Ephesiko lạgitʼ Pạul Apostolakʼ ciṭhi 3:9 - Santali Common Language New Testament

⁹ Ona chaḍa uniakʼ okoakʼ monsubạ okalekate kạmire lagao hoyokʼa ona sodor reakʼ dạyik hõ ińe emakawạdińa. Sanamakʼren sisirjạuicʼ Isor do nunạkʼ din hạbicʼ acʼakʼ ona monsubại oko dohoakatʼ tahẽkana.

সান্তালী বাইবেল

⁹ Ona chaḍa uniyakʼ danaṅakʼ okalekate kạmire lagao hoyokʼa ona sodor reakʼ dạyik hõ ińreye emakada. Sanamakʼren sisirjạuicʼ Isor do nunạkʼ din hạbicʼ acʼakʼ ona monsubại oko dohoakatʼ tahẽkana.

Ephesiko lạgitʼ Pạul Apostolakʼ ciṭhi 3:9 Iomraidhean Croise

Mathae 10:27

Okaṭakʼ ńutreń lại apekan, ona do marsalre roṛpe. Ar luturte okaṭakʼpe ańjometʼkan ona do sạṛim cetan khon porcarpe.

Mathae 13:35

Noa do hoyena nạbi hotete roṛlenakʼ katha jemon purạukʼ: Iń do ińakʼ mocate phenkoń lạia; dhạrti etohopʼ khon okako oko tahẽkan, onań lại sodora.

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Mathae 28:19

Onate sanam jạtren hoṛko ṭhen calakʼpe ar ińren celakope. Ar Baba, Hopon, Sonot Jiu ńutumte bạptiskope.

Luk 24:47

Arhõ ol menakʼa, Jerusalem khon ehopʼkate sanam jạtko ṭhen kại ikạkʼ lạgitʼ mon ạcur porcarokʼa.

Johan 10:30

“Iń ar Baba doliń mitʼgea.”

Johan 5:17

Unre uni do onko mukhiyạkoe metatʼkoa, “Ińren Baba do jao ghuṛiye kạmi kana ar iń hoń onkayeda.”

Johan 5:19

Onate Jisu do onko mukhiyạkoe metatʼkoa, “Sạrigeń metapekana, Hopon do acʼte cetʼge bae ceka daṛeakʼa. Baba okaṭakʼ kạmikane ńelekan eken onageye daṛeakʼa, ente Baba okae cekae Hopon hõ onageye onkayeda.

Aposkạmi 15:18

Ar ḍher din laha khon noa do uniakʼ monre tahẽkana.”

Romiko lạgitʼ Pạul Apostolakʼ ciṭhi 11:25

E boehako, apnarte jemon budanko alope monejoṅ onate iń do mitʼṭen sạri okowakʼ baḍae ocopeń menjoṅ kana. Ona sạriakʼ do noage, boṅgan hoṛ jạtrenkoakʼ lekha ạuri purạukʼ hạbicʼ ḍher bhag Israelkoakʼ ontor do keṭecʼge tahena.

1 Korinthiko 2:7

menkhan ale do Isorakʼ akelte perecʼ akan okoakʼ kathakole roṛeda, one oka do dhạrti ạuri sirjạu khon Isore niṭ dohoakatʼ tahẽkan jemon uniakʼ ṭhonok reakʼ bhạgiạdar bon hoedaṛeakʼ.

Ephesiko lạgitʼ Pạul Apostolakʼ ciṭhi 1:4

Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana je, Jisu Mạsi hotete acʼren hoponko lekateye ataṅ bona.

Ephesiko lạgitʼ Pạul Apostolakʼ ciṭhi 3:2

Ape do khạṭigepe ańjomakada, Isor do acʼakʼ daya reakʼ bondobos baḍae ocope reakʼ bhar ińreye emakada mente.

Ephesiko lạgitʼ Pạul Apostolakʼ ciṭhi 6:19

Iń lạgitʼ hõ koejoṅpe jemon kathań roṛre Isor do nonkan pạrsiye emạń jemon dil salakʼ uniakʼ bhage sombat reakʼ sạri okoakʼkoń porcar daṛeakʼ.

Kolossiko lạgitʼ Pạul Apostolakʼ ciṭhi 1:23

Onate Mạsi reaṅ bhage sombat khon oka sạri aspe ńamakatʼ ona khon alo pharakokʼte pạtiạure teṅgo ṭarhao akae tahenpe. Ona bhage sombat do goṭa dhạrtire lại jạhir akana ar ape do onape ańjom akada. Ar iń Pạul do noa bhage sombatren porcaricʼ iń hoeakana.

Kolossiko lạgitʼ Pạul Apostolakʼ ciṭhi 1:26

Isorakʼ kathare okaṭakʼ sạri okoakʼ sedaeren hoṛko ṭhen jug jug khon okoge tahẽkan, ńitokʼ acʼren hoṛko ṭhen ona do sodor akana.

Kolossiko lạgitʼ Pạul Apostolakʼ ciṭhi 3:3

Ente ape dope gocʼena ar apeakʼ jion do Mạsi tulucʼ Isorre oko menakʼa.

Kolossiko lạgitʼ Pạul Apostolakʼ ciṭhi 4:3

Ona sãote ale lạgitʼ hõ koejoṅpe jemon Mạsi reaṅ sạri okoakʼ reakʼ katha porcar lạgitʼ Isor do ạte emabon. Ar ona sạri okoakʼ lạgitʼge iń doń bondi ocoakana.

2 Thessalonikiko 2:13

Probhure dulạṛiạ boehako, ape ńutumte jaoge Isor gun manao joharae lek kantalea, ente kại khon bańcao ńam lạgitʼ Isor do pạhil khongeye bachao doho akatʼpea. Sonot Jiu hotete Isor lạgitʼe begar doho akatʼpete ar bhage sombat reakʼ sạriakʼre apeakʼ biswạs hotete kại khon bańcaope ńamakada.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

2Timothi 1:9

Isorge aboakʼ kại khone bańcao akatʼ bona ar sonot jion khemao lạgitʼe hohoakatʼbona. Aboakʼ jãhãn kạmiko lạgitʼ do baṅ, bickom uniakʼ monsubạ ar daya lạgitʼgeye kạmi akada. Dhạrti sirjạu laha khonge Mạsi Jisu hotete uni do acʼakʼ daya dane emakatʼ bona,

2Timothi 4:17

Menkhan Probhu do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Titus lạgitʼ Pạul Apostolakʼ ciṭhi 1:2

Iń do jaejug jion ńam reakʼ aste Mạsiń sewawae kana. Dhạrti ạuri sirjạure bin eṛeyicʼ Isor do noa jion imạń reakʼe gokʼ akawạdińa.

1 Patras 1:20

Dhạrti ạuri sirjạurege Isor do noa lạgitʼe ṭhik doho akade tahẽkana, menkhan niạ mucạtʼ oktere uni do ape lạgitʼgeye sodorena.

Johan sodor 13:8

Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.

Johan sodor 14:6

Ona tayom iń do arhõ mitʼṭen serma goḍet coṭ sermare uḍạukʼkaniń ńelkedea. Dhạrtiren tahenkan hoṛko ṭhen metakʼme mimitʼ jạtren, bõsren, pạrsiren, ar disạmren hoṛko ṭhen porcar lạgitʼ uni ṭhen jaejug hạbicʼ reakʼ bhage sombat tahẽkana.

Johan sodor 17:8

Ar okoe janwarem ńellede uni do lahateye tahẽkana, menkhan ńitokʼ do bạnuya. Tayomte ona athan kunḍ khon rakapʼ hecʼkate uni do jaejug hạbicʼ sạjạiye joma. Unre okoe doko noa dhạrtirenkan, metakʼme dhạrti sirjạu jokhecʼ khon okoekoakʼ ńutum do jion reakʼ puthire ol bạnukʼtako onko do uni janwar ńelteko hahaṛakʼa; ente janwar do pạhile tahẽkana, ńitokʼ do bạnuya, menkhan arhõe ńel ocokʼa.

Johan sodor 4:11

“E aleren Probhu ar Isor, amge man ar ṭhonok ar daṛe ńam lek kanam, ente jotowakʼgem sirjạu akada; ar amakʼ monelekage onako do sirjạu akana ar ṭikạu menakʼa.”