Aposkạmi 26:9 - Santali Common Language New Testament

⁹ “Iń do apnargeń pạtiạukʼkan tahẽkana, Nasaretren Jisu birudre okań daṛeakʼ ona jotoge kạmi lek tińạ mente,

সান্তালী বাইবেল

⁹ “Iń do apnargeń pạtiạukʼkan tahẽkana, Nasaretren Jisu upạrte okań daṛeakʼ ona jotoge kạmi lek tińạ mente,

Aposkạmi 26:9 Iomraidhean Croise

Johan 15:21

Onko do iń iạteko onkapea, ente iń okoeye kolakadiń uni do bako baḍaeyedekana.

Aposkạmi 21:13

Unre Pạule menkeda, “Rakʼ rakʼte monre cedakʼ dukpe imạń kana? Probhu Jisu lạgitʼ iń do Jerusalemre eken bondi ocokʼ do baṅ, bickom gocʼ ocokʼ hõń sapṛaogea.”

Aposkạmi 22:3

“Iń doń Jihudi hoṛ kana. Kilikiạ reakʼ Tạrsus nagrahareń janamlena, menkhan noa nagraharegeń hara akana. Gamalielakʼ jaṅga pheḍre duṛupʼkate aboren hapṛamkoakʼ ạn-ạriko mońjteń cetʼakada. Isor reaṅ teheń ape cetʼ lekape gagojokʼkan onkage iń hõń gagojokʼkan tahẽkana.

Aposkạmi 22:4

Jisuakʼ horte okoeko calakʼkan tahẽkan onko doń santaoetʼko tahẽkana ariń gocʼetʼko tahẽkana ar herel ar maejiuko sapʼ ạgukate hajotreń bhoraoetʼko tahẽkana.

Aposkạmi 22:8

‘‘Iń doń kulikedea, ‘Probhu am dom okoe kana?’ Uni doe roṛ ruạṛkeda, ‘iń do Nasaretren Jisu kạnạń, one okoeyem khedeńkan.’

Aposkạmi 24:5

“Alele ńṭoṭhadea nui hoṛ do mitʼṭen jhamelayicʼ kanae; uni do jao okte gulmale ehopʼeda. Uni do goṭa dhạrtiren Jihudiko talare gulmale ehopʼakada. Uni do Nasario dolren mitʼṭen ạyuricʼ kanae.

Aposkạmi 3:17

“E boehako, ńitokʼ ińiń baḍaea aperen murubiko leka ape hõ begor bujhạutege Jisupe krusledea.

Aposkạmi 3:6

Unre Patrase menkeda, “Sona ar rupạ do bạnukʼtińạ, menkhan okaṭakʼ menakʼtiń onageń emamkana. Nasaretren Jisu Mạsiakʼ ńutumte beretʼme ar taṛamme.”

Aposkạmi 9:1

Ar Sạul do unhõ Probhuren celako gocʼko reakʼ botore udukʼakokan tahẽkana. Uni do Damesek nagraha reakʼ sunạgogkore jimạko lạgitʼ maraṅ naeke ṭhen senkate ciṭhiye koekeda. Ar tinạkʼ hoṛ Jisuakʼ horteko calakʼkan tahẽkan, baṅ do herel hoponko, baṅ do maejiuko, onko sanamko ńamlekore jemon tolkate Jerusalemteye ạgu daṛeako ona reakʼ ektiạri ńam lạgitʼge uni do ona ciṭhiye khojleda.

Aposkạmi 9:16

Ar iń iạte tinạkʼ duk jojom hoyokʼtaea onań udukʼaea.”

Romiko lạgitʼ Pạul Apostolakʼ ciṭhi 10:2

Onko reaṅ do noa gohań emokʼ kana je, onko do Isor lạgitʼ ahkaokʼ mon menakʼgetakoa, menkhan Isor ṭhen cetʼ lekateko ataṅ ocokʼa ona do bako baḍaea.

Philipiko lạgitʼ Pạul apostolakʼ ciṭhi 3:6

dhorom secʼte nonkan bạṛicʼ hoṛiń tahẽkana je, Mạsiakʼ manḍerrenkoń khedetʼkokan tahẽkana; ar Isor samaṅre dhoromicʼ hoyokʼ reakʼ aste Moseakʼ ạn-ạriko manaore okoe hõ bako dusiledińa.

1Timothi 1:13

Lahate Mạsiyiń opomane kan ar khekhedicʼ ar ṭhok hoṛiń tahẽkanre hõ uni do noa kạmireye bahalkedińa. Uni do ińe daya akawạdińa, ente bepạtiạukʼ ar bin baḍae iạte iń do onakoń kạmikan tahẽkana.