Aposkạmi 1:3 - Santali Common Language New Testament

³ Uni do acʼakʼ duk jom tayom nokoko hoṛ ṭhengeye ńel ocolena ar uni je jiwetʼge menae ona reakʼ ạḍi utạr biswạsteakʼ pormane emakada. Uni do pon gel din hạbicʼ celako ṭhene ńel ocoyente Isorakʼ raj reaṅe lạiatʼko tahẽkana.

সান্তালী বাইবেল

³ Uni do acʼakʼ duk jom tayom nokoko hoṛ ṭhengeye ńel ocolena ar uni jiwetʼge menae ona reakʼ ạḍi utạr biswạsteakʼ pormankoe emakada. Uni do pon gel din hạbicʼ celako ṭhene ńel ocoyente Isorakʼ raj reaṅe lạiyatʼko tahẽkana.

Aposkạmi 1:3 Iomraidhean Croise

Mathae 21:43

Onateń metapekana, Isorakʼ raj do ape ṭhen khon rejogokʼa ar nonkan hoṛko ṭhen emogokʼa, one okoeakʼ jionre ona rajosṭi reakʼ jo ńelokʼkan.

Mathae 28:9

Ar ackage unkin samaṅre Jisui hecʼenteye joharatʼkinạ. Unkin do sen sorkate jaṅgakin hạṛupʼkedea arkin sewawadea.

Mathae 3:2

“Mon ạcurtape, ente serma raj do sorakana.”

Mathae 4:2

Onḍe uni do pongel siń ar pongel ńindại upạsketʼ khan reṅgecʼkedea.

Mark 16:19

Ado joto kathae galmaraoatʼko tayom, Probhu Jisu do sermateye rakapʼ ocoyena. Ar uni do onḍe Isorakʼ jojomsa aṛereye duṛupʼena.

Johan 20:26

Ado niạ mitʼ hapta tayom celako do arhõ oṛakʼ bhitrire mitʼ ṭhenko jarwayena, ar Thoma hõ onko sãoteye tahẽkana. Unre silpińko sińge tahẽkanre hõ Jisu do hecʼkate onko talare teṅgoyenteye metatʼkoa, “Suluk ape ma.”

Johan 21:1

Inạ tayom Jisu do Tiberias doreão aṛere celako ṭhen arhõe ńel ocoyena. Onḍe do nonka lekae sodorena.

Johan 21:14

Gocʼko khon beretʼ ruạṛ tayom Jisu do tesar dhao acʼren celako ṭhene ńel ocoyena.

Aposkạmi 13:31

Gạlil khon okoeko uni sãote Jerusalemteko hecʼlen, onko do aema din hạbicʼ uniko ńelledea. Ar onkoge ńitokʼ do aboren hoṛko ṭhen uni reaṅ gohako emeda.

Aposkạmi 19:8

Inạ tayom Pạul do sunạgogkoteye boloyena ar pe cando hạbicʼ dil salakʼ kathakoe galmaraoatʼkoa. Uni do Isorakʼ raj reaṅakʼko khode khod galmaraoatʼkote biswạs janam ocoetako lạgitʼe kurumuṭukeda.

Aposkạmi 28:23

Onko do Pạul são ńapamokʼ lạgitʼ mitʼṭen dinko goṭakeda. Ar Pạul okareye tahẽkan onḍe do onko chaḍa arhõ aema hoṛko hecʼena. Unre Pạul do setakʼ khon ạyupʼ hạbicʼ Isorakʼ raj reaṅe galmaraoatʼkoa are bujhạuatʼkoa. Uni do Moseakʼ ạn-ạri ar nạbikoakʼ puthi khon hõ Jisu reaṅe bujhạu akokan tahẽkana.

Aposkạmi 28:31

Uni do sohosate ar bin akoṭte Isorakʼ raj reakʼe porcaretʼ tahẽkana ar Probhu Jisu Mạsi reaṅe cetʼakokan tahẽkana.

Aposkạmi 8:12

Menkhan Philip do tinre Isorakʼ raj ar Jisu Mạsi reaṅ bhage sombate porcarkeda unre hoṛko do uniakʼ kathareko pạtiạuena ar herel ar maejiukoko bạptisena.

Romiko lạgitʼ Pạul Apostolakʼ ciṭhi 14:17

Isorakʼ rajre jom ar ńũ do maraṅakʼ do baṅkana; maraṅ katha do hoyokʼ kana, dhorom ar suluk ar rạskạge Sonot Jiure.

Kolossiko lạgitʼ Pạul Apostolakʼ ciṭhi 1:13

Ente uni do ńut reakʼ rajosṭi khone bańcaoketʼbonte acʼren dulạṛiạ Hoponakʼ rajosṭiteye ucạṛ ạguketʼbona.

1 Johan 1:1

Okoe pạhil khongeye tahẽkan, ar okoeakʼ moca reakʼ kathale ańjom akatʼ, okoe nij mẽtʼtele ńṭoṭhade, okoe do mońjtele ạri bạndhi akade, okoe do nij titele joṭetʼ akade, ona jion reakʼ kathage nonḍele oleda.