Aposkạmi 13:12 - Santali Common Language New Testament

¹² Noako ńelte uni disạm cakʼlaoicʼ do Probhureye biswạsena, ente Probhu reaṅ oka cecetʼakʼe ńamletʼ onate uni doe hahaṛalena.

সান্তালী বাইবেল

¹² Noako ńelte uni disạm cakʼlaoyicʼ do Probhu Isorreye biswạsena, ente Probhu Isor babotre oka cecetʼakʼe ńamletʼ onate uni doe hahaṛalena.

Aposkạmi 13:12 Iomraidhean Croise

Mathae 27:54

Subedar ar uni tulucʼ Jisu horhoyedeko do dhạrti laṛao ar eṭakʼ ghoṭnako ńelkate ạḍi bạṛicʼko botorena arko menkeda, “Sạrige uni do Isorren Hopone tahẽkana.”

Luk 4:22

Ar sanam hoṛ do uniko sabasiadea ar uniakʼ moca khon oḍokokʼkan mońj mońj katha ańjomteko hahaṛayena. Onkoko menkeda, “Nui do cetʼ Josephren hopon doe baṅkana?”

Luk 7:16

Noate sanam hoṛ do botor caṛhaoatʼkoa ar Isor sabasiaete memenko ehopʼena, “Abo talare mitʼṭen maraṅ nạbigeye upel akana. Isor do acʼren hoṛkoe hiri akatʼ bona.”

Johan 7:46

Adoko menkeda, “Uni hoṛ cetʼ lekae roṛetʼkan onka do okoe hõ tisge bako roṛakada.”

Aposkạmi 13:48

Noa katha ańjomkate boṅgan hoṛ jạtrenko doko rạskạyena ar Probhuakʼ kathako sarhaokeda; ar jaejug jion ńam lạgitʼ Isor tinạkʼe niṭ dohoakatʼko tahẽkan onko doko pạtiạuena.

Aposkạmi 13:49

Ar Probhuakʼ katha do onako ṭoṭha reakʼ sanam jaegakore pasnao idiyena.

Aposkạmi 13:7

Uni eṛe nạbi do Eluma, metakʼme jạdu alako metaekan tahẽkana. Uni jạdu udukʼicʼ do disạm cakʼlaoicʼ Sergius Pạulusren mitʼṭen gateye tahẽkana ar uni disạm cakʼlaoicʼ do mitʼṭen budan hoṛgeye tahẽkana. Uni do Isorakʼ katha ańjom lạgitʼ Barnabas ar Sạule hoho ạgu ocoketʼkina.

Aposkạmi 13:8

Menkhan Eluma do Barnabas ar Sạul tạkicʼkine ehopʼkeda ar disạm cakʼlaoicʼ hõ Jisure pạtiạukʼ khon ruạṛe lạgitʼe kurumuṭukeda.

Aposkạmi 15:35

Menkhan Pạul ar Barnabas do Antiokiạrege kin tahẽyena. Onḍe unkin do arhõ aemako ṭhen Probhuakʼ katha cetʼako ar porcarkin dhurạuena.

Aposkạmi 15:36

Thoṛa din tayom Pạul do Barnabase metadea, “Dela, okako jaegare Probhuakʼ katha laṅ porcarakatʼ, onako jaegate arhõ ruạṛ senkate boehako laṅ hirikoa ar cetʼleka menakʼkoa mente ona hõ laṅ ńeltorakoa.”

Aposkạmi 18:12

Ado Gallio tinre Akhaearen disạm cakʼlaoicʼ tahẽkana unre Jihudiko do jomkao mitʼkate Pạulko sapʼkedea ar bicạre lạgitʼ adalotteko ạgukedea.

Aposkạmi 19:10

Ado bar bochor hạbicʼ onkage hoe idiyena. Onate okoe Jihudi ar Junạniko Asiạ Prodesreko tahẽkan onko sanamkoge Probhuakʼ kathako ańjomkeda.

Aposkạmi 19:20

Nonkate Probhuakʼ katha do pasnao idiyena ar hoṛkoakʼ monre uniakʼ daṛe do arhõ bạ̃ṛti kạmiye ehopʼkeda.

Aposkạmi 19:38

Ado Demetrius ar uni sãoten kạrigolko do jãhãe birudre jãhãn katha menakʼtako khan enḍekhan kacahạrima jhicʼge ar hạkimko hõ coṅ menakʼkoge. Onate onko do onḍeko mambla daṛeakʼa.

Aposkạmi 19:7

Onko celako do lekhare gelbar goṭenko tahẽkana.

Aposkạmi 28:7

Ona jaegare sorre Publius ńutuman mitʼṭen napṛakʼ hoṛ do jumidari tahẽkantaea. Uni do acʼakʼ oṛakʼteye idiketʼlea ar pe din hạbicʼ ạḍi mońjteye peṛaketʼlea.

Aposkạmi 6:10

Onko do Stephan sãote reṭepeṭekʼko ehopʼena, menkhan Stephan do sonot Jiu hotete akel salakʼe galmaraoatʼkoa. Onate onko do uni birudre bako teṅgo daṛeada.

Aposkạmi 8:25

Inạ tayom Patras ar Johan do Probhu reaṅ goha emkate Jerusalemtekin ruạṛ calaoena. Ar calakʼ calakʼte unkin do Samariạkoakʼ aema atokore bhage sombatkin porcar idikeda.