Aposkạmi 15:2 - Santali Common Language New Testament

² Onate Pạul ar Barnabas sãote onko hoṛko doko apṭha ạpṭhiyena. Onko doko goṭakeda je, Pạul ar Barnabas do Antiokiạren thoṛa biswạsiko soṅgekate Jerusalemkin calakʼa ar apostolko ar manḍerren mukhiyạko tulucʼ noa reaṅko galmaraoa.

সান্তালী বাইবেল

² Onate Pạul ar Barnabas sãote onko hoṛ doko apṭha ạpṭhiyena. Onko doko goṭakeda je, Pạul ar Barnabas do Antiokiạren thoṛa biswạsiko soṅgekate Jerusalemkin calakʼa ar apostolko ar manḍerren mukhiyạko tulucʼ noa reaṅko galmaraoa.

Aposkạmi 15:2 Iomraidhean Croise

Aposkạmi 10:23

Unre Patras do oṛakʼ bhitrite onko hoṛe hoho aderketʼkoa ar onkoakʼ tahen jaega ar jom-ńu reakʼe bebostawatʼkoa. Ado dosar hilokʼ Patras do onko tulucʼe senena. Ar Joppa nagraharen adom biswạsi boehako hõ uni sãoteko sen torayena.

Aposkạmi 11:12

Unre sonot Jiu do begor digdhạte onko sãote calakʼe metadińạ. Ar iń tulucʼ noko turui boeha hõko sen toralena. Ale do uni hoṛakʼ oṛakʼtele boloyena one okoe do ińe hohowạdiń tahẽkan.

Aposkạmi 11:30

Onko do Barnabas ar Sạulakʼ tite Jihudạ manḍerren maraṅ mukhiyạko ṭhen ona goṛoko kolleda.

Aposkạmi 15:25

Onate ale sanamkoge mitʼkate thoṛa hoṛ bachaokate aleren dulạṛiạ gate Barnabas ar Pạul sãote ape ṭhenle kolketʼkoa.

Aposkạmi 15:27

Ale do Jihudạ ar Silạs tạkinle kolketʼkinạ jemon okale olakatʼ ona do mocate hõ kin lạiape.

Aposkạmi 15:4

Pạul ar Barnabas Jerusalemtekin hecʼen khan manḍerren hoṛko, mukhiyạko ar apostolko do ạḍi rạskạ salakʼko ataṅ daramketʼkinạ. Ar unkin hotete Isor okakoe cekaletʼ tahẽkan ona sanamakʼkin lạiatʼkoa.

Aposkạmi 16:4

Ar unkin do onako nagraha talatekin parom calaoena ar Jerusalemren apostolko ar manḍerren mukhiyạko okako ạnko goṭa akatʼ tahẽkan ona do hoṛkokin baḍae ocoketʼkoa ar pańjae lạgitʼkin metatʼkoa.

Aposkạmi 21:18

Ar dosar hilokʼ Pạul do ale sãote Jakob ńeńele senena. Onḍe do manḍerren sanam murubikoko tahẽkana.

1 Korinthiko 1:1

Isorakʼ monejoṅ ar uni hohote iń Pạul do Mạsi Jisuren mitʼṭen celań hoeakana. Iń ar boeha Sosthenes do Korinthi nagraha reakʼ Isorakʼ manḍerren hoṛko ṭhen, metakʼme ape ṭhen liń oletʼkana. Mạsi Jisu sãote jopoṛao hotete Isor do acʼakʼ monsubạ leka apeye bachao doho akatʼpea ar acʼren hoṛko hoyokʼ lạgitʼe hohoakatʼpea. Ape ṭhen ar eṭakʼ sanam jaegare okoe do aboren Probhu Jisu Mạsi Probhu menteko aṅgocede onko ṭhen ạliń do noa ciṭhi liń oleda. Uni do aboren ar onkoren hõ Probhu kanae.

2 Korinthiko 11:5

Menkhan ińakʼ bujre onko “Soros utạr” apostolko khon do oka secʼte hõ bạń komaoa.

Galathiko lạgitʼ Pạul Apostolakʼ ciṭhi 2:5

Menkhan bhage sombat reakʼ sạriạkʼtetʼ jemon ape lạgitʼle rukhiyạ daṛeakʼ onate mitʼ ghạṛi lạgitʼ hõ onkoakʼ katha do bale manaoleda.

Jihudạwakʼ ciṭhi 1:3

E dulạṛiạ gateko, kại khon sanamko oka bańcao bon ńamakatʼ ona bańcao reaṅ olape lạgitʼ ạḍi gagoj mon tahẽkantińạ. Menkhan enhõ Mạsi dhorom biswạsre, one okaṭakʼ Isor do acʼren hoṛko jaejug lạgitʼe emakatʼko, ona lạgitʼ mon murukte jemonpe lạṛhại ar ona udgạupe lạgitʼge noa ciṭhi olokʼ reakʼ jạruṛiń bujhạukeda.