Aposkạmi 3:1 - Santali Common Language New Testament

¹ Mitʼ din Patras ar Johan do tarasiń okte reakʼ koejoṅre mundiltekin rakapʼ calakʼkan tahẽkana.

সান্তালী বাইবেল

¹ Mitʼ din Patras ar Johan do tarasiń okte reakʼ koejoṅre mundiltekin rakapʼ calakʼkan tahẽkana.

Aposkạmi 3:1 Iomraidhean Croise

Mathae 17:1

Ado niạ turui din tayom Jisu do eken Patras, Jakob ar uniren boeha Johan soṅgekate mitʼṭecʼ usul buruteye rakapʼ calaoena.

Mathae 26:37

Noa menkate uni do Patras ar Sabdaeren banar hopon soṅge toraketʼkinteye calaoena. Ar bhabnate uniakʼ mon do dhak dhakaokʼ ehopʼentaea.

Mathae 27:45

Enhilokʼ tikin gelbar baja khon pe baja hạbicʼ goṭa disạm do ńutge tahẽyena.

Luk 1:10

Ar uni dhupe jered oktere bahrere do ạḍi utạr hoṛko koejoṅkan tahẽkana.

Luk 18:10

“Barea hoṛ do koejoṅ lạgitʼ mundiltekin rakapʼ calaoena. Unkin modre mitʼ hoṛ do Phạrusi ar eṭagicʼ do mạsul-uṭhạuicʼe tahẽkana.

Luk 24:53

Ar jaoge mundilre hecʼkate Isorko sarhaoedekan tahẽkana.

Johan 21:7

Ado Jisu okoeṭakʼ celae dulạṛedekan tahẽkan uni do Patrase metadea, “Uni doe Probhu kana.” Unre Simon Patras do koṭogeye tahẽkana. Onate “Probhu kanae” menteye baḍaeketʼ khan aṅgropte paṭheyente doreão dakʼreye don khadleyena.

Aposkạmi 10:3

Mitʼ din pe baja okte uni do mitʼṭen dorsone ńelkeda. Uni do pusṭạuteye ńelkeda Isorren mitʼṭen goḍet do hecʼkateye metaekana, “E Kornelius.”

Aposkạmi 10:30

Unre Korneliuse menkeda, “Pon din lahare ṭhik niạ jokhecʼ pe baja okte iń do ińakʼ oṛakʼreń koejoṅkan tahẽkana. Unre ackage pĩṛĩtʼ pĩṛĩtʼ ponḍ kicricʼ horokʼ akatʼ mitʼṭen hoṛ iń samaṅre hecʼenteye metadińạ,

Aposkạmi 2:46

Onko do din hilokʼ mundilreko jarwakʼkan tahẽkana ar oṛakʼ oṛakʼ piṭhạ kecag tulucʼ rạskạ salakʼ soṛa monte mitʼteko jom ńũiyetʼ tahẽkana.

Aposkạmi 3:3

Uni do Patras ar Johan mundilte bolokʼkane ńelketʼkin khan unkin ṭhene koekeda.

Aposkạmi 3:4

Unre Patras ar Johan do unikin beṅgetʼ uricʼadea. Ona tayom Patrase menkeda, “Ạliń secʼ beṅgedme.”

Aposkạmi 4:13

Ado Patras ar Johanakʼ dil ńelte ar bin bidiyạwan ar ne hoṛkanakin menteko baḍaeketʼ khan onko mukhiyạko doko hahaṛayena, ar noa hõko bujhạukeda je unkin hõ Jisu sãotekin tahẽkana.

Aposkạmi 5:25

Unre mitʼṭen hoṛ do hecʼkateye menkeda, “Ńelpe, okoe hoṛko hajotrepe bhoraoletʼko onko do mundilre teṅgokate hoṛkoko cetʼako kana.”

Aposkạmi 8:14

Ado Jerusalemren apostolko do tinreko ańjomkeda Samariạren hoṛko Isorakʼ kathako ataṅakada unre Patras ar Johan onko ṭhenko kolkatʼkinạ.

Galathiko lạgitʼ Pạul Apostolakʼ ciṭhi 2:9

Onko manotan hoṛ, metakʼme Jakob, Kephas ar Johan do noako ńelteko bujhạu daṛeatʼ tahẽkana, Isor ṭhen khon dayań ńamakada mente. Onko ar ạliń talare oka helmel menakʼ ona udug lạgitʼ onko do Barnabas ar iń tulucʼ jojomtiko milạukeda. Arko rạjiyena, ạliń do boṅgan hoṛ jạtrenko ṭhenliń calakʼa ar onko do Jihudiko ṭhenge.