Ephesiko lạgitʼ Pạul Apostolakʼ ciṭhi 2:8 - Santali Common Language New Testament

⁸ Ente dayatepe bańcao akana biswạste. Ar ona do ape khonakʼ do baṅ, ona do Isorakʼ dan kana.

সান্তালী বাইবেল

⁸ Ente dayatepe bańcao akana biswạste. Ar ona do ape khonakʼ do baṅ, ona do Isorakʼ dan kana.

Ephesiko lạgitʼ Pạul Apostolakʼ ciṭhi 2:8 Iomraidhean Croise

Mathae 16:17

Jisui roṛ ruạṛadea, “Jona hopon Simon, am dom bhạgangea, ente okoe manwa hõ am ṭhen noa do bae sodorakada; menkhan ińren sermaren Babageye sodor akatʼmea.

Mathae 20:9

“Khan huḍiń dakʼ lo ber oktere okoe do kạmiko dhurạu ocolen onko do hecʼkate mimitʼ Dinarkateko idikeda.

Mark 16:16

Ar jãhãegeye pạtiạukʼ are bạptis ocokʼ unige kại khon bańcaoe ńama; menkhan okoe bae pạtiạukʼ uni do sạjạiyokʼ lạgitʼe bicạr ocokʼa.

Luk 7:50

Jisu do uni maejiue metadea, “Pạtiạu akantem, kại khon bańcaoem ńamkeda. Ma sulukte calao joṅme.”

Johan 3:36

Hoponre pạtiạukʼicʼ do jaejug jion menakʼtaea, menkhan Hopon reakʼ bebataoicʼ do jion ohoe ńamlea, bickom Isorakʼ edre uni cetanre paṛaokʼa.

Johan 4:10

Jisu do uni maejiue roṛ ruạṛadea, “Isorakʼ danem baḍaele khan ar okoe am ṭhen dakʼe kokoe kana enḍekhan amge honaṅ uni ṭhen dakʼem koekea ar uni do jiwetʼ dakʼe emkema.”

Johan 5:24

“Sạrigeń metapekana, Ińakʼ katha okoeye ańjom ar kol akadińicʼreye pạtiạukʼ uni do jaejug jion menakʼtaea. Uni do dusi mente bae lekhakʼa, ente uni do moron khon jionteye parom akana.

Johan 6:35

Jisui metatʼkoa, “Ińge ona jion reakʼ piṭhạ do. Okoe iń ṭhene hijukʼ uni do tis hõ baṅ reṅgejea. Ar okoe ińreye pạtiạukʼkan uni do tisge baṅ tetaṅea.

Johan 6:37

Baba okoekoe emawạń onko jotoge iń ṭhenko hijukʼa. Okoe iń ṭhene hijukʼ uni do oka lekate hõ ohoń oḍok giḍilea,

Johan 6:40

Ińren Babawakʼ sana do nõkʼõe jemon Hoponko beṅgetʼae ar unire pạtiạukʼ mitʼke mitʼko do jaejug jion tahentako. Ińge onko do mucạtʼ dinreń jiwetʼ beretʼkoa.”

Johan 6:44

Ińren Baba, one okoeye kolakadiń uni bae orle khan okoe hõ iń ṭhen ohoe hecʼ daṛelena. Ar ińge mucạtʼ dinre uniń jiwetʼ beredea.

Johan 6:65

Ona iạteye menkeda, “Onateń metapekana, Ạpuń daṛe bae emape khan okoe hõ iń ṭhen do ohope hecʼ daṛelena.”

Aposkạmi 13:39

Ape do Moseakʼ ạn-ạri hotete kại reakʼ sạjại khon bape rukhiyạu akana, menkhan jãhãege Jisureye pạtiạukʼ, uni do kại reakʼ sạjại khon bańcaoe ńama.

Aposkạmi 14:27

Ado Antiokiạtekin seṭeren khan unkin do manḍerren sanamko mitʼ ṭhenkin jarwaketʼkoa ar Isor ạkin hotete okakoe kạmiketʼ ona sanamakʼ kin lạiatʼkoa. Ar cetʼlekate Isor do boṅgan hoṛ jạtrenko Mạsire biswạs reakʼ duạre jhicʼ akawatʼko ona reakʼ hõkin lạiatʼkoa.

Aposkạmi 15:11

Alele pạtiạukʼ kana je, Probhu Jisuakʼ dayate pạtiạu akan boṅgan hoṛ jạtrenko do cetʼleka kại khon bańcaoko ńamakatʼ, onkage abon hõ bańcao bon ńamakada.”

Aposkạmi 16:14

Ar okoekoko ańjometʼkan tahẽkan onko modre Thuạtirạ nagraharen Ludiạ ńutuman mitʼṭen maejiue tahẽkana. Uni do beguni roṅ reakʼ kicricʼe kiriń ạkrińetʼ tahẽkana. Ar Jihudi bae tahẽkanre hõ uni do Isore sewawaekan tahẽkana. Probhu do Ludiạwakʼ ontor nonkae jhicʼketʼtaea jemon uni do Pạulakʼ katha monteye ańjom are pạtiạukʼ.

Aposkạmi 16:31

Adokin metadea, “Am ar amakʼ gharońjrenko Probhu Jisure pạtiạukʼpe, enḍekhan kại khon bańcaope ńama.”

Romiko lạgitʼ Pạul Apostolakʼ ciṭhi 10:14

Menkhan okoere bako biswạs akan uni do cekateko hohoaea? Okoe reaṅ bako ańjomakatʼ unire cekateko pạtiạukʼa? Ar poporcaricʼ bae tahen khan onko do cekateko ańjoma?

Romiko lạgitʼ Pạul Apostolakʼ ciṭhi 10:17

Enḍekhan ńelokʼkana, Isorakʼ katha ańjom iạtege biswạs do hijukʼkana, ar Mạsi reaṅ do porcar talate ańjomokʼ kana.

Romiko lạgitʼ Pạul Apostolakʼ ciṭhi 4:16

Onate manwakoakʼ biswạste noa gokʼakʼ do purạu akana, jemon noa do Isorakʼ daya reakʼ dan hoyokʼ. Onate Abraham bõsrenko lạgitʼ noa gokʼakʼ do khạṭige purạukʼa. Noa gokʼakʼ do eken ạn-tạriren hoṛko lạgitʼ purạukʼa ona do baṅ, menkhan okoeko hoṛ do Abraham leka inạ mitʼ pạtiạureko pạtiạu akan onko lạgitʼ hõ noa gokʼakʼ do khạṭige purạukʼa.

Romiko lạgitʼ Pạul Apostolakʼ ciṭhi 4:5

Menkhan okoe acʼakʼ kạmire bhorsa baṅkate eken Isorreye pạtiạukʼkan, Isor do uniakʼ biswạs iạte dhorom menteye lekhayea, ente unige kại hoṛ do dhorom menteye lekha daṛeaea.

Romiko lạgitʼ Pạul Apostolakʼ ciṭhi 9:16

Enḍekhan noa do okoeakʼ kurumuṭu se sana lekate hõ baṅ hoyokʼkana, eken Isorakʼ daya cetanrege ṭehãḍokʼ kana.

Galathiko lạgitʼ Pạul Apostolakʼ ciṭhi 3:14

Isor do Abraham oka bhore emade tahẽkan ona bhorge Jisu Mạsi hotete boṅgan hoṛ jạtrenko hõko ńam daṛeakʼa, ar abo hõ jemon biswạs hotete gokʼ akawatʼbon sonot Jiubon ńam daṛeae, onate Mạsi do ona sarap acʼreye ladeana.

Galathiko lạgitʼ Pạul Apostolakʼ ciṭhi 3:22

Menkhan sonot sostor do sanamkoge kại iạte dusi menteye ṭarhao akatʼkoa, jemon Jisu Mạsire pạtiạukʼko do akoakʼ ona biswạs hotete gokʼ akawatʼko reakʼ bhorko ńam daṛeakʼa.

Ephesiko lạgitʼ Pạul Apostolakʼ ciṭhi 2:10

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nawateye sirjạuketʼbona jemon bhageakʼko bon kạmi. Uni do noa bhage kạmi laha khongeye ṭhik doho akatʼ tahẽkana, jemon ona kạmikote jion bon khemao.

Ephesiko lạgitʼ Pạul Apostolakʼ ciṭhi 2:5

Ar bebatao iạte tinre gocʼge bon tahẽkana unre Mạsi sãote uni doe jiwetʼketʼ bona. Isorakʼ dayate ape do kại khon bańcaope ńamakada.

Philipiko lạgitʼ Pạul apostolakʼ ciṭhi 1:29

Ape do eken Mạsirepe biswạs akante dayape ńam akada ona do baṅ, menkhan ona lạgitʼ duk jojom reakʼ daya hõpe emocoakana.

Kolossiko lạgitʼ Pạul Apostolakʼ ciṭhi 2:12

Bạptisma hotete Mạsi tulucʼpe topa ocoakana; ona do baṅ, menkhan okoe gocʼko khon Mạsiye jiwetʼ beretʼkede uni Isorakʼ daṛere pạtiạu hotete ape hõ Mạsi tulucʼpe jiwetʼ ocoakana.

2 Thessalonikiko 1:9

Probhu tinreye hijukʼa unre nonkae sạjạikoa one onate onko do uniakʼ hạjirokʼ ar maraṅ daṛe khon bahrereko ńurokʼte jaejug hạbicʼko marao utạrokʼa. Ona dinre acʼren hoṛko hotete acʼakʼ ṭhonok sodorokʼa ar okoeko pạtiạu akan onko sanamko hotete uniakʼ man hoyokʼtaea. Ape hõ onko pạtiạu akanko modrenko kanape, ente ape do aleakʼ goharepe pạtiạu akana.

Ibriko 6:4

ente mitʼ dhao marsal ńelakat̕ko do, serma dan reakʼ sebel ar sonot Jiuakʼ elaṅko ńamakada,

1 Patras 1:5

Ar purạ puri bańcao ạuripe ńam hạbicʼ Isorakʼ daṛete biswạs hotete ape dope horho jaṅge ocoakana. Ar mucạtʼ oktere sodorokʼ lạgitʼ ona bańcaokʼ reakʼ do tear dohoakana.