Aposkạmi 26:10 - Santali Common Language New Testament

¹⁰ ar ṭhik onkage Jerusalemre hõń kạmiletʼgea. Maraṅ naekeko ṭhen khon ektiạri ńamkate Mạsire pạtiạukʼkan ḍherkoge hajotreń bhoraoletʼkoa ar onko gocʼ ocokore hõ rạjigeń tahẽkana.

সান্তালী বাইবেল

¹⁰ ar ṭhik onkage Jerusalemre hõń kạmiletʼgea. Maraṅ naekeko ṭhen khon ektiạri ńamkate Mạsire pạtiạukʼkan ḍherkoge hajotreń bhoraoletʼkoa ar onko gocʼ ocokore hõ rạjigeń tahẽkana.

Aposkạmi 26:10 Iomraidhean Croise

Aposkạmi 7:58

Onko do dhirite tińe lạgitʼ nagraha bahreteko or oḍokkedea, ar gohako do akoakʼ kicricʼ totʼkate Sạul ńutuman mitʼṭen juạn hoṛakʼ jaṅga ṭhenko dohokeda.

Aposkạmi 8:1

Ar onḍe Sạul hõ uni gocʼ ocokʼre rạjigeye tahẽkana. Enhilokʼ Jerusalem manḍerren hoṛko upạrte maraṅ okocʼ khed ehopʼena. Onate apostolko chaḍa sanam biswạsiko do Jihudạ ar Samariạ disạm reakʼ ṭoṭhakoreko chir chạturena.

Aposkạmi 8:3

Menkhan Sạul do onako manḍer marao lạgitʼ oṛakʼ oṛakʼ bolokate manḍerren herel ar maejiuko or totʼkate hajotre bhoraokoe ehopʼena.

Aposkạmi 9:21

Ar okoe uniakʼ kathako ańjomketʼ onko sanamkoge hahaṛakʼ tulucʼko kulikan tahẽkana, “Nui do cetʼ uni doe baṅkana, one Jerusalemre Jisu ńutumte koejoṅkoe khedetʼko tahẽkan? Ar nonḍehõ okoeko onkayetʼkan onko tolkate maraṅ naekeko ṭhen idiko lạgitʼge cetʼ bae hecʼakana?”

Aposkạmi 9:26

Sạul do Jerusalem hecʼkate celako sãote gatekʼe kurumuṭukeda, menkhan onko do uniko botoraekan tahẽkana. Onko do bako pạtiạu daṛeakʼkan tahẽkana, Sạul do sạrige mitʼṭen celae hoeakana mente.

Aposkạmi 9:32

Patras do goṭa ṭạnḍi ạcur ạcurte Luddareko berelakan tahẽkan Isorren hoṛko ṭhene hecʼena.

Aposkạmi 9:41

Unre Patras do ti sapʼkate uniye beretʼkedea. Ar Isorren hoṛko ar rạnḍi maejiuko hohoatʼkote onkoe udukʼatʼkoa je, Dorkas doe jiwetʼena.

1 Korinthiko 15:9

Ente apostolko modre ińge sanamko khoniń nicạṛgea, ar apostol ńumugokʼ lek hõń baṅkana, ente Isorakʼ manḍerren koń khedletʼkoa.

Galathiko lạgitʼ Pạul Apostolakʼ ciṭhi 1:13

Jihudi dhoromreń tahẽkanre cetʼ lekan jioniń khemaoetʼ tahẽkan ona dope ańjomakatʼgea. Ar noa hõpe ańjomakada, Isorakʼ manḍerrenko tinạkʼ bebạṛicʼ iń khedetʼkokan tahẽkana ar maraoko lạgitʼ iń kurumuṭuyetʼ tahẽkana mente.

Ephesiko lạgitʼ Pạul Apostolakʼ ciṭhi 1:1

Iń Pạul do Isorakʼ sanate Mạsi Jisuren mitʼṭen apostoliń hoeakana. Ephesus nagrahare okoe doko Isorren hoṛkan ar okoe do Jisu Mạsireko pạtiạu akan onko ṭhen noa ciṭhiń oletʼkana.

Johan sodor 17:6

Ariń ńelkedea, uni maejiu do Isorren hoṛkoakʼ mãyãm ar okoe do Jisu reaṅ gohako emakatʼ onkoakʼ mãyãm ńũteye bul akana.