Ephesiko lạgitʼ Pạul Apostolakʼ ciṭhi 1:3 - Santali Common Language New Testament

³ Aboren Probhu Jisu Mạsiren Baba ar Isorakʼ sarhao hoyokʼtae ma. Abo do Mạsi tulucʼ bon kolom mitʼ akante Isor do serma reakʼ mitʼke mitʼ jiuanakʼ bhore dan akatʼbona.

সান্তালী বাইবেল

³ Aboren Probhu Jisu Mạsiren Baba ar Isorakʼ sarhao hoyokʼtae ma. Abo do Mạsi tulucʼ bon kolom mitʼ akante Isor do serma reakʼ mitʼke mitʼ jiuanakʼ bhore dan akatʼbona.

Ephesiko lạgitʼ Pạul Apostolakʼ ciṭhi 1:3 Iomraidhean Croise

Luk 2:28

Unre Simon do uniye hoborkedea ar Isor gunmanao joharaeteye menkeda.

Johan 14:20

Enhilokʼgepe baḍae daṛeakʼa, iń do Babare, ape do ińre ar iń do apere minạńa mente.

Johan 17:21

E Baba cetʼleka ińre jopoṛao menam ar ińhõ amre minạń onkage onko hõ jemon alaṅ soṅge jopoṛaoko tahen. Onate dhạrtiren hoṛkoko pạtiạukʼa je, amgem kolakadińạ.

Johan 20:17

Jisui menkeda, “Alom hạṛubińạ, ente ńit hõ sermaren Baba ṭhen ạuriń calakʼa. Am do senkate boehako lạiakome, okoe doe iń ar aperen Babakan ar okoe doe iń ar aperen Isorkan, iń do uni ṭheniń rakapʼ calakʼkana.”

Romiko lạgitʼ Pạul Apostolakʼ ciṭhi 12:5

ṭhik onkage abo do lekhare bon ḍhergere hõ Mạsire bon mitʼ akante mitʼ hoṛmoge bon hoeakana. Ar abo mimitʼko do eṭakʼkoakʼ hoṛmo hạṭińko kana bon.

Romiko lạgitʼ Pạul Apostolakʼ ciṭhi 15:6

Enḍekhan ape do mitʼ monte ar mitʼ aṛaṅte aboren Probhu Jisu Mạsiren Isor Babape sarhao daṛeae.

1 Korinthiko 1:30

Jisu Mạsi tulucʼpe mitʼakan ona do Isor khonge hoeakana. Jisu Mạsige abo lạgitʼ Isor ṭhen khone emakan akel do; unige aboren dhoromicʼ, sonoticʼ ar chaḍaoicʼ.

1 Korinthiko 12:12

Mitʼṭen hoṛmore cetʼleka aema hạṭińko tahen ar ona hạṭińko ḍhergere hõ cetʼleka mitʼṭen hoṛmoge hoyokʼ, Mạsi hõ ṭhik onkage.

2 Korinthiko 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Uni kangeae mãyãwan Baba do; ar sanam jiwi raṛecʼren Isor hõ.

2 Korinthiko 11:31

Isor, Probhu Jisu Mạsiren Baba, okoe do jaejug hạbicʼ ṭhonok ńam lek kane, uniye baḍaea iń do eṛe bạń roṛeda.

2 Korinthiko 5:17

Jãhãege Mạsi tulucʼe mitʼakan khan enḍekhan uni do nawateye sirjạukʼ kana. Ar mareakʼ sanamakʼko meṭao cabakʼkante jotowakʼ do nawa arokʼ kana.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoe ocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Galathiko lạgitʼ Pạul Apostolakʼ ciṭhi 3:9

Onkate ńelokʼ kana, Abraham do Isorreye pạtiạuente cetʼleka bhore ńamletʼ onkage uni tayom khon okoe do Isorreko pạtiạukʼkan onko hõ inạ bhorgeko ńameda.

Ephesiko lạgitʼ Pạul Apostolakʼ ciṭhi 1:10

Uni doe niṭ akatʼ tahẽkana je, okte purạulen khan ona monsubạ purạu lạgitʼ serma ar dhạrti reakʼ jotowakʼ mitʼkate Mạsiakʼ ḍanṭao gobolreye ạguya.

Ephesiko lạgitʼ Pạul Apostolakʼ ciṭhi 1:17

Ar koejoṅ jokhecʼ apeakʼ katha do bạń hiṛińeda. Iń doń koejoṅ kana jemon aboren Probhu Jisu Mạsiren Isor, metakʼme uni ṭhonokren Baba do jiu reakʼ akel ar bujhạu lạgitʼ daṛeye danape, jemon uni do arhõ bạ̃ṛtipe baḍae daṛeae.

Ephesiko lạgitʼ Pạul Apostolakʼ ciṭhi 1:20

one okoe hotete uni do gocʼko khon Mạsiye jiwetʼ beretʼkede ar sermare acʼakʼ jojomsa aṛereye duṛupʼ akade.

Ephesiko lạgitʼ Pạul Apostolakʼ ciṭhi 2:6

Abo do Jisu Mạsire bon kolom mitʼ akante Isor do Mạsi tulucʼe jiwetʼketʼbona ar Mạsi sãotege sermareye duṛupʼ akatʼbona.

Ephesiko lạgitʼ Pạul Apostolakʼ ciṭhi 3:10

Uni doe onkaleda jemon Mạsiakʼ manḍer hotete sermaren sanam cakʼlaoko ar ektiạrianko ṭhen aema lekate sodor akan Isorakʼ akel ńitokʼ sodorokʼ.

Ephesiko lạgitʼ Pạul Apostolakʼ ciṭhi 6:12

Aboakʼ noa lạṛhại do jãhãe manwa birudre do baṅkana, bickom ona do ńut rajosṭi reakʼ joto lekan cakʼlaoko ar ektiạrianko birudre, ńut dhạrtiren daṛean jiuko birudre, ar coṭren joto bạṛicʼ jiuko birudre.

Philipiko lạgitʼ Pạul apostolakʼ ciṭhi 2:11

ar mitʼke mitʼ alaṅko aṅgocma je, Isor Babawakʼ ṭhonok lạgitʼ Jisu Mạsigeye Probhu kanae mente.

Ibriko 8:5

Naeke lekate onkoakʼ noa kạmi do serma kạmi reakʼ mitʼṭen nạmuna ar umul leka. Onate Mose tinre sewa tạmbui benao lạgidokʼkan tahẽkana unre Isor do noa menteye sontorledea, “Sinại buru coṭre okaṭakʼ nạmunań udukʼatʼme tahẽkan ṭhik onkage jemon jotowakʼkom benao.”

Ibriko 9:23

Okaṭakʼ do serma reakʼakʼko reakʼ nokolakʼkan onako do janwar dãṛẽ hotete saphakʼ reakʼ jạruṛ tahẽkana menkhan okaṭakʼ do asolrege serma reakʼakʼko kan onako saphakʼ lạgitʼ do arhõ maraṅ dãṛẽ jạruṛa.

1 Patras 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Jisu Mạsi gocʼko khone jiwetʼ beretʼkedete Isor do acʼakʼ maraṅ dayate nawa janame dan akatʼbona. Ona iạte abo do mitʼṭen jiwetʼ as bon ńamakada,