul Apostolakʼ ciṭhi 8:37

Menkhan okoe apeye dulạṛetʼpe uni hotete noa sanamakʼ talate hõ abo do purạute bon jitạu akana.

1 Korinthiko 16:14

Ar jãhãnakʼgepe cekae ona do dulạṛte onkaepe.

1 Korinthiko 5:7

jemon nawa bin khạmianakʼ sipiyakʼ holoṅpe hoedaṛeakʼ; ar ape do bin khạmianko kangeape, ente aboakʼ sen-parom porobren dãṛẽ doe teṅgenena metakʼme Mạsige.

2 Korinthiko 2:14

Isoriń sarhaoede kana, Mạsi tulucʼ bon mitʼ akante ar Isor do acʼakʼ jitạuakʼre jaogeye ạyuretʼbon kana. Mạsi baḍaeye do mitʼṭen mahkaokʼ kan so leka. Isor do acʼakʼ jitạuwakʼre ona jut so ale hotete sanam jaegareye mahkao ocoyeda.

2 Korinthiko 2:15

Bańcaokʼkanko ar nosṭokʼkanko ṭhen ale do Isor secʼ khon sạrige Mạsiren jut so kanale.

2 Korinthiko 8:9

Ape do aboren Probhu Jisu Mạsiakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniakʼ reṅgejokʼ hotete apepe kisạ̃ṛ daṛeakʼ.

Galathiko lạgitʼ Pạul Apostolakʼ ciṭhi 1:4

Aboren Isor Babawakʼ sanaleka Mạsi do aboakʼ kạiko iạte apnarakʼ jiwiye emkeda, jemon noa bạṛicʼ piṛhirenko khone rukhiyạ bon.

Galathiko lạgitʼ Pạul Apostolakʼ ciṭhi 2:20

Iń do Mạsi tulucʼ iń krus ocoakana. Onate jiwetʼ do bạnuńa, menkhan Mạsige ińre jiwetʼ menaea. Ar okaṭakʼ hoṛmote jioniń khemaokan ona do Isorren Hoponre pạtiạu hotetegeń khemaoeda. Uni do ińe dulạṛkedeńte acʼ apnartetʼe emena.

Ephesiko lạgitʼ Pạul Apostolakʼ ciṭhi 1:4

Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana je, Jisu Mạsi hotete acʼren hoponko lekateye ataṅ bona.

Ephesiko lạgitʼ Pạul Apostolakʼ ciṭhi 3:17

ar biswạs hotete Mạsi do apeakʼ monre purạte girobas akane tahen. Iń do arhoń koeyeda jemon Mạsiakʼ dulạṛre rehetʼ ar bạisạu akanpe tahen,

Ephesiko lạgitʼ Pạul Apostolakʼ ciṭhi 3:19

Mạsiakʼ dulạṛ do budte oho baḍaelena; enhõ iń doń koejoṅ kana jemon ona dulạṛpe bujhạu daṛeakʼ, ar Isorakʼ goṭa perecʼakʼtepe perejokʼ.

Ephesiko lạgitʼ Pạul Apostolakʼ ciṭhi 4:15

Bickom dulạṛ monte Mạsi reaṅ sạri kathako bon roṛma ar sanamakʼre hara burukʼte Mạsi leka bon hoyokʼma. Uni kangeae hoṛmo reakʼ matha do.

Ephesiko lạgitʼ Pạul Apostolakʼ ciṭhi 4:2

Apeakʼ colon do jemon purạte nindhạn ar mạ̃hir hoyokʼ. Sombhuripe ar dulạṛ monte mimitʼko tulucʼ sapahaokʼpe.

Ephesiko lạgitʼ Pạul Apostolakʼ ciṭhi 5:15

Ape cetʼlekape calakʼkan ona reaṅ mońjte hudiskate ńelpe. Bebuj hoṛko leka baṅ calaokate akelanko leka calakʼpe.

Ephesiko lạgitʼ Pạul Apostolakʼ ciṭhi 5:25

E jãwãeko, Mạsi cetʼ leka manḍere dulạṛletʼ ar ona lạgitʼ apnare emen ṭhik onkage ape hõ aperen bạhuko dulạṛkope.

Philipiko lạgitʼ Pạul apostolakʼ ciṭhi 4:18

Ińakʼ jotogeń ńam caba akada. Ar ińakʼ oka jạruṛ ona khon hõ bạ̃ṛti menakʼtińạ. Ephaphroditus tite apeakʼ daniń ńamketʼte ińakʼ do ḍher hoeakantińạ. Noa danko do mońj so reakʼ mahkaokʼ ar samaṅoakʼge,

Kolossiko lạgitʼ Pạul Apostolakʼ ciṭhi 3:14

Ar onako sanamakʼ cetanre dulạṛte sajaokʼpe. Ente dulạṛge sạbit utạrokʼ reakʼ tonol kana.

1 Thessalonikikko 4:9

Boeha dulạṛ reaṅ olape do jãhãn jạruṛ bạnukʼa, ente Isorge ape mimitʼko dupulạṛokʼe cetʼ akatʼpea.

1Timothi 2:6

Uni do sanam manwako chaḍaoko reakʼ dam lekate acʼakʼ jiwigeye emena. Isore ṭhik dohoakatʼ oktere ona reaṅ goha do em akana,

1Timothi 4:12

Amakʼ koṛa umer do okoe hõ aloko neṅghaotam ma. Menkhan pạtiạuko lạgitʼ nạmuna hoyokʼme, amakʼ kathare, amakʼ cạl-colonre, amakʼ dulạṛre, amakʼ biswạsre ar sonotre.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạte saphakote eken acʼrengeko hoyokʼte eṭakʼko bhạlại lạgitʼko ahkaokʼ.

Ibriko 8:3

Mimitʼ maraṅ naekeko do janwar dãṛẽ ar eṭakʼ eṭakʼ jinisko samaṅ lạgitʼko bahal ocokʼkana, onate nui maraṅ naekeakʼ hõ jãhãn dãṛẽ samaṅ reakʼ jạruṛ menakʼtaea.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

Ibriko 9:23

Okaṭakʼ do serma reakʼakʼko reakʼ nokolakʼkan onako do janwar dãṛẽ hotete saphakʼ reakʼ jạruṛ tahẽkana menkhan okaṭakʼ do asolrege serma reakʼakʼko kan onako saphakʼ lạgitʼ do arhõ maraṅ dãṛẽ jạruṛa.

Ibriko 9:26

Ar onkage hoyokʼ hoelentae khan enḍekhan dhạrti sirjạu khon ehopʼkate ạḍi dhaoge duk jomkate gujukʼ hoekokʼtaea; menkhan ńitokʼ sanam jugko reakʼ mucạtʼre uni do mitʼ dhaogeye sodorena jemon apnartetʼe dãṛẽkʼte kạikoe ocokʼ giḍikakʼ.

1 Patras 4:8

Sanam khon maraṅ katha do hoyokʼ kana, ape apere khạndri dupulạṛ tahentape ma, ente dupulạṛ do ạḍi utạr kạiye dapala.

1 Johan 3:16

Mạsi do abon lạgitʼ acʼakʼ jiwiye emena, onate dulạṛ do cetʼkana mente bon baḍae oromakada. Enḍekhan boeha lạgitʼ apnar jiwi emokʼ aboakʼ hõ lek kan tabona.

1 Johan 3:23

Uniakʼ hukum do naoge, jemon uniren Hopon Jisu Mạsire bon pạtiạukʼ ar abo abore bon dupulạṛ. Ar noa hukumge uni doe emoṭoakatʼ bona.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼlena, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Johan sodor 5:9

Onko do noa nawa sereńko sereńetʼkan tahẽkana: “Amge ona puthi hataokate mohor chapako raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsiko, disạmrenko ar jạtko mod khon Isor lạgitʼ hoṛkom kiriń akatʼkoa.