Ephesiko lạgitʼ Pạul Apostolakʼ ciṭhi 2:10 - Santali Common Language New Testament

¹⁰ Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nawateye sirjạuketʼbona jemon bhageakʼko bon kạmi. Uni do noa bhage kạmi laha khongeye ṭhik doho akatʼ tahẽkana, jemon ona kạmikote jion bon khemao.

সান্তালী বাইবেল

¹⁰ Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.

Ephesiko lạgitʼ Pạul Apostolakʼ ciṭhi 2:10 Iomraidhean Croise

Mathae 5:16

Onkage apeakʼ marsal do hoṛko samaṅre jolokʼtapema, jemon apeakʼ bhage kạmi ńelte aperen sermaren Babako sarhaoe.

Johan 3:21

Menkhan okoe sạri horteye calakʼkan uni do marsal ṭhene hijukʼ kana jemon uniakʼ kạmiko Isorakʼ sanaleka hoeakana mente sodorokʼtae.”

Aposkạmi 9:31

Ona oktere Jihudạ, Gạlil ar Samariạ disạm reakʼ manḍerkore suluk tahẽkana, ar ona manḍerko benao rakabokʼkan tahẽkana. Onate Probhu botoraete ar sonot Jiu reakʼ uskurte onko doko saṅge idikʼkan tahẽkana.

Aposkạmi 9:36

Joppa nagrahare Tabitha ńutuman mitʼṭen maejiu celae tahẽkana. Junạni pạrsite noa ńutum reakʼ mane do Dorkas (se Posta). Uni do jaoge eṭakʼkoe bhạlạiyetʼko tahẽkana, ar reṅgecʼ orecʼko hõe goṛoakokan tahẽkana.

Romiko lạgitʼ Pạul Apostolakʼ ciṭhi 8:1

Okoe Jisu Mạsireko kolom mitʼakan Isor do onko sạjạyokʼ lek mente bae hudiskoa.

Romiko lạgitʼ Pạul Apostolakʼ ciṭhi 8:29

Isor do okoeko lahareye bachao akatʼko onko do acʼren hopon hoyokʼ lạgitʼ laha khongeye ṭhik doho akatʼko tahẽkana, jemon uni Hopon do ạḍi utạr boehako modre maraṅicʼe hoyokʼ.

1 Korinthiko 3:9

ente ale do Isor tulucʼle kạmikana. Ar ape do Isorakʼ goḍa kanape, Isorakʼ benao akan oṛakʼge.

2 Korinthiko 5:17

Jãhãege Mạsi tulucʼe mitʼakan khan enḍekhan uni do nawateye sirjạukʼ kana. Ar mareakʼ sanamakʼko meṭao cabakʼkante jotowakʼ do nawa arokʼ kana.

2 Korinthiko 5:5

Ar noa lạgitʼge Isor doe sirjạu akatʼbona ar acʼakʼ pạhil hĩs lekate uni do acʼren sonot Jiu baena lekateye emakatʼbona.

2 Korinthiko 9:8

Isor do joto secʼte dayawape reakʼ daṛe menakʼtaea, jemon apeakʼ oka jạruṛ ona do jaoge tahentape; ar onate jemon joto lekan bhage kạmi lạgitʼ khulạsatepe dan daṛeakʼ.

Galathiko lạgitʼ Pạul Apostolakʼ ciṭhi 6:15

Khatna ar bin khatna do cetʼ hõ baṅkana, menkhan maraṅ katha do hoyokʼ kana Mạsi hotete nawa sirjonge.

Ephesiko lạgitʼ Pạul Apostolakʼ ciṭhi 1:1

Iń Pạul do Isorakʼ sanate Mạsi Jisuren mitʼṭen apostoliń hoeakana. Ephesus nagrahare okoe doko Isorren hoṛkan ar okoe do Jisu Mạsireko pạtiạu akan onko ṭhen noa ciṭhiń oletʼkana.

Ephesiko lạgitʼ Pạul Apostolakʼ ciṭhi 1:4

Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana je, Jisu Mạsi hotete acʼren hoponko lekateye ataṅ bona.

Ephesiko lạgitʼ Pạul Apostolakʼ ciṭhi 2:13

Mitʼ jokhecʼ ape do sạṅgińrepe tahẽkana, menkhan Mạsi Jisurepe kolom mitʼakante ńitokʼ do uniakʼ mãyãm ṭhenpe ạgu ocoakana.

Ephesiko lạgitʼ Pạul Apostolakʼ ciṭhi 2:2

Dhạrti reakʼ cạli leka ape hõ pạhil do bebatao ar kạirepe dãṛãnkan tahẽkana. Ar okoe jiu do hoe reakʼ etkiạriren rajkan uni bạṛicʼ jiuge Isorren bebatao hoṛko talareye kạmikana, ar ape do uni jiugepe pańjayedekan tahẽkana.

Ephesiko lạgitʼ Pạul Apostolakʼ ciṭhi 2:6

Abo do Jisu Mạsire bon kolom mitʼ akante Isor do Mạsi tulucʼe jiwetʼketʼbona ar Mạsi sãotege sermareye duṛupʼ akatʼbona.

Ephesiko lạgitʼ Pạul Apostolakʼ ciṭhi 4:1

Onate Probhure kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

Ephesiko lạgitʼ Pạul Apostolakʼ ciṭhi 4:24

ar Isore emakan “Nawa hoṛtet’” do nawa kicricʼ leka horokʼjoṅpe, one uni do Isor leka sạriakʼtetʼ reakʼ dhorom ar sonotreye sirjạu akan.

Philipiko lạgitʼ Pạul apostolakʼ ciṭhi 1:6

Noa pạtiạu menakʼtińạ, apeakʼ ontorre okoe bhage kạmiye ehopʼakatʼ uni do Mạsi Jisuakʼ hijukʼ din hạbicʼ onae calao iditeye mucạda.

Philipiko lạgitʼ Pạul apostolakʼ ciṭhi 2:13

Isor do apeakʼ monre nonkae kạmikana one onate uniye kusikʼ onkan kạmi reakʼ monsubạ ar daṛe hecʼape.

Kolossiko lạgitʼ Pạul Apostolakʼ ciṭhi 1:10

Onate boge kạmikote bhage jope jokʼte Isor do arhõ jemon mońjtepe baḍae daṛeae; ar nonkate jotowakʼre Probhupe kusi ocoyete unire lek lekape colon.

2 Thessalonikiko 2:17

Unigeye dulạṛketʼ bona are dayawatʼbonte asambheṛ udgạu ar purạ rạskạ reakʼ ase dan akatʼ bona.

1Timothi 2:10

Ona bodol bhage kạmikoteko sajaokʼma. Okoe maejiu apnar do Isor bhokti kanako menteko monejoṅkan onko maejiu lạgitʼ do onka hoyokʼge lek kana.

1Timothi 5:10

Ona chaḍa bhage kạmire uniakʼ ńutum do tahen hoyokʼtaea. Ona bhage kạmiko modre gidrạ ạsul harako, bidesiạko peṛa sãohãko, sonot hoṛkoakʼ jaṅga ạbuktako, dukokʼko sohotʼko ar sanam lekan bhage kạmire uni do lạgiạ paṛao akae jemone tahen.

1Timothi 5:25

Onkaleka bhage kạmiko do pusṭạute sodorgea; ar okako eṭakʼ lekateakʼ kan, onako hõ danaṅ do baṅ tahena.

1Timothi 6:18

Kisạ̃ṛko hukumakome onko do eṭakʼ hoṛ jemonko bhạlạiko, ar bhage kạmikoreko kisạ̃ṛokʼ, ar em hạṭińko ar mãyã monanko hoyokʼ.

2Timothi 2:21

Okoe do noako nicạṛ kạmiyakʼ bhajan leka kanko, onko khon pharakokʼte jãhãe apnare saphakʼ enḍekhan uni do nonkanakʼ bhajan lekae hoyokʼa okaṭakʼ do manot lạgitʼ beoharokʼkan. Sonot lạgitʼge uni doe bachao doho ocokʼa, uni do Probhuakʼ kạmireye lagaokʼa ar sanam lekan bhage kạmi lạgitʼ tear akane tahena.

2Timothi 3:17

jemon Isorren hoṛ purạte lek leka hoekate bhage kạmi lạgitʼ sajakanicʼe hoedaṛeakʼ.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạte saphakote eken acʼrengeko hoyokʼte eṭakʼko bhạlại lạgitʼko ahkaokʼ.

Titus lạgitʼ Pạul Apostolakʼ ciṭhi 2:7

Sanamakʼrege am do onko ṭhen bhage kạmi reakʼ nạmuna hoyokʼme. Amakʼ cecetʼakʼre bạṛicʼ monsubạ ar baṅ moneakʼ mon jemon alo tahen.

Titus lạgitʼ Pạul Apostolakʼ ciṭhi 3:1

Isorren hoṛko disạ ocokom jemon onko do mạliki ar ektiạri menakʼtako hoṛ gobolreko tahente, onkoakʼ hukumko batao ar hoṛkoakʼ sanam lekan bhage kạmi lạgitʼ sapṛao akanko tahen.

Titus lạgitʼ Pạul Apostolakʼ ciṭhi 3:14

Eṭakʼko bhạlạiko reakʼ kạmire lạgiạ paṛao akae tahen lạgitʼ aboren hoṛko cetʼako hoyokʼa, jemon onko do eṭakʼkoakʼ reṅgejokʼreko goṛo daṛeako. Arko nonka lekhan onko do jionreko jo bahakʼa.

Titus lạgitʼ Pạul Apostolakʼ ciṭhi 3:8

Noa do sạri katha kangea. Ińakʼ monejoṅakʼ do noage, am do noako babotre jor emakʼme, jemon Isorre okoeko biswạs akan onko do eṭakʼko bhạlạiko reakʼ kạmire lạgiạ paṛao akanko tahen. Noako do bhagegea ar hoṛko lạgitʼ porhoanakʼ kana.

Ibriko 10:24

Dela, mimitʼko reaṅ bon dạndikʼma jemon dulạṛ ar bhage kạmi lạgitʼ mimitʼko uskur bon emako.

Ibriko 13:21

Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.

1 Patras 2:12

ente onako do aperen Jiu birudreye lạṛhại kana. Okoe Isor bako baḍae akade onko talare ape do dhoromte colonpe jemon bedhoromko menteko dusạulepere hõ apeakʼ bhage kạmi ńelte ar bicạr dinre apeakʼ ona kạmiko iạte Isorko sarhaoe.

1 Johan 1:7

Menkhan Isor do cetʼleka marsalre menae ar onkage abo hõ marsalre bon taṛametʼkan khan enḍekhan abo talare helmel menakʼtabona ar uniren Hopon Jisuakʼ mãyãm do sanam kại khone sapha bona.

1 Johan 2:6

Noa hotetege bon baḍae daṛeakʼa, abo do uni tulucʼ jopoṛao menakʼ bona mente.