Ephesiko lạgitʼ Pạul Apostolakʼ ciṭhi 4:13 - Santali Common Language New Testament

¹³ Noa reakʼ monsubạ do hoyokʼ kana, sanamkoge jemon Isorren Hoponre bon pạtiạukʼte mońjtebon baḍaeye ar mitʼakae bon hoyokʼ; ar Mạsi cetʼleka sanamakʼteye perecʼge, onkage jemon abo hõ sanamakʼte bon perejokʼma. Unre gidrạ leka do ar babon tahena.

সান্তালী বাইবেল

¹³ Noa reakʼ monsubạ do hoyokʼ kana, sanamkoge jemon Isorren Hoponre bon pạtiạukʼte mońjtebon baḍae daṛeae ar mitʼakae bon hoyokʼ; ar Mạsi cetʼleka sanamakʼteye perecʼge, onkage jemon abo hõ sanamakʼte bon perejokʼ. Unre gidrạ leka do ar babon tahena.

Ephesiko lạgitʼ Pạul Apostolakʼ ciṭhi 4:13 Iomraidhean Croise

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍaeyedea, Hopon okoe ṭhen Baba sodoreye menjoṅkan unige uni doe baḍaeyea.

Johan 1:16

Abo jotokoge uniakʼ ona perecʼakʼ khon daya cetan daya bon ńam akada.

Johan 16:3

Onko do noa iạtegeko onkaea ente Baba hõ bako baḍaeakadea ar iń hõ bako baḍae akadińạ.

Johan 17:21

E Baba cetʼleka ińre jopoṛao menam ar ińhõ amre minạń onkage onko hõ jemon alaṅ soṅge jopoṛaoko tahen. Onate dhạrtiren hoṛkoko pạtiạukʼa je, amgem kolakadińạ.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Johan 6:69

Alele biswạs akana arle baḍae akada, am do Isorren uni sonoticʼ kanam.”

Aposkạmi 4:32

Mạsire pạtiạu akan sanamkoge mon ar jiwite mitʼko tahẽkana. Onko do okaṭakʼge apnarakʼ kana mente bako dạbiyetʼkan tahẽkana, bickom sanamakʼge apan ạpin jạruṛakokan lekako beoharetʼ tahẽkana.

1 Korinthiko 1:10

E boehako, aboren Probhu Jisu Mạsi ńutumteń nehõrape kana, sanamkoge mitʼakan tahenpe, ape talare jãhãn dola duli alo tahen ma, bickom ape do mitʼmon ar mitʼakan tahenpe.

1 Korinthiko 14:20

E boehako, bujre gidrạko leka do alope hoyokʼa. Ar bạṛicʼakʼre apeakʼ mon do bale gidrạko leka hoyokʼtape ma, menkhan bujre do sẽṛã hoṛ lekankoge hoyokʼpe.

1 Korinthiko 2:6

Okoe Mạsiakʼ Jionreko hara sạbitʼ akan onko ṭhen do akel reakʼ kathagele roṛeda; menkhan ona akel do noa dhạrti reakʼ baṅkana, se noa jugren mukhiyạkoakʼ hõ baṅkana one okoe doko parom calakʼko kan;

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniakʼ mạhima bujhạu lạgitʼ marsal sodorokʼ. Ar noa mạhimage Mạsiakʼ mẽtʼãhãre menakʼa.

Galathiko lạgitʼ Pạul Apostolakʼ ciṭhi 4:19

E ińren gidrạko, Mạsi apere ạuriye muṭhạnokʼ hạbicʼ ape iạte arhõ bedonteń sasetokʼ kana.

Ephesiko lạgitʼ Pạul Apostolakʼ ciṭhi 1:17

Ar koejoṅ jokhecʼ apeakʼ katha do bạń hiṛińeda. Iń doń koejoṅ kana jemon aboren Probhu Jisu Mạsiren Isor, metakʼme uni ṭhonokren Baba do jiu reakʼ akel ar bujhạu lạgitʼ daṛeye danape, jemon uni do arhõ bạ̃ṛtipe baḍae daṛeae.

Ephesiko lạgitʼ Pạul Apostolakʼ ciṭhi 1:23

Noa manḍer do Mạsiakʼ hoṛmo kana. Ar okoe sanam secʼ khon jotowakʼe perecʼetʼkan uni Mạsiakʼ perecʼtetʼge hoyokʼ kana noa manḍer do.

Ephesiko lạgitʼ Pạul Apostolakʼ ciṭhi 4:12

Uni do nokoye bahalketʼkoa jemon Isorren sanam hoṛko uniakʼ sapʼdapʼ lạgitʼko sapṛaokʼ ar nonkate Mạsiakʼ hoṛmo do benao rakabokʼa.

Ephesiko lạgitʼ Pạul Apostolakʼ ciṭhi 4:3

Ar okaṭakʼ suluke mitʼ ocoakatʼ bon ona suluk hotete sonot Jiu reakʼ midokʼ dohoe lạgitʼ kurumuṭuipe.

Ephesiko lạgitʼ Pạul Apostolakʼ ciṭhi 4:5

mitʼṭen Probhuge menaea, mitʼ patiạuge menakʼa, ar mitʼ bạptismage menakʼa,

Philipiko lạgitʼ Pạul apostolakʼ ciṭhi 3:10

Iń do Mạsi baḍaeye sanań kana ar oka daṛe hotete gocʼko khone jiwetʼ beretʼ ocolen ona hõ baḍae sanań kana. Iń do uniakʼ duk sasetre bhạgiạdar hoyokʼ sanayediń kana. Ar oka monsubạteye gocʼlen iń hõ onkan monsubạge ńańam sanayediń kana.

Philipiko lạgitʼ Pạul apostolakʼ ciṭhi 3:8

Sạrige okoe lạgitʼ noako lokshaniń bujhạu akatʼ uni ińren Probhu Jisu Mạsi baḍaeyere oka asambheṛ bhor menakʼ, uni ńutumte jotowakʼge lokshan menteń hudiseda. Mạsi jemoniń lab daṛeae ar Mạsire jemoniń ńel ńamokʼ, onate onako do mạilạ lekań bujhạueda.

Kolossiko lạgitʼ Pạul Apostolakʼ ciṭhi 1:28

Ale do uni Mạsi reaṅle porcareda, metakʼme Isorakʼ asambheṛ akel salakʼ mimitʼ hoṛle sontoretʼkoa arle cetʼako kana, jemon Mạsi hotetele purun daṛeako.

Kolossiko lạgitʼ Pạul Apostolakʼ ciṭhi 2:2

Ińakʼ monejoṅakʼ do noage jemon onko do ontorre udgạuko ńamte dulạṛreko tol midokʼ, ar Mạsi reaṅko bujhạute oka khạṭitetʼ ńamokʼ ona reaṅ purạ khạṭitetʼ jemon asambheṛko lab joṅ. Ar ona khạtirte Isorakʼ sạri okoakʼko, metakʼme Mạsiko baḍae orom daṛeaea.

Ibriko 5:14

Okoekoakʼ umer hoeakan eken onkoge keṭecʼ jomakʼko jom daṛeakʼa, metakʼme Isorakʼ katha reakʼ keṭecʼ sikhnạtko bujhạu daṛeakʼa. Ar ạḍi dhao hewakʼte onko do bhage bạṛicʼko bichnạu daṛeakʼa.

2 Patras 1:4

Uni do acʼakʼ ṭhonok ar soros gunte abo ṭhen ạḍi damanakʼ ar maraṅakʼe gokʼakada. Noa reakʼ monsubạ do hoyokʼ kana, manwakoakʼ bạṛicʼ sana khạtirte dhạrtire okako bạṛicʼakʼ perecʼ akan ona khonpe ńir pharakokʼte Isorakʼ boge colonren bhạgiạdarpe hoyokʼ.

2 Patras 3:18

Ape do aboren Probhu ar babańcaoicʼ Jisu Mạsiakʼ daya ar uni reaṅ akelte hara rakabokʼpe. Ńit ar jaejug hạbicʼ uniakʼge ṭhonok hoyokʼtae ma. Amen.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼ bona jemon sạri Isor bon baḍae orom daṛeae. Okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.